ಮಂಗಳೂರು/ನವದೆಹಲಿ: ನೇಮಕಾತಿ ರದ್ದಾಗಿರುವ ಪ್ರೊಬೇಷನರಿ ಐಎಎಸ್ ಅಧಿಕಾರಿ ಪೂಜಾ ಖೇಡ್ಕರ್ ಅವರಿಗೆ ನಿರೀಕ್ಷಣಾ ಜಾಮೀನು ನೀಡಲು ಇಂದು (ಸೋಮವಾರ) ದೆಹಲಿ ಹೈಕೋರ್ಟ್ ನಿರಾಕರಿಸಿದೆ.

ಕೇಂದ್ರ ಲೋಕಸೇವಾ ಆಯೋಗದ (ಯುಪಿಎಸ್ ಸಿ) ಪರೀಕ್ಷೆಯಲ್ಲಿ ತೇರ್ಗಡೆಯಾಗಲು ಅಂಗವೈಕಲ್ಯತೆ ಸಮಸ್ಯೆಯಿಂದ ಬಳಲುತ್ತಿರುವಂತೆ ನಕಲಿ ದಾಖಲೆಗಳನ್ನು ನೀಡಿ ಮೀಸಲಾತಿಯ ದುರುಪಯೋಗಪಡಿಸಿಕೊಂಡಿರುವ ಆರೋಪ ಪೂಜಾ ಮೇಲಿದೆ.

ಪೂಜಾ ಖೇಡ್ಕರ್ ಅವರ ನಿರೀಕ್ಷಣಾ ಜಾಮೀನು ಅರ್ಜಿಯನ್ನು ವಜಾಗೊಳಿಸಲಾಗಿದೆ. ಬಂಧನದಿಂದ ಮಧ್ಯಂತರ ರಕ್ಷಣೆ ನೀಡಿದ್ದ ಆದೇಶವನ್ನು ಹಿಂಪಡೆಯಲಾಗಿದೆ ಎಂದು ನ್ಯಾಯಮೂರ್ತಿ ಚಂದ್ರಧಾರಿ ಸಿಂಗ್ ಹೇಳಿದ್ದಾರೆ.

ಇದನ್ನೂ ಓದಿ: ಇವರು 50 ವರ್ಷಗಳಿಂದ ಅಂಗಿ ಹಾಕಿಲ್ಲ; ಕಾರಣ ಏನು ಗೊತ್ತಾ ?

ಪೂಜಾ ಖೇಡ್ಕರ್ ಅವರ ವಿರುದ್ದ ಪ್ರಬಲವಾದ ಪ್ರಕರಣ ದಾಖಲಾಗಿದ್ದು, ಪ್ರಕರಣದ ಸತ್ಯಾಸತ್ಯತೆ ತಿಳಿಯಬೇಕಾದರೆ ಸೂಕ್ತ ತನಿಖೆಯ ಅಗತ್ಯವಿದೆ. ಹಾಗಾಗಿ ಪೂಜಾ ಅವರು ತನಿಖೆಗೆ ಸಹಕರಿಸಬೇಕು’ ಎಂದೂ ನ್ಯಾಯಮೂರ್ತಿ ಸಿಂಗ್ ತಿಳಿಸಿದ್ದಾರೆ.

ಯುಪಿಎಸ್ ಸಿ ಪರ ಹಿರಿಯ ವಕೀಲ ನರೇಶ್ ಕೌಶಿಕ್ ಮತ್ತು ವಕೀಲ ವರ್ಧಮಾನ್ ಕೌಶಿಕ್ ವಾದ ಮಂಡಿಸಿದ್ದರು.

ಪ್ರಕರಣ ಸಂಬಂಧ ಕೆಲವು ದಿನಗಳ ಹಿಂದೆ ಪೂಜಾ ಖೇಡ್ಕರ್ ವಿರುದ್ದ ದೆಹಲಿ ಪೊಲೀಸರು ಭಾರತೀಯ ದಂಡ ಸಂಹಿತೆ, ಮಾಹಿತಿ ತಂತ್ರಜ್ಞಾನ ಕಾಯ್ದೆ ಮತ್ತು ವಿಕಲಚೇತನರ ಹಕ್ಕು ಕಾಯ್ದೆಯ ನಿಬಂಧನೆಗಳ ಅಡಿಯಲ್ಲಿ ಎಫ್ ಐಆರ್ ದಾಖಲಿಸಿದ್ದರು.

ಮಂಗಳೂರು/ತೆಲಂಗಾಣ: ಈ ವ್ಯಕ್ತಿ 50 ವರ್ಷಗಳಿಂದ ಅಂಗಿ ಧರಿಸಿಯೇ ಇಲ್ಲ. ಅದು ಮಳೆ, ಚಳಿ ಅಷ್ಟೇ ಅಲ್ಲದೇ ಯಾವುದೇ ಕಾರ್ಯಕ್ರಮ ಇದ್ದರು ಅಷ್ಟೇ ಇವರು ಬಟ್ಟೆ ಹಾಕುವುದಿಲ್ಲ. ಇದಕ್ಕೆ ಕಾರಣವನ್ನು ತಿಳಿಸಿದ್ದಾರೆ.

ಜಗಿತ್ಯಾಲ ಜಿಲ್ಲೆಯ ಕೋರುಟ್ಲ ಮಂಡಲದ ಐಲಾಪುರ ಗ್ರಾಮದ ನಿವಾಸಿಯಾಗಿರುವ ಮುಕ್ಕೇರ ಬಕ್ಕಯ್ಯ ಅವರನ್ನು ಹಳ್ಳಿಯ ಜನರು ಗಾಂಧಿ ಎಂದು ಕರೆಯುತ್ತಿದ್ದರು. ಕಾರಣ ಅವರು ಅಂಗಿ ಹಾಕಿಲ್ಲ. ಇವರು ಸರಿಸುಮಾರೂ 50 ವರ್ಷದಿಂದ ಅಂಗಿಯನ್ನೇ ಹಾಕಿಲ್ಲ.

ಈ ಬಗ್ಗೆ ಬಕ್ಕಯ್ಯ, ನನ್ನ ತಂದೆ-ತಾಯಿಯ ಆರ್ಥಿಕ ಪರಿಸ್ಥಿತಿಯಿಂದಾಗಿ ನಾನು ಚಿಕ್ಕವನಿದ್ದಾಗ ಅಂಗಿ ಕೊಡಿಸಿರಲಿಲ್ಲ. ಇದೇ ನನ್ನ ಅಭ್ಯಾಸವಾಯಿತು. ನಾನು ಹುಟ್ಟಿದಾಗಿನಿಂದ ಅಂಗಿ ಹಾಕಿಕೊಂಡಿಲ್ಲ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಖ್ಯಾತ ಬ್ಯಾಡ್ಮಿಂಟನ್ ತಾರೆ ಪಿ.ವಿ ಸಿಂಧು

ಬಕ್ಕಯ್ಯನ ಮದುವೆಯ ಸಂದರ್ಭದಲ್ಲೂ ಅಂಗಿ ಧರಿಸಿರಲಿಲ್ಲ. ಹೆಂಡತಿ ಎಷ್ಟೇ ಕೇಳಿಕೊಂಡರೂ ಬಕ್ಕಯ್ಯ ಮಾತ್ರ, ತನಗೆ ಅಂಗಿ ಇಷ್ಟವಿಲ್ಲ ಎಂದು ಹೇಳುತ್ತಿದ್ದರಂತೆ. ಈ ಮಾತಿನಿಂದ ಬೇಸತ್ತ ಪತ್ನಿ ನಾನು ನಿಮ್ಮ ಜೊತೆ ಇರಬೇಕಾದರೆ ಅಂಗಿ ಹಾಕಿಕೊಳ್ಳಬೇಕು, ಇಲ್ಲವಾದಲ್ಲಿ ಹೋಗುತ್ತೇನೆ ಎಂದು ಹೇಳಿದ್ದಳು. ಬಕ್ಕಯ್ಯ ನೀನು ಹೋದರೂ ಪರವಾಗಿಲ್ಲ, ಆದರೆ ನಾನು ಅಂಗಿ ಹಾಕಿಕೊಳ್ಳುವುದಿಲ್ಲ ಎಂದು ನಿರ್ಧರಿಸಿರುವುದಾಗಿ ಆಕೆಗೆ ಹೇಳಿದ್ದನು ಎನ್ನಲಾಗಿದೆ.

ಎಲ್ಲೆಂದರಲ್ಲಿ ಅಂಗಿ ಹಾಕದೆ ಹೋಗುವ ಬಕ್ಕಯ್ಯ ಈ ಹಿಂದೆ ವಾರ್ಡ್ ಸದಸ್ಯರಾಗಿ ಕೆಲಸ ಮಾಡಿದ್ದರು. ಮೈಮೇಲೆ ಅಂಗಿ ಹಾಕಿಕೊಂಡರೆ ಬೆವರು ಬರುತ್ತೆ. ಅದಕ್ಕೆ 50 ವರ್ಷಗಳಿಂದ ಅಂಗಿ ಹಾಕಿಲ್ಲ ಎಂದು ಸಭೆ, ಸಮಾರಂಭಗಳಿಗೆ ಅಂಗಿ ಹಾಕದೆ ಹೋಗುತ್ತಿದ್ದಾರೆ.

ಆದರೆ ಚಳಿಗಾಲ, ಮಳೆಗಾಲ, ಬೇಸಿಗೆ ಕಾಲ ಎಂದರೂ ಅಂಗಿ ಹಾಕದಿರುವುದು ನಿಜಕ್ಕೂ ವಿಚಿತ್ರ ಎನ್ನುತ್ತಾರೆ ಇವರ ಕುಟುಂಬಸ್ಥರು ಹಾಗೂ ಸ್ಥಳೀಯರು.

ಮಂಗಳೂರು/ಲಖನೌ : ಪಂಜಾಬ್‌ನ ಗುರುದಾಸ್‌ಪುರದ ಪೊಲೀಸ್ ಔಟ್ ಪೋಸ್ಟ್ ಮೇಲೆ ದಾ*ಳಿ ನಡೆಸಿದ ಮೂವರು ಖಲಿಸ್ತಾನಿ ಭ*ಯೋತ್ಪಾದಕರನ್ನು ಉತ್ತರ ಪ್ರದೇಶ ಮತ್ತು ಪಂಜಾಬ್ ಪೊಲೀಸರ ತಂಡ ಹ*ತ್ಯೆಗೈದಿದೆ. ಪಿಲಿಭಿತ್ ಜಿಲ್ಲೆಯಲ್ಲಿ ಈ ಎ*ನ್‌ಕೌಂಟರ್ ನಡೆದಿದೆ.

ಪುರನ್‌ಪುರ ಪ್ರದೇಶದ ಹರ್ದೋಯಿ ಶಾಖಾ ಕಾಲುವೆ ಬಳಿ ಬೆಳಗಿನ ಜಾವ ನಡೆದ ಈ ಎನ್‌ಕೌಂಟರ್‌ನಲ್ಲಿ ಪ್ರತಾಪ್ ಸಿಂಗ್, ವೀರೇಂದ್ರ ಸಿಂಗ್, ಗುರ್ವಿಂದರ್ ಸಿಂಗ್ ಎಂಬ ಮೂವರು ಉ*ಗ್ರರು ಹ*ತರಾಗಿದ್ದಾರೆ. ಅವರ ಬಳಿಯಿದ್ದ ಎರಡು ಎಕೆ-47 ರೈಫಲ್‌ಗಳು, ಎರಡು ಪಿಸ್ತೂಲ್‌ಗಳು ಮತ್ತು ಅಪಾರ ಪ್ರಮಾಣದ ಮದ್ದು ಗುಂ*ಡುಗಳನ್ನು ವಶಕ್ಕೆ ಪಡೆಯಲಾಗಿದೆ.

ಖಲಿಸ್ತಾನ್ ಕಮಾಂಡೋ ಫೋರ್ಸ್‌ಗೆ ಸೇರಿದ ಮೂವರು ಭ*ಯೋತ್ಪಾದಕರು ಪುರನ್‌ಪುರ ಪ್ರದೇಶದಲ್ಲಿ ಅಡಗಿರುವ ಮಾಹಿತಿ ಸಿಕ್ಕ ಹಿನ್ನೆಲೆ ಉಭಯ ರಾಜ್ಯಗಳ ಪೊಲೀಸ್ ತಂಡವು ಅಡ್ಡಗಟ್ಟಿ ಎನ್‌ಕೌಂಟರ್ ನಡೆಸಿದ್ದು, ಭ*ಯೋತ್ಪಾರು ಗಂಭೀ*ರವಾಗಿ ಗಾ*ಯಗೊಂಡಿದ್ದಾರೆ. ತಕ್ಷಣ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತಾದರೂ, ಅದಾಗಲೇ  ಅವರು ಮೃ*ತಪಟ್ಟಿದ್ದರು ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ : 18ರ ಯುವಕನ ಜೊತೆ 51ರ ಮಹಿಳೆಯ ಲವ್; 4 ಮಕ್ಕಳನ್ನು ತೊರೆದು ಆಂಟಿ ಪರಾರಿ

ಎ*ನ್‌ಕೌಂಟರ್‌ನಲ್ಲಿ ಉತ್ತರಪ್ರದೇಶದ ಇಬ್ಬರು ಪೊಲೀಸ್ ಕಾನ್ಸ್ಟೇಬಲ್ಸ್ ಗಾ*ಯಗೊಂಡಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.