Tuesday, January 19, 2021

ಉಡುಪಿಯಲ್ಲಿ  ಕೊಡಲಿ ಏಟಿನಿಂದ ರೋಧಿಸುತ್ತಿರುವ ಮರಗಳು; ಅರಣ್ಯಾಧಿಕಾರಿಗಳಿಂದಲೇ ಮರಗಳ ಮಾರಣಹೋಮ..! 

ಉಡುಪಿಯಲ್ಲಿ  ಕೊಡಲಿ ಏಟಿನಿಂದ ರೋಧಿಸುತ್ತಿರುವ ಮರಗಳು; ಅರಣ್ಯಾಧಿಕಾರಿಗಳಿಂದಲೇ ಮರಗಳ ಮಾರಣಹೋಮ..!

ಉಡುಪಿ: ಬಿಸಿಲಿನ ಝಳದಿಂದ ತಪ್ಪಿಸಿಕೊಳ್ಳಲು ಮರವನ್ನು ಹುಡುಕುತ್ತಾರೆ. ಆದರೆ ಆ ಮರಗಳನ್ನೇ ನಿರ್ದಾಕ್ಷಿಣ್ಯವಾಗಿ ಕಡಿಯೋದಕ್ಕೆ ಮುಂದಾಗಿದ್ದಾರೆ ಅರಣ್ಯ ಇಲಾಖೆಯ ಅಧಿಕಾರಿಗಳು.

ಇಲ್ಲಿ ಮರ ಕಡಿಯುತ್ತಿರುವುದೇನೂ ಅಕ್ರಮವಲ್ಲ. ಎಲ್ಲವೂ ಸಕ್ರಮವೇ, ಆದರೆ ಮನುಷ್ಯನ ಅಭಿವೃದ್ಧಿಯ ನಾಗಾಲೋಟಕ್ಕೆ ಜಿಲ್ಲೆಯ ಹಸಿರುರಾಶಿ ಬಲಿಯಾಗುತ್ತಿರುವುದು ದುರಂತವೇ ಸರಿ

ಉಡುಪಿ ಜಿಲ್ಲೆಯ ಬ್ರಹ್ಮಾವರದಿಂದ ಪೇತ್ರಿಗೆ ಹೋಗುವ ಮಾರ್ಗದಲ್ಲಿ ಸಾಲು ಸಾಲು ಮರಗಳು ಧರೆಗುರುಳುತ್ತಿವೆ. ಒಂದಲ್ಲ ಎರಡಲ್ಲ ಬರೋಬ್ಬರಿ 1014 ಮರಗಳು ನೆಲಕ್ಕುರುಳಲಿವೆ.

.ಬ್ರಹ್ಮಾವರ ಮತ್ತು ಪೇತ್ರಿ ಪರಿಸರ ಉತ್ತಮ ಗ್ರಾಮೀಣ ಜೀವನ ಮತ್ತು ಹಸಿರು ರಾಶಿಯಿಂದ ಕಂಗೊಳಿಸುವ ಪ್ರದೇಶವಾಗಿದೆ. ಬದಲಾದ ಕಾಲಘಟ್ಟದಲ್ಲಿ ರಸ್ತೆಗಳ ಅಗಲೀಕರಣದ ಅಗತ್ಯವಿದೆ.

ಆದರೆ, ಮರಗಳನ್ನು ಉಳಿಸಿಕೊಂಡೇ ರಸ್ತೆ ಮಾಡೋದು ಯಾರಿಗೂ ಬೇಡ, ಹಾಗಾಗಿ ಮುಲಾಜಿಲ್ಲದೆ ಸಾವಿರಾರು ಮರಗಳನ್ನು ಕಡಿಯಲಾಗುತ್ತಿದೆ.

ಈ ದಾರುಣ ದೃಶ್ಯ ಕಂಡ ಕೆಲ ಸ್ಥಳೀಯ ಯುವಕರು ಮುಂದೆ ಬಂದು ವಿರೋಧಿಸಿದ್ದು ಬಿಟ್ಟರೆ, ಮರ ಕೆಡಹುವ ಕಾರ್ಯವಂತೂ ಸುಸೂತ್ರವಾಗಿಯೇ ಸಾಗಿದೆ.

ಬ್ರಹ್ಮಾವರ ತಾಲೂಕು ಕೇಂದ್ರದಿಂದ ಪೇತ್ರಿ ವರೆಗಿನ ಒಟ್ಟು 13 ಕಿಮೀ ರಸ್ತೆ ಅಗಲೀಕರಣವಾಗುತ್ತಿದೆ,. ಹಿರಿಯ ತಲೆಮಾರಿನಜನ ಓಡಾಡುವ ಜನರಿಗೆ ನೆರಳಿನ ಜೊತೆ ಫಲವಸ್ತುಗಳೂ ತಿನ್ನಲು ಸಿಗಲಿ ಎಂದು ಹೇರಳವಾಗಿ ಮಾವು, ಹಲಸಿನ ಮರಗಳನ್ನೇ ಇಲ್ಲಿ ಬೆಳೆಸಿದ್ದಾರೆ.

ಸಾಕಷ್ಟು ಔಷಧೀಯ ವೃಕ್ಷಗಳೂ ಇವೆ. ದಶಕಗಳಿಂದ ಜನರಿಗೆ ನೆಮ್ಮದಿಯ ನೆರಳುಕೊಟ್ಟ ಮರಗಳಿವು. ಆದರೆ ಮನುಷ್ಯನ ಕೃತಘ್ನತೆಗೆ ಏನು ಹೇಳಬೇಕೋ ಗೊತ್ತಿಲ್ಲ.

ವರ್ಷದ ಹಿಂದೆ ಪಬ್ಲಿಕ್ ಹಿಯರಿಂಗ್ ಆದಾಗಲೂ ನೋ ಅಬ್ಜೆಕ್ಷನ್, ಮರ ಕಡಿಯುವಾಗಲೂ ನೋ ಅಬ್ಜೆಕ್ಷನ್. ಕಣ್ಣೆದುರೇ ಸಾವಿರಾರು ಮರಗಳು ಬಿದ್ದರೂ ಒಂದಿಷ್ಟೂ ಬೇಸರವಿಲ್ಲ. ಮರಗಿಡ ಬೆಳೆಸುವ ಅರಣ್ಯ ಇಲಾಖೆಯವರೇ ಮುಂದೆ ನಿಂತು ಎಲ್ಲಾ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದಾರೆ.

ಇವರು ಒಂದು ಮರಕ್ಕೆ ಹತ್ತು ಗಿಡ ನೆಡ್ತಾರಂತೆ! ಅದಕ್ಕಂತಲೇ ಲೋಕೋಪಯೋಗಿ ಇಲಾಖೆ ಅರಣ್ಯ ಇಲಾಖೆಯ ಅಕೌಂಟ್ ಗೆ 60 ಲಕ್ಷ ರುಪಾಯಿ ಹಾಕಿದೆ.

ಒಂದು ಗಿಡಕ್ಕೆ ಮುನ್ನೂರು ರುಪಾಯಿಯಂತೆ ಪಡೆದು, ಅರಣ್ಯ ಬೆಳೆಸುವ ಮಹತ್ತರ ಜವಾಬ್ದಾರಿ ಅರಣ್ಯ ಇಲಾಖೆಗಿದೆ. ಇವರು ನೆಟ್ಟ ಎಲ್ಲಾ ಗಿಡಗಳು ಮರವಾಗಿದ್ದರೆ, ಉಡುಪಿ ಜಿಲ್ಲೆಗೆ ಜಿಲ್ಲೆಯೇ ಅರಣ್ಯವಾಗಬೇಕಿತ್ತು.

ಎರಡನೇ ಹಂತದಲ್ಲಿ ನೀಲಾವರದಿಂದ ಪೇತ್ರಿವರೆಗಿನ 500 ಕ್ಕೂ ಅಧಿಕ ಮರ ಕಡಿಯಲು ಬಾಕಿಯಿದೆ. ಲೋಕೋಪಯೋಗಿ ಇಲಾಖೆ ಮತ್ತೆ ಹಣ ಕೊಟ್ಟರೆ ಈ ಮರಗಳೂ ಶೀಘ್ರವೇ ಖತಂ ಆಗುತ್ತೆ.

ಕನಿಷ್ಟ ವಿರೋಧವೂ ಇಲ್ಲದೆ ಮರಗಳು ಧರಾಶಾಹಿಯಾಗುವ ದೃಶ್ಯ ಕಂಡಾಗ, ಪ್ರಕೃತಿ ಅದೆಷ್ಟು ನೊಂದಿರಬಹುದೋ ಏನೋ? ಪ್ರಕೃತಿಯ ಮುನಿಸಿಗೆ ಇನ್ನೆಷ್ಟು ಬೆಲೆ ತೆರಬೇಕಾಗಿದೆಯೋ..?   ನಿಜಕ್ಕೂ ಈ ಮೂಕ ಮರಗಳಿಗೆ ಬಾಯಿ ಬರುತ್ತಿದ್ದರೆ, ಅದೆಷ್ಟು ಬೊಬ್ಬಿಡುತ್ತಿದ್ದವೋ ಏನೋ! ಉತ್ತಮ ಪರಿಸರ ಉಡುಪಿಗೆ ಪ್ರಕೃತಿ ಕೊಟ್ಟ ವರ.

ಈ ಸುಂದರ ಕೊಡುಗೆಯನ್ನು ಉಳಿಸಿಕೊಳ್ಳೋದು ಬಿಡಿ, ಹಾಳುಗೆಡವೋದರಲ್ಲೇ ಜನರಿಗೆ ಖುಷಿ! ಜಿಲ್ಲೆಯ ಬ್ರಹ್ಮಾವರದಿಂದ ಪೇತ್ರಿವರೆಗಿನ ರಸ್ತೆಯ ಅಗಲೀಕರಣಕ್ಕೆ ಒಂದುವರೆ ಸಾವಿರಕ್ಕೂ ಅಧಿಕ ಮರಗಳನ್ನು ಕಡಿಯಲಾಗುತ್ತಿದೆ. ಅಭಿವೃದ್ಧಿಯ ಮುಂದೆ ಪರಿಸರ ಪ್ರೀತಿ ನಿಜಕ್ಕೂ ಇಲ್ಲಿ ಅರಣ್ಯರೋಧನವಾಗಿದೆ.

Hot Topics

ಕಾಪುವಿನಲ್ಲಿ ಕಾರು ಅಪಘಾತ ಗಂಭೀರವಾಗಿ ಗಾಯಗೊಂಡಿದ್ದ ಯುವತಿ ಸಾವು..!

ಕಾಪುವಿನಲ್ಲಿ ಕಾರು ಅಪಘಾತ ಗಂಭೀರವಾಗಿ ಗಾಯಗೊಂಡಿದ್ದ ಯುವತಿ ಸಾವು..! ಉಡುಪಿ : ಉಡುಪಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭಾರಿ ಮಳೆಯ ನಡುವೆ ಭೀಕರ ರಸ್ತೆ ಅಪಘಾತ ಸಂಭವಿಸಿದೆ. ಚಾಲಕನ ನಿಯಂತ್ರಣ ತಪ್ಪಿದ ಕಾರೊಂದು ಕಾಪು ಬಳಿ...

ಮಗು ಸೇರಿದಂತೆ ದಂಪತಿ ಸಾಮೂಹಿಕ ಆತ್ಮಹತ್ಯೆ ಹಳೆಯಂಗಡಿಯಲ್ಲಿ ಹೃದಯ ವಿದ್ರಾವಕ ಘಟನೆ..!

ಮಗು ಸೇರಿದಂತೆ ದಂಪತಿ ಸಾಮೂಹಿಕ ಆತ್ಮಹತ್ಯೆ ಹಳೆಯಂಗಡಿಯಲ್ಲಿ ಹೃದಯ ವಿದ್ರಾವಕ ಘಟನೆ..! ಮಂಗಳೂರು:  ಎಂಟು ವರ್ಷದ ಮಗು ಸೇರಿದಂತೆ ದಂಪತಿ ಸಾಮೂಹಿಕ ಆತ್ಮಹತ್ಯೆ ಮಾಡಿರುವ ದಾರುಣ ಘಟನೆ ಹಳೆಯಂಗಡಿ ಬಳಿಯ ಕಲ್ಲಾಪು ರೈಲ್ವೇ ಗೇಟ್...

ಫೋನಿನಲ್ಲಿ ಮಾತಾಡುತ್ತಿದ್ದ ಯುವಕ ಮೃತ್ಯು ಕೂಪಕ್ಕೆ: ವಿಟ್ಲದಲ್ಲಿ ಹೃದಯ ವಿದ್ರಾವಕ ಘಟನೆ..! 

ಫೋನಿನಲ್ಲಿ ಮಾತಾಡುತ್ತಿದ್ದ ಯುವಕ ಮೃತ್ಯು ಕೂಪಕ್ಕೆ ವಿಟ್ಲದಲ್ಲಿ ಹೃದಯ ವಿದ್ರಾವಕ ಘಟನೆ..!  ಮಂಗಳೂರು: ಟೆರೇಸ್ ನಲ್ಲಿ ಫೋನ್ ನಲ್ಲಿ ಮಾತನಾಡುತ್ತಿದ್ದ ವೇಳೆ ಆಯತಪ್ಪಿ ಕೆಳಗೆ ಬಿದ್ದು ಯುವಕ ಸಾವನ್ನಪ್ಪಿರುವ ಘಟನೆ ವಿಟ್ಲದ ಕೇಪು ಎಂಬಲ್ಲಿ...
Copy Protected by Chetans WP-Copyprotect.