Monday, May 23, 2022

ದೆಹಲಿ ಶೂಟೌಟ್‌ ಪ್ರಕರಣ: ಜೈಲಿನಿಂದಲೇ ಲೈವ್‌ ಅಪ್‌ಡೇಟ್ಸ್‌ ಪಡೆಯುತ್ತಿದ್ದ ಗ್ಯಾಂಗ್‌ಸ್ಟರ್‌

ದೆಹಲಿ: ದೆಹಲಿಯ ರೋಹಿಣಿ ನ್ಯಾಯಾಲಯದ ಆವರಣದಲ್ಲಿ ಶೂಟೌಟ್​ಗೆ ಸಂಬಂಧಿಸಿದಂತೆ ಜೈಲಿನಲ್ಲಿದ್ದ ಕುಖ್ಯಾತ ಗ್ಯಾಂಗ್​ಸ್ಟರ್ ತಿಲ್ಲು ತಾಜ್​ಪುರಿಯಾ ತನ್ನ ಸಹಚರರಿಂದ ಲೈವ್ ಅಪ್​ಡೇಟ್ಸ್​ ಪಡೆದುಕೊಳ್ಳುತ್ತಿದ್ದ ಎಂಬ ಮಾಹಿತಿ ಇದೀಗ ಬಹಿರಂಗವಾಗಿದೆ.

                             ಗ್ಯಾಂಗ್​ಸ್ಟರ್ ತಿಲ್ಲು ತಾಜ್​ಪುರಿಯಾ

30ಕ್ಕೂ ಹೆಚ್ಚು ಅಪರಾಧ ಪ್ರಕರಣಗಳಲ್ಲಿ ಆರೋಪಿಯಾಗಿದ್ದ ಜಿತೆಂದರ್ ಮಾನ್ ಗೋಗಿ ಈ ಶೂಟೌಟ್​ನಲ್ಲಿ ಮೃತಪಟ್ಟಿದ್ದ.

ವಕೀಲರ ವೇಷದಲ್ಲಿ ನ್ಯಾಯಾಲಯದ ಆವರಣ ಪ್ರವೇಶಿಸಿದ್ದ ಹಂತಕರು ವಿಶೇಷ ಭದ್ರತೆಯಲ್ಲಿ ಕರೆತಂದಿದ್ದ ಗೋಗಿಯ ಮೇಲೆ ಗುಂಡು ಹಾರಿಸಿದ್ದರು.

ಈ ವೇಳೆ ಪೊಲೀಸರು ಹಾರಿಸಿದ್ದ ಗುಂಡಿಗೆ ಹಂತಕರು ಬಲಿಯಾಗಿದ್ದರು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರು ಆರೋಪಿಗಳನ್ನು ಪೊಲೀಸರು ನಂತರ ಬಂಧಿಸಿದ್ದರು.
ರೋಹಿಣಿ ಕೋರ್ಟ್​ನಲ್ಲಿ ಹತ್ಯೆ ನಡೆಯುವಾಗ

ತಿಲ್ಲು ತಾಜ್​ಪುರಿಯಾ ತನ್ನ ಸಹಚರರಾದ ರಾಹುಲ್ ತ್ಯಾಗಿ ಮತ್ತು ಜಗದೀಪ್ ಜಗ್ಗ ಅವರೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದ.
ವಿರೋಧಿಯನ್ನು ಕೊಲ್ಲಲು ಹೋಗಿದ್ದ ಹಂತಕರೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದ ತಿಲ್ಲು ಪ್ರತಿ ನಿಮಿಷಕ್ಕೊಮ್ಮೆ ಫೋನ್ ಮೂಲಕ ಅಪ್​ಡೇಟ್ಸ್​ ಪಡೆಯುತ್ತಿದ್ದ.

ರೋಹಿಣಿ ಕೋರ್ಟ್​ನಿಂದ ಅವರು ಎಷ್ಟು ದೂರದಲ್ಲಿದ್ದಾರೆ ಎಂದು ಪ್ರಶ್ನಿಸಿದ್ದ. ಇದೀಗ ಬಂಧನದಲ್ಲಿರುವ ವಿನಯ್ ಮತ್ತು ಉಮಂಗ್ ಎಂಬ ಇನ್ನಿಬ್ಬರೊಂದಿಗೂ ತಿಲ್ಲು ಸಂಪರ್ಕದಲ್ಲಿದ್ದ.

ತಿಲ್ಲುಗೆ ತಾಜಾ ಅಪ್​ಡೇಟ್ಸ್​ ಕೊಡಲೆಂದೇ ಇವರಿಬ್ಬರು ನ್ಯಾಯಾಲಯಕ್ಕೆ ಬಂದಿದ್ದರು ಎಂದು ಪೊಲೀಸ್ ಮೂಲಗಳು ಹೇಳಿವೆ
ಶೂಟರ್​ಗಳ ಸುತ್ತಲೂ ಪೊಲೀಸರು ಇದ್ದಾರೆ ಎಂದು ತಿಳಿದ ನಂತರ ತಿಲ್ಲು ಹೆದರಿದ್ದ. ಕೊಲ್ಲಲು ಹೋಗಿದ್ದ ತನ್ನ ಸಹಚರರು ಹೊರಬರುವುದು ಕಷ್ಟ ಎಂದು ಅರಿವಾದ ನಂತರ,

ನ್ಯಾಯಾಲಯದ ಆವರಣದಲ್ಲಿದ್ದ ಇನ್ನಿಬ್ಬರಿಗೆ ಅಲ್ಲಿಂದ ಹೊರಗೆ ಬರುವಂತೆ ಸೂಚಿಸಿದ್ದ. ರೋಹಿಣಿ ಕೋರ್ಟ್​ನ ಪಾರ್ಕಿಂಗ್​ ಲಾಟ್​ ಹತ್ತಿರಕ್ಕೆ ಬಂದಿದ್ದೇವೆ ಎಂದು ಅವರು ಹೇಳಿದಾಗ, ತಕ್ಷಣ ಅಲ್ಲಿಂದ ಓಡಿಹೋಗುವಂತೆ ಸೂಚಿಸಿದ್ದ.

LEAVE A REPLY

Please enter your comment!
Please enter your name here

Hot Topics