ಚೆನ್ನೈ: ಇತ್ತೀಚೆಗೆ ಆತ್ಮಹ*ತ್ಯೆ ಪ್ರಕರಣಗಳು ಹೆಚ್ಚುತ್ತಿವೆ. ಸಣ್ಣ ಪುಟ್ಟ ವಿಷಯಗಳಿಗೂ ಜೀವಾಂ*ತ್ಯಗೊಳಿಸುವವರ ಸಂಖ್ಯೆ ಹೆಚ್ಚು. ಮಹಿಳೆಯೊಬ್ಬರು ಬೈದರೆಂಬ ಕಾರಣಕ್ಕೆ ಮನನೊಂದು ಯುವಕನೋರ್ವ ಆತ್ಮಹ*ತ್ಯೆ ಮಾಡಿಕೊಂಡಿರುವ ಆಘಾ*ತಕಾರಿ ಘಟನೆ ನಡೆದಿದೆ. ತಮಿಳುನಾಡಿನ ಕೊಳತ್ತೂರಿನಲ್ಲಿ ಈ ದುರಂ*ತ ಸಂಭವಿಸಿದೆ.

ಈತ ತಡವಾಗಿ ಡೆಲಿವರಿ ಮಾಡಿದ್ದಕ್ಕೆ ಮಹಿಳೆಯೊಬ್ಬಳು ಬಾಯಿಗೆ ಬಂದಂತೆ ಬೈದಿದ್ದಕ್ಕೆ ಮನನೊಂದು ಆತ್ಮಹ*ತ್ಯೆಗೆ ಶರಣಾಗಿದ್ದಾನೆ ಎಂದು ವರದಿಯಾಗಿದೆ. ಜೆ.ಪವಿತ್ರನ್ ಮೃ*ತ ಯುವಕ. ಈತ ಬಿಕಾಂ ವಿದ್ಯಾರ್ಥಿಯಾಗಿದ್ದು, ಸಂಜೆಯ ಹೊತ್ತಿನಲ್ಲಿ ಡೆಲಿವರಿ ಬಾಯ್‌ ಆಗಿ ಕೆಲಸ ಮಾಡುತ್ತಿದ್ದ ಎಂದು ತಿಳಿದುಬಂದಿದೆ.

ಡೆಲಿವರಿ ತಡವಾಯಿತೆಂದು ಬೈದ ಮಹಿಳೆ :

ದಿನಸಿ ಸಾಮಾನುಗಳನ್ನು ತಲುಪಿಸಲು ಹೋದಾಗ ಮಹಿಳೆಯೊಬ್ಬರು ತನ್ನನ್ನು ನಿಂದಿಸಿದ್ದರಿಂದ ಮನನೊಂದ ತಾನು ಈ ಕ್ರಮ ಕೈಗೊಂಡಿರುವುದಾಗಿ ಯುವಕ ಡೆ*ತ್​​ ನೋಟ್​ನಲ್ಲಿ ಬರೆದಿದ್ದ ಎನ್ನಲಾಗಿದೆ. ಮನೆಯ ಅಡ್ರಸ್​​​ ಸಿಗದೇ ಇದ್ದ ಕಾರಣ ದಿನಸಿ ತಲುಪಿಸುವಷ್ಟರಲ್ಲಿ ತಡವಾಯಿತು. ಇದರಿಂದ ಕೋಪಗೊಂಡ ಮಹಿಳೆ ಡೆಲಿವರಿ ಕಂಪನಿಗೆ ದೂರು ನೀಡಿ, ಈ ಯುವಕನನ್ನು ಮತ್ತೆ ಡೆಲಿವರಿಗಾಗಿ ಕಳುಹಿಸಬೇಡಿ ಎಂದಿದ್ದರು ಎನ್ನಲಾಗಿದೆ.

ಎರಡು ದಿನಗಳ ನಂತರ, ಶುಕ್ರವಾರ(ಸೆ.13) ಕೆಲಸ ಕಳೆದುಕೊಂಡ ಯುವಕ ಮಹಿಳೆಯ ಮನೆಗೆ ಕಲ್ಲು ಎಸೆದು ಕಿಟಕಿಯ ಗಾಜನ್ನು ಒಡೆದಿದ್ದಾನೆ. ಈ ಹಿನ್ನೆಲೆಯಲ್ಲಿ ಮಹಿಳೆ ಕೊರಟ್ಟೂರು ಪೊಲೀಸರಿಗೆ ದೂರು ನೀಡಿದ್ದು, ಸಿಎಸ್‌ಆರ್‌ ಜಾರಿ ಮಾಡಲಾಗಿತ್ತು.

ಇದನ್ನೂ ಓದಿ : ಟಿಆರ್‌ಪಿಯಲ್ಲಿ ಯಾವ ಧಾರಾವಾಹಿಗೆ ಯಾವ ಸ್ಥಾನ ಗೊತ್ತಾ!?

ಇದಲ್ಲದೇ, ಯುವಕನ ಪೋಷಕರಿಗೆ ಕರೆ ಮಾಡಿ ಎಚ್ಚರಿಕೆ ನೀಡಿ ಬಿಡಲಾಗಿತ್ತು ಎನ್ನಲಾಗಿದೆ. ಇದರಿಂದ ಮನನೊಂದ ಯುವಕ ಮಂಗಳವಾರ(ಸೆ.17) ಆತ್ಮಹ*ತ್ಯೆ ಮಾಡಿಕೊಂಡಿದ್ದಾನೆ.

ಮಂಗಳೂರು/ಕೇರಳ : ಮಹಿಳೆಯರ ಮೇಲಿನ ದೌರ್ಜ*ನ್ಯ ಪ್ರಕರಣಗಳು ಇತ್ತೀಚೆಗೆ ಹೆಚ್ಚುತ್ತಿವೆ. ಅತ್ಯಾಚಾ*ರ, ಲೈಂ*ಗಿಕ ದೌರ್ಜನ್ಯ ಪ್ರಕರಣಗಳೂ ಅಲ್ಲಲ್ಲಿ ಕೇಳಿ ಬರುತ್ತಿವೆ. ಇದೀಗ ಮತ್ತೊಂದು ಕೃ*ತ್ಯ ನಡೆದಿದೆ.

ಗಂಡನ ಮೇಲೆ ಬ್ರಹ್ಮರಾಕ್ಷಸ‌ ಮೆಟ್ಟಿಕೊಂಡಿದೆ ಎಂದು ಹೇಳಿ ಹೆಂಡತಿಗೆ ಬಲವಂತವಾಗಿ ವಿಚಿತ್ರವಾದ ಪೂಜೆ ಮಾಡುವಂತೆ ಒತ್ತಾಯಿಸಲಾಗಿದೆ‌. ಕೇರಳದ ಕೋಝಿಕ್ಕೋಡ್‌ನಲ್ಲಿ ಈ ಘಟನೆ ನಡೆದಿದ್ದು ಇಬ್ಬರನ್ನು ಬಂಧಿಸಲಾಗಿದೆ. ಆಕೆಯ ಪತಿ ಶಮೀರ್ ಮತ್ತು ಆತನ ಸ್ನೇಹಿತ ಪ್ರಕಾಶನ್ ಬಂಧಿತರು.

ಬೆತ್ತಲೆ ಪೂಜೆ ಮಾಡಲು ಒತ್ತಾಯ : 

ಮಹಿಳೆ ತನ್ನ ಮೂವರು ಹೆಣ್ಣು ಮಕ್ಕಳೊಂದಿಗೆ ಕಳೆದ ಒಂದು ವರ್ಷಕ್ಕೂ ಹೆಚ್ಚು ಕಾಲದಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ. ಪತಿ ಶಮೀರ್ ಆಗಾಗ್ಗೆ ಮನೆಗೆ ಬಂದು ಪತ್ನಿಯ ಮೇಲೆ ದೈಹಿಕ ಹ*ಲ್ಲೆ ನಡೆಸುತ್ತಿದ್ದನಂತೆ.

ಇದೇ ವಿಚಾರವನ್ನು ಮುಂದಿಟ್ಟುಕೊಂಡು ಲಾಭ ಮಾಡಿಕೊಳ್ಳಲು ತಾನು ಮಂತ್ರವಾದಿ ಎಂದು ಪತಿಯ ಸ್ನೇಹಿತ ಪ್ರಕಾಶನ್ ಎಂಟ್ರಿ ಕೊಟ್ಟಿದ್ದಾನೆ.  ಮಹಿಳೆಗೆ ಕಾಲ್, ಮೆಸೇಜ್ ಮಾಡಿ ಕೌಟುಂಬಿಕ ಸಮಸ್ಯೆ ಬಗೆಹರಿಸುವ ಭರವಸೆ ನೀಡಿದ್ದಾನೆ. ಗಂಡನ ದೇಹದಲ್ಲಿ ದುಷ್ಟಶಕ್ತಿ ಇದೆ. ಹೀಗಾಗಿ ಸಮಸ್ಯೆಯುಂಟಾಗಿದೆ. ಅಲ್ಲದೇ, ಪೂಜೆಗಾಗಿ ಸಂತ್ರಸ್ತೆ ಬೆತ್ತಲಾಗಬೇಕು ಎಂದೂ ಹೇಳಿದ್ದಾನೆ.  ಇದಕ್ಕೆ ಆಕೆ ಒಪ್ಪದಿದ್ದಾಗ ಪತಿಯ ಮೂಲಕ ಬಲವಂತಪಡಿಸಿದ್ದಾನೆ ಎಂದು ಮಹಿಳೆ ದೂರಿನಲ್ಲಿ ತಿಳಿಸಿದ್ದಾಳೆ.

ಇದನ್ನೂ ಓದಿ : ನಟ ಸಲ್ಮಾನ್‌ ಖಾನ್‌ ತಂದೆ ಸಲೀಂ ಖಾನ್ ಗೆ ಕೊ*ಲೆ ಬೆದರಿಕೆ ಹಾಕಿದ ಮಹಿಳೆ

ಸದ್ಯ ಪೊಲೀಸರು ಗಂಡ ಹಾಗೂ ಮಂತ್ರವಾದಿಯನ್ನು ಬಂಧಿಸಿದ್ದಾರೆ. ಈ ಬಗ್ಗೆ ಕೋಝಿಕ್ಕೋಡ್ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನವದೆಹಲಿ: ಮಗನ ಅದ್ದೂರಿ ಹಾಗೂ ದುಬಾರಿ ಮದುವೆ ಮೂಲಕ ಸುದ್ದಿಯಾಗಿದ್ದ ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ, ಅತ್ಯಂತ ದುಬಾರಿ ಬೆಲೆಯ ವಿಮಾನ ಖರೀದಿಸುವ ಮೂಲಕ ಮತ್ತೆ ಸುದ್ದಿಯಾಗಿದ್ದಾರೆ.

ಭಾರತದ ಮೊದಲ ಬೋಯಿಂಗ್ 737 ಮ್ಯಾಕ್ಸ್ 9ರ ಮಾಲೀಕರಾಗಿದ್ದಾರೆ. ಭಾರತದ ಇತರ ಯಾವುದೇ ಉದ್ಯಮಿ ಒಡೆತನದಲ್ಲಿ ಇಲ್ಲದ ಅತ್ಯಂತ ದುಬಾರಿ ಖಾಸಗಿ ಜೆಟ್ ಆಗಿದೆ. ಈ ಅಲ್ಟಾ, ಲಾಂಗ್ ರೇಂಜ್ ಬಿಸಿನೆಸ್ ಜೆಟ್ ಬೆಲೆಯು ಸುಮಾರು 1000 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ. ಮುಕೇಶ್ ಅಂಬಾನಿ ಅವರ ಬೋಯಿಂಗ್ 737 ಮ್ಯಾಕ್ಸ್ 9 ವಿಮಾನದ ಒಳಾಂಗಣದ ಯಾವುದೇ ಚಿತ್ರಗಳು ಲಭ್ಯವಿಲ್ಲದಿದ್ದರೂ, ಇದು ಅತ್ಯಂತ ಐಷಾರಾಮಿ ಇಂಟೀರಿಯರ್ ಹೊಂದಿದೆ.

ಸ್ಪಿಟರ್ಲೆಂಡ್‌ನ ಯುರೋ ಏರ್‌ಪೋರ್ಟ್‌ ಬಾಸೆಲ್-ಮುಲ್ಡ್‌ಸ್-ಫ್ರೀಬರ್ಗ್‌ನಲ್ಲಿ ವ್ಯಾಪಕ ಕ್ಯಾಬಿನ್ ಮಾರ್ಪಾಡುಗಳು ಮತ್ತು ಒಳಾಂಗಣ ನವೀಕರಣಗಳನ್ನು ಮಾಡಲಾಗಿದೆ. ಈ ವಿಮಾನದ ಹಿಂದಿನ ಮಾಡೆಲ್ ಆಗಿರುವ ಬೋಯಿಂಗ್ ಮ್ಯಾಕ್ಸ್ ಗೆ ಹೋಲಿಸಿದರೆ ಅಂಬಾನಿಯ ಇತ್ತೀಚಿನ ಮ್ಯಾಕ್ಸ್ 9 ವಿಮಾನ ಹೆಚ್ಚಿನ ಕ್ಯಾಬಿನ್ ಮತ್ತು ಸರಕು ವಿಭಾಗ ಹೊಂದಿದೆ.

ಹೊಸ ಬೋಯಿಂಗ್ 737 ಮ್ಯಾಕ್ಸ್ 9 ಮುಖೇಶ್ ಅಂಬಾನಿಯ ಏಕೈಕ ಖಾಸಗಿ ವಿಮಾನವೇನಲ್ಲ. ರಿಲಯನ್ಸ್ ಇಂಡಸ್ಟ್ರೀಸ್ ಈಗಾಗಲೇ 10 ಖಾಸಗಿ ಜೆಟ್‌ಗಳನ್ನು ಹೊಂದಿದೆ. ಇದರಲ್ಲಿ ಬೊಂಬಾರ್ಡಿಯರ್ ಗ್ಲೋಬಲ್ 6000 ಎರಡು ಡಸಾಲ್ಟ್ ಫಾಲ್ಕನ್ 900, ಎಂಬ್ರೇರ್ ಇಆರ್‌ಜೆ -135 ಸೇರಿದಂತೆ ಎರಡು ಹೆಲಿಕಾಪ್ಟರ್‌ಗಳನ್ನು ಹೊಂದಿದೆ. ವಿಶ್ವದ ಅತ್ಯಂತ ದುಬಾರಿ ಜೆಟ್‌ಗಳಲ್ಲಿ ಒಂದಾಗಿರುವ ಇದು, ಎರಡು ಸಿಎಫ್‌ಎಂಐ ಲೀಪ್ -1 ಬಿ ಎಂಜಿನ್‌ಗಳಿಂದ ನಿಯಂತ್ರಿಸಲ್ಪಡುತ್ತದೆ. ಒಂದೇ ಪಯಾಣದಲ್ಲಿ 6,355 ನಾಟಿಕಲ್ ಮೈಲಿ (11,770 ಕಿ.ಮೀ) ಕ್ರಮಿಸಬಲ್ಲದು.

ಭಾರತಕ್ಕೆ ತರುವ ಮೊದಲು, ವಿಮಾನವನ್ನು ಏಪ್ರಿಲ್ 13, 2023 ರಿಂದ ಸ್ವಿಸ್‌ನಲ್ಲಿ ಸರಣಿ ಪರೀಕ್ಷಾ ಹಾರಾಟಗಳಿಗೆ ಒಳಪಡಿಸಲಾಗಿತ್ತು. ಬಾಸೆಲ್, ಜಿನೀವಾ ಮತ್ತು ಲಂಡನ್ ಲುಟಾನ್ ವಿಮಾನ ನಿಲ್ದಾಣಗಳ ನಡುವೆ ಆರು ಪರೀಕ್ಷಾ ಹಾರಾಟಗಳನ್ನು ನಡೆಸಲಾಗಿತ್ತು. ಆಗಸ್ಟ್ 27, 2024 ರಂದು, ಬೋಯಿಂಗ್ 737 ಮ್ಯಾಕ್ಸ್ 9 ಬಾಸೆಲ್‌ನಿಂದ ದೆಹಲಿಗೆ ಬಂದಿಳಿದಿದೆ. ಬಾಸೆಲ್‌ನಿಂದ 6,234 ಕಿ.ಮೀ.ಗಳನ್ನು ಒಂಬತ್ತು ಗಂಟೆಗಳ ಕಾಲ ಹಾರಾಟ ನಡೆಸಿ ದೆಹಲಿ ತಲುಪಿದೆ. ಭಾರತೀಯ ಕಾಲಮಾನದ ಪ್ರಕಾರ ಬುಧವಾರ ಸಂಜೆ 7:18ಕ್ಕೆ ಜೆಟ್ ದೆಹಲಿಯ ರನ್ವೇಯಲ್ಲಿ ಇಳಿಯಿತು. ಪ್ರಸ್ತುತ ದೆಹಲಿ ವಿಮಾನ ನಿಲ್ದಾಣದ ಗೂಡ್ಸ್ ಟರ್ಮಿನಲ್ ಬಳಿಯ ನಿರ್ವಹಣಾ ಏಪನ್‌ನಲ್ಲಿ ನಿಲ್ಲಿಸಲಾಗಿದೆ.