ಸ್ವ ಇಚ್ಛೆಯಿಂದ ವಿವಾಹವಾದ್ರೂ ಅಪ್ರಾಪ್ತರಾದರೇ ಗಂಡನೊಂದಿಗಿರಲು ಸಾಧ್ಯವಿಲ್ಲ;ಅಲಹಾಬಾದ್ ಹೈಕೋರ್ಟ್ ತೀರ್ಪು..!
Allahabad High Court verdict! The youngest cannot be with a husband;
ಅಲಹಾಬಾದ್: ಮನೆಯವರ ಅನುಮತಿ ಇಲ್ಲದೆ ಅಪ್ರಾಪ್ತೆ ಮದುವೆಯಾದಲ್ಲಿ ಗಂಡನೊಂದಿಗೆ ವಾಸಿಸಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ಆದೇಶಿಸಿದೆ. ಪ್ರಾಪ್ತ ವಯಸ್ಕಳಾಗುವವರೆಗೆ ಮದುವೆಯನ್ನು ಒಪ್ಪಿಕೊಳ್ಳುವ ಅಥವಾ ಬೇರೆ ಯಾರೊಂದಿಗಾದ್ರೂ ವಾಸಿಸಲು ಸ್ವತಂತ್ರಳು ಎಂದು ನ್ಯಾಯಮೂರ್ತಿ ಜೆ.ಜೆ ಮುನೀರ್ ನ್ಯಾಯಪೀಠ ಕಳೆದ ವಾರ ತೀರ್ಪು ನೀಡಿತ್ತು.
ಈ ತೀರ್ಪನ್ನು ಪ್ರಶ್ನಿಸಿ 2020ರ ನವೆಂಬರ್ 24ರಂದುಬಾಲಕಿಯ ತಂದೆ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಪೀಠ ಅಪ್ರಾಪ್ತ ಬಾಲಕಿ ತನ್ನ ಗಂಡನೊಂದಿಗೆ ವಾಸಿಸಲು ಸಾಧ್ಯವಿಲ್ಲ ಎಂದಿದೆ, ಬಾಲಕಿ ಪ್ರಾಪ್ತ ವಯಸ್ಸಿಗೆ ಬಂದ ನಂತ್ರ ಮದುವೆಯನ್ನ ಒಪ್ಪಿಕೊಳ್ಳುವ ಅಥವಾ ಅದನ್ನ ಬಿಟ್ಟು ಬೇರೆ ಯಾರೊಂದಿಗಾದರೂ ವಾಸಿಸಲು ಸ್ವತಂತ್ರಳಾಗುತ್ತಾಳೆ ಎಂದು ನ್ಯಾಯಮೂರ್ತಿ ಜೆ.ಜೆ. ಮುನೀರ್ ಅವರಿದ್ದ ನ್ಯಾಯಪೀಠ ಕಳೆದ ವಾರ ಈ ತೀರ್ಪು ನೀಡಿದೆ.
ಹಾಪುರ್ ಮ್ಯಾಜಿಸ್ಟೈರಿಯಲ್ ಕೋರ್ಟ್ ನೀಡಿದ್ದ ತೀರ್ಪನ್ನ ಪ್ರಶ್ನಿಸಿ, , ಬಾಲಕಿಯ ತಂದೆ, ಹಾಪುರ್ ನಿವಾಸಿ ಪಿಂಟೋ ಎಂಬುವವನು ಆಮಿಷವೊಡ್ಡಿ ತನ್ನ ಮಗಳನ್ನ ಮದುವೆಯಾದಾಗ ಬಾಲಕಿಗೆ ಕೇವಲ 16 ವರ್ಷ ವಯಸ್ಸಿನವಳೆಂದು ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದರು.
ಅದ್ರಂತೆ ಹುಡುಗಿಗೆ ಇನ್ನು ಮದುವೆಯ ವಯಸ್ಸಾಗಿಲ್ಲ.ಆದ್ರೆ, ತಾನು ತನ್ನ ಪತಿಯನ್ನ ಸ್ವ ಇಚ್ಛೆಯಿಂದ ಮದುವೆಯಾಗಿದ್ದು, ಹುಡುಗಿ ಪೋಷಕರೊಂದಿಗೆ ಇರಲು ನಿರಾಕರಿಸಿದ್ದಾಳೆ.
ಬಳಿಕ ಸಂಬಂಧಪಟ್ಟವರ ವಿಚಾರಣೆ ನಂತರ ಕೋರ್ಟ್ ಕಾನೂನಿನ ಪ್ರಕಾರ ವಿವಾಹ ಅನೂರ್ಜಿತವಾಗಿದೆ ಎಂದು ಹೇಳಿದ್ದು . ಹುಡುಗಿ ಮದುವೆಯ ಸೂಕ್ತ ವಯಸ್ಸು ತಲುಪಿದಾಗ, ಆಕೆಯ ವಿವಾಹವನ್ನ ಒಪ್ಪಿಕೊಳ್ಳುವುದು ಅಥವಾ ಅದನ್ನ ರದ್ದು ಮಾಡುವ ಮುಕ್ತ ಅವಕಾಶ ಆಕೆಗಿರುತ್ತದೆ ಎಂದು ಕೋರ್ಟ್ ಹೇಳಿದೆ.
ಇನ್ನು ಬಾಲಕಿ ಪ್ರಾಪ್ತ ವಯಸ್ಸಿಗೆ ಬರುವವರೆಗೆ ತವರು ಮನೆಯಲ್ಲೇ ಇರುವಂತೆ ನೋಡಿಕೊಳ್ಳಬೇಕು ಎಂದು ಕೋರ್ಟ್ ರಾಜ್ಯ ಸರ್ಕಾರಕ್ಕೆ ನಿರ್ದೇಶನ ನೀಡಿದೆ.
