ಸುಧಾರಿತ ಸ್ಪೋಟಕ ಬಳಸಿ 10 ಸೇನಾ ಸಿಬ್ಬಂದಿ ಹಾಗೂ ಓರ್ವ ನಾಗರಿಕನನ್ನು ಕೊಲ್ಲಲ್ಪಟ್ಟಿದ್ದ ನಕ್ಸಲ್ ಮಾಸ್ಟರ್ ಮೈಂಡ್‍ನ ಛಾಯಾಚಿತ್ರ ಬಿಡುಗಡೆ ಮಾಡಿರುವ ಛತ್ತೀಸ್‍ಗಢ ಪೊಲೀಸರು ಮಾವೋವಾದಿಗಳ ಸುಳಿವು ನೀಡಿದವರಿಗೆ ನಗದು ಬಹುಮಾನ ಘೋಷಿಸಿದ್ದಾರೆ.
ದಾಂತೇವಾಡ: ಸುಧಾರಿತ ಸ್ಪೋಟಕ ಬಳಸಿ 10 ಸೇನಾ ಸಿಬ್ಬಂದಿ ಹಾಗೂ ಓರ್ವ ನಾಗರಿಕನನ್ನು ಕೊಲ್ಲಲ್ಪಟ್ಟಿದ್ದ ನಕ್ಸಲ್ ಮಾಸ್ಟರ್ ಮೈಂಡ್‍ನ ಛಾಯಾಚಿತ್ರ ಬಿಡುಗಡೆ ಮಾಡಿರುವ ಛತ್ತೀಸ್‍ಗಢ ಪೊಲೀಸರು ಮಾವೋವಾದಿಗಳ ಸುಳಿವು ನೀಡಿದವರಿಗೆ ನಗದು ಬಹುಮಾನ ಘೋಷಿಸಿದ್ದಾರೆ.
ದಾಂತೇವಾಡದ ಬಸ್ತಾರ್ ಪೊಲೀಸ್ ಠಾಣೆ ವ್ಯಾಪ್ತಿಯ ಆರನ್‍ಪುರ ಸ್ಪೋಟದಲ್ಲಿ 11 ಮಂದಿ ಜೀವ ತೆಗೆದಿರುವ ನಕ್ಸಲ್ ನಾಯಕನನ್ನು ಜಗದೀಶ್ ಎಂದು ಗುರುತಿಸಲಾಗಿದ್ದು, ಆತನ ಭಾವಚಿತ್ರವನ್ನು ಸಾರ್ವಜನಿಕವಾಗಿ ಹಂಚಿಕೊಂಡಿರುವ ಪೊಲೀಸರು ಆತನ ಸುಳಿವು ನೀಡಿದವರಿಗೆ ನಗದು ಬಹುಮಾನ ನೀಡುವುದಾಗಿ ಘೋಷಿಸಿದ್ದಾರೆ.
ತನಿಖಾ ಸಂಶೋಧನೆಗಳ ಪ್ರಕಾರ, ಭಯಾನಕ ಮಾವೋವಾದಿ ಕೇಡರ್ ಜಗದೀಶ್ ಐಇಡಿ (ಸುಧಾರಿತ ಸ್ಪೋಟಕ ಸಾಧನ) ಸ್ಪೋಟವನ್ನು ಪ್ರಚೋದಿಸುವ ಯೋಜನೆಯನ್ನು ರೂಪಿಸಿದ್ದು, 10 ಡಿಆರ್‍ಜಿ ಸಿಬ್ಬಂದಿ ಮತ್ತು ನಾಗರಿಕ ಚಾಲಕನನ್ನು ದಾಂತೇವಾಡದಲ್ಲಿ ಕೊಲ್ಲಲಾಗಿತ್ತು.
ಜಗದೀಶ್ ಅವರ ಪತ್ನಿ, 8 ನೇ ತರಗತಿ ಉತ್ತೀರ್ಣರಾಗಿದ್ದಾರೆ ಮತ್ತು ಸುಕ್ಮಾ ಜಿಲ್ಲಾಯ ಹೇಮ್ಲಾ ಎಂದು ಗುರುತಿಸಲಾಗಿದೆ, ಅವರು ಕಾನೂನು ಬಾಹಿರ ಸಂಘಟನೆಯ ದರ್ಭಾ ವಿಭಾಗದಲ್ಲಿ ವೈದ್ಯರ ತಂಡದ ಕಮಾಂಡರ್ ಆಗಿದ್ದಾರೆ.
ಜಗದೀಶ್ ಅವರ ಮಾವ ವಿನೋದ್ ಹೇಮ್ಲಾ ಅವರು ಕಾಂಗೇರ್ ಘಾಟಿ ಪ್ರದೇಶ ಸಮಿತಿಯ ಉಸ್ತುವಾರಿಯಾಗಿ ಸಕ್ರಿಯರಾಗಿದ್ದಾರೆ ಎಂದು ಅಧಿಕಾರಿಗಳು ಹೇಳಿದರು, ಗುಪ್ತಚರ ಮಾಹಿತಿಯ ಪ್ರಕಾರ, ಸಿಪಿಐ (ಮಾವೋವಾದಿ) ದರ್ಭಾ ವಿಭಾಗ ಸಮಿತಿಯು ಸ್ಪೋಟದಲ್ಲಿ ಭಾಗಿಯಾಗಿದೆ ಎಂದು ವಿವರಿಸಿದರು.
ಸ್ಪೋಟದಲ್ಲಿ ಭಾಗಿಯಾಗಿರುವ ಮಾವೋವಾದಿ ಕಾರ್ಯಕರ್ತರಿಗೆ ಪೊಲೀಸರು ನಗದು ಬಹುಮಾನ ಘೋಷಿಸಿದ್ದಾರೆ ಮತ್ತು ತಾಂತ್ರಿಕ ಪುರಾವೆಗಳೊಂದಿಗೆ ಗುಪ್ತಚರ ಮಾಹಿತಿ ಪ್ರಕಾರ, ಜಗದೀಶ್ ಸ್ಪೋಟದ ಸ್ಥಳದ ಬಳಿ ಕಾಣಿಸಿಕೊಂಡಿದ್ದಾರೆ ಮತ್ತು ಸ್ಪೋಟವನ್ನು ಪ್ರಚೋದಿಸುವ ಸಂಚು ರೂಪಿಸಿದ್ದರು ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು.
ಪ್ರಾಥಮಿಕ ತನಿಖೆಯಲ್ಲಿ ಒಂದೂವರೆ ಅಥವಾ ಎರಡು ತಿಂಗಳ ಹಿಂದೆ ಸುರಂಗ ಮಾರ್ಗವನ್ನು ಕೊರೆದು ಐಇಡಿ ಇಡಲಾಗಿದೆ ಮತ್ತು ಅದಕ್ಕೆ ಸಂಪರ್ಕಗೊಂಡಿರುವ ತಂತಿಯನ್ನು ನೆಲದ ಕೆಳಗೆ ಎರಡ್ಮೂರು ಇಂಚುಗಳಷ್ಟು ಮರೆಮಾಚಲಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.
ಹತ್ಯಾಕಾಂಡ ನಡೆಸಿದ ಚೈತು, ದೇವಾ, ಮಂಗ್ಟು, ರಾನ್ಸಾಯಿ, ಜೈಲಾಲï, ಬಮನï, ಸೋಮ, ರಾಕೇಶ್, ಭೀಮಾ ಮತ್ತು ಇತರರ ವಿರುದ್ಧ ಮಾವೋವಾದಿಗಳ ವಿರುದ್ಧ ಸೆಕ್ಷನ್ 147, 148, 149, 307, 302, ಶಸ್ತ್ರಾಸ್ತ್ರ ಕಾಯ್ದೆ ಅಡಿಯಲ್ಲಿ ಎಫ್‍ಐಆರ್ ದಾಖಲಿಸಲಾಗಿದೆ.