Wednesday, May 18, 2022

ಮಂಟಪದಲ್ಲಿ ಮಧುಮಗಳ ಮುಸುಕು ತೆಗೆದು ಹೌಹಾರಿದ ಮಧುಮಗ: ಧೋತಿ ಬಿಚ್ಚಿ ಹಲ್ಲೆ ನಡೆಸಿದ ವಧು

ಇಟವಾ: ಮದುವೆಯ ದಿನ ಮಂಟಪದಲ್ಲಿ ಮದುಮಗಳು ಮುಖಕ್ಕೆ ಧರಿಸಿದ್ದ ಮುಸುಕನ್ನು ತೆಗೆದು ವರನೊಬ್ಬ ಬೆಚ್ಚಿ ಬಿದ್ದಿರುವ ಘಟನೆ ಉತ್ತರ ಪ್ರದೇಶದ ಇಟವಾದಲ್ಲಿ ನಡೆದಿದೆ.

ಈ ಬಗ್ಗೆ ಓಡಿ ಹೋಗಿ ಪೊಲೀಸ್‌ ಠಾಣೆಗೆ ದೂರು ನೀಡಲು ಬಯಸಿದ ವರನ ಧೋತಿಯನ್ನೇ ಬಿಚ್ಚಿದ್ದಾಳೆ.


ಶತ್ರುಘ್ನ ಸಿಂಗ್ ಎಂಬ ಯುವಕನಿಗಾಗಿ ಮನೆಯವರು ಹುಡುಗಿಯನ್ನು ನೋಡುತ್ತಿದ್ದರು.

ಆ ಸಂದರ್ಭದಲ್ಲಿ 20 ವರ್ಷದ ಹುಡುಗಿಯ ಫೋಟೋ ಅನ್ನು ಮದುವೆ ಬ್ರೋಕರ್‌ ಒಬ್ಬ ತೋರಿಸಿದ. ವಧು-ವರರು ಇಬ್ಬರೂ ನೋಡಿಕೊಂಡು ಜತೆಗೆ ಕುಟುಂಬದವರೂ ಮಾತುಕತೆ ನಡೆಸಿ ಮದುವೆಯನ್ನೂ ನಿಗದಿ ಮಾಡಲಾಯಿತು.
ಅಲ್ಲಿನ ಪದ್ಧತಿಯಂತೆ ಮದುಮಗಳ ಮುಖವನ್ನು ಮುಸುಕಿನಿಂದ ಮುಚ್ಚಲಾಗುತ್ತದೆ. ಅದೇ ರೀತಿ ಮದುಮಗಳ ಮುಖವನ್ನೂ ಮುಚ್ಚಲಾಗಿತ್ತು.

ನಂತರ ಮದುವೆ ಮಾಡುತ್ತಿರುವ ಸಂದರ್ಭದಲ್ಲಿ ವಧುವಿನ ಕೈಯನ್ನು ನೋಡಿ ವರನಿಗೆ ಏನೋ ಸಂದೇಹ ಬಂದಿದೆ. ಈ ವೇಳೆ ವಧುವಿನ ಮುಖದ ಮೇಲಿದ್ದ ಪರದೆ ತೆಗೆದು ಹೌಹಾರಿ ಹೋಗಿದ್ದಾನೆ.

ಏಕೆಂದರೆ ಅಲ್ಲಿ ಇದ್ದುದು ಸುಮಾರು 45 ವರ್ಷದ ಮಹಿಳೆ. ಈ ಮದುವೆಯನ್ನು ಅಲ್ಲಿಯೇ ನಿಲ್ಲಿಸಲಾಯಿತು. ತಮಗೆ ಮೋಸ ಮಾಡಿರುವುದಾಗಿ ತಿಳಿದ ಯುವಕ ಕೂಡಲೇ ಪೊಲೀಸ್‌ ಠಾಣೆಗೆ ದೂರು ನೀಡಲು ಮಂಟಪದಿಂದಲೇ ಓಡಿಹೋಗುವ ಪ್ರಯತ್ನ ಮಾಡಿದ. ಆಗ ಮಹಿಳೆ ಮತ್ತು ಆಕೆಯ ಕಡೆಯವರು ಆತನ ಧೋತಿ ಬಿಚ್ಚಿದರು.

ನಂತರ ಬಲವಂತದಿಂದ ಈ ಮದುವೆಯನ್ನು ಮಾಡಿಸುವ ಪ್ರಯತ್ನ ಮಾಡಿದರು. ನಂತರ ತಿಳಿದದ್ದು ಈ ಮಹಿಳೆ ಗಂಡ ಬಿಟ್ಟವಳು ಹಾಗೂ ಇಬ್ಬರು ದೊಡ್ಡ ಮಕ್ಕಳ ತಾಯಿ ಎಂದು.
ಮದುವೆಯಾಗಲು ನಿರಾಕರಿಸಿದ್ದಕ್ಕೆ ಯುವಕನ ಮೇಲೆ ಹಲ್ಲೆ ಕೂಡ ಮಾಡಲಾಯಿತು.

ಆದರೂ ಆತ ಬಿಡದೇ ನೇರವಾಗಿ ಪೊಲೀಸ್ ಠಾಣೆಗೆ ಹೋಗಿ ಮಹಿಳೆ ಮತ್ತು ಮೋಸ ಮಾಡಿದ ಬ್ರೋಕರ್‌ ಮೇಲೆ ದೂರು ದಾಖಲಿಸಿದ್ದಾನೆ.

LEAVE A REPLY

Please enter your comment!
Please enter your name here

Hot Topics

ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಹತ್ಯೆ ಪ್ರಕರಣ: ಅಪರಾಧಿಗೆ ಜಾಮೀನು

ನವದೆಹಲಿ: ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಹತ್ಯೆ ಪ್ರಕರಣದ ಅಪರಾಧಿ ಎ.ಜಿ. ಪೇರರಿವಾಳನ್‌ ಅವರನ್ನು ಜೈಲಿನಿಂದ ಬಿಡುಗಡೆ ಮಾಡುವಂತೆ ಸುಪ್ರೀಂ ಕೋರ್ಟ್ ಬುಧವಾರ ಆದೇಶಿಸಿದೆ.ನ್ಯಾಯಮೂರ್ತಿಗಳಾದ ಎಲ್. ನಾಗೇಶ್ವರ ರಾವ್ ಮತ್ತು ಬಿ. ಆರ್....

ಉಡುಪಿ: ಬೈಕ್ ಸ್ಕಿಡ್ ಆಗಿ ಹಿಂಬದಿ ಸವಾರೆ ದಾರುಣ ಸಾವು

ಉಡುಪಿ: ಬೈಕ್ ನಲ್ಲಿ ಹೋಗುವಾಗ ಬೈಕ್ ಸ್ಕಿಡ್ ಆಗಿ ಹಿಂಬದಿ ಸವಾರೆ ಮೃತಪಟ್ಟಂತಹ ಘಟನೆ ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ಬೈಂದೂರಿನ ಕಾಲ್ತೋಡು ಗ್ರಾಮದ ಮುರೂರು ಎಂಬಲ್ಲಿ ನಡದಿದೆ.ಕಾಲ್ತೋಡು ಗ್ರಾಮ ಪಂಚಾಯತ್ ಅಧ್ಯಕ್ಷೆ...

ಛೀ ಅಸಹ್ಯ: ಮಂಗಳೂರಿನಲ್ಲಿ ಗುದನಾಳದಲ್ಲಿಟ್ಟು ಸಾಗಿಸುತ್ತಿದ್ದ ಚಿನ್ನ ವಶಕ್ಕೆ

ಮಂಗಳೂರು: ಬೈಂದೂರಿನ ಪ್ರಯಾಣಿಕನೋರ್ವ ಬಹರೈನ್‌ನಿಂದ ಅಕ್ರಮವಾಗಿ ಸಾಗಿಸುತ್ತಿದ್ದ ಚಿನ್ನವನ್ನು ಕಸ್ಟಮ್ಸ್ ಅಧಿಕಾರಿಗಳು ವಶಪಡಿಸಿಕೊಂಡ ಘಟನೆ ಸೋಮವಾರ ಮಂಗಳೂರು ವಿಮಾನ ನಿಲ್ದಾಣದಲ್ಲಿ ನಡೆದಿದೆ.ಪ್ರಯಾಣಿಕನೋರ್ವ 736 ಗ್ರಾಂ ಚಿನ್ನವನ್ನು ಗುದನಾಳದಲ್ಲಿಟ್ಟು ಸಾಗಿಸುತ್ತಿದ್ದ ವೇಳೆ ಅಧಿಕಾರಿಗಳು ಪತ್ತೆ...