ಉಡುಪಿ ಜಿಲ್ಲೆಯ ಶಿರ್ವ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಅತೀಯದ ಜನಸ್ತೋಮದಿಂದ, ರಸ್ತೆ ಬದಿ ವ್ಯಾಪಾರಸ್ತರಿಗೆ, ಹಾಗೂ ಪಾರ್ಕಿಂಗ್ ಗೆ ಸಮಸ್ಯೆಯೂ ಕಾಡುತ್ತಿದ್ದು, ವಾಹನ ಅಪಘಾತಕ್ಕೆ ಕಾರಣವಾಗುತ್ತಿದೆ ಎಂದು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಉಡುಪಿ: ಉಡುಪಿ ಜಿಲ್ಲೆಯ ಶಿರ್ವ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ಅತೀಯದ ಜನಸ್ತೋಮದಿಂದ, ರಸ್ತೆ ಬದಿ ವ್ಯಾಪಾರಸ್ತರಿಗೆ, ಹಾಗೂ ಪಾರ್ಕಿಂಗ್ ಗೆ ಸಮಸ್ಯೆಯೂ ಕಾಡುತ್ತಿದ್ದು, ವಾಹನ ಅಪಘಾತಕ್ಕೆ ಕಾರಣವಾಗುತ್ತಿದೆ ಎಂದು ಸಾರ್ವಜನಿಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಉಡುಪಿಯಲ್ಲಿ ನಡೆಯುವ ಸಂತೆಯಲ್ಲಿ ದೂರದೂರಿಂದ ಬರುವ ವ್ಯಾಪರಿಗಳು, ಸ್ಥಳಿಯರು, ಕೃಷಿಕರು ಸೇರಿದಂತೆ ತಮ್ಮ ಜಿವಾನೋಪಾಯಕ್ಕೆ ವ್ಯಾಪರ ಮಾಡಲು ಬರುತ್ತಾರೆ.

ಆದರೆ ಇದೀಗ ವಾರದ ಸಂತೆಗೆ ಸಮಸ್ಯೆಯಾಗಿದೆ, ವಿಸ್ತಾರವಾದ ಜಾಗವಿಲ್ಲ, ನೂರಾರು ಸಮಸ್ಯೆಗಳ ನಡುವೆ ವ್ಯಾಪರಸ್ತರು ಸಂತೆ ನಡೆಸುತ್ತಿದ್ದಾರೆ.

ಸದ್ಯ ಶಿರ್ವ – ಬೆಳ್ಮಣ್ ಮಧ್ಯ ಹಾದು ಹೋಗುವ ರಾಜ್ಯ ಹೆದ್ದಾರಿಯ ಪಕ್ಕದಲ್ಲಿ ವಾರದ ಸಂತೆ ನಡೆಯುತ್ತದೆ.

ತರಕಾರಿ ವ್ಯಾಪಾರಿಗಳು ಫುಟ್ಬಾತ್ ಮತ್ತು ರಾಜ್ಯ ಹೆದ್ದಾರಿಯ ಇಕ್ಕಲೆಗಳಲ್ಲಿ ತರಕಾರಿ ವ್ಯಾಪಾರ ಮಾಡುತ್ತಾರೆ.

ಇದು ಭಾರೀ ಆತಂಕಕ್ಕೆ ಕಾರಣವಾಗಿದ್ದು, ಹಲವು ಅಪಘಾತಕ್ಕೂ ಎಡೆ ನೀಡಿದೆ.

ಶಿರ್ವ ಬಸ್ಸು ತಂಗುದಾಣ, ರಿಕ್ಷಾ ನಿಲ್ದಾಣ, ಗೂಡ್ಸ್ ಟೆಂಪೋ , ಟೂರಿಸ್ಟ್ ಕಾರುಗಳು ಹೆದ್ದಾರಿ ಪಕ್ಕದಲ್ಲಿ ನಿಲುಗಡೆಯಾಗುತ್ತಿದೆ.
ಆದ್ದರಿಂದ ಪಾರ್ಕಿಂಗ್ ಸಮಸ್ಯೆ ಕಾಡುತ್ತಿದೆ.

ಅಡ್ಡಾದಿಡ್ಡಿ ಸ್ಕೂಟರ್ ಗಳನ್ನು ನಿಲ್ಲಿಸಿ ಸಂತೆಯಲ್ಲಿ ಖರೀದಿ ಮಾಡಲು ಹೋಗುವ ಗ್ರಾಹಕರಿಂದಾಗಿ ಇಲ್ಲಿ ಜಾಗದ ಕೊರತೆ ಇರುವುದರಿಂದ ವಾಹನ ಅಪಘಾತಕ್ಕೆ ಕಾರಣವಾಗುತ್ತಿದೆ.

ರಾಜ್ಯ ಹೆದ್ದಾರಿಯಲ್ಲಿ ನಿತ್ಯ ಸಾವಿರಾರು ವಾಹನ ಹೋರಾಟ ಮಾಡುತ್ತದೆ ಅದರ ಜೊತೆಗೆ ಕಾನೂನುಬಾಹಿರವಾಗಿ ಟಿಪ್ಪರ್‌ಗಳು ಸಂಚರಿಸುವುದರಿಂದ ಪಾದಚಾರಿಗಳಿಗೆ ನಡೆದುಕೊಂಡು ಹೋಗಲು ಕಷ್ಟಕರ ಆಗುತ್ತದೆ ಎನ್ನುತ್ತಾರೆ ಸ್ಥಳೀಯರು.

ಅಲ್ಲದೆ ಇಲ್ಲಿ ಎಲ್ಲೆಂದರಲ್ಲಿ ಅಡ್ಡಾದಿಡ್ಡಿಯಾಗಿ ವಾಹನಗಳನ್ನು ನಿಲ್ಲಿಸುವುದರಿಂದ ತೊಂದರೆ ಉಂಟಾಗುತ್ತಿದೆ ಇಲ್ಲಿನ ಜನತೆ ಎನ್ನುತ್ತಾರೆ.

ವಾರದ ಸಂತೆಗಳು ವಿಶಾಲವಾದ, ವಿಸ್ತಾರವಾದ ಜಾಗದಲ್ಲಿ ಯಾವುದೇ ಅಡ್ಡಿ ಆತಂಕಗಳು ಇಲ್ಲದೇ ನಿರಾತಂಕವಾಗಿ ನಡೆಯಬೇಕು.

ಶಿರ್ವ ಗ್ರಾಮ ಪಂಚಾಯತ್ ಮತ್ತು ಸ್ಥಳೀಯ ಪೊಲೀಸರು ಸೇರಿ ವಾಹನ ಸವಾರರಿಗೆ ಮತ್ತು ಫುಟ್ ಪಾತ್ ನಲ್ಲಿತರಕಾರಿ ಮಾರುವವರಿಗೆ ದಂಡ ವಿಧಿಸಿ ಕ್ರಮ ಕೈಗೊಳ್ಳಬೇಕು.

ಅತಿ ವೇಗವಾಗಿ ಸಂಚರಿಸುವ ಬಸ್ ಮತ್ತು ಟಿಪ್ಪರ್ ಚಾಲಕರ ವಿರುದ್ಧವೂ ಕಾನೂನು ಕ್ರಮ ಕೈಗೊಳ್ಳಬೇಕು.

ವಾರದ ಸಂತೆಗೆ ನೂರಾರು ಸಮಸ್ಯೆಗಳಿದ್ದು ಶಿರ್ವ ಗ್ರಾಮ ಪಂಚಾಯತ್ ಅವುಗಳನ್ನು ಸರಿಪಡಿಸುವ ಕಾರ್ಯಕ್ಕೆ ಮುಂದಾಗಬೇಕು ಎಂದು ಸಾರ್ವಜನಿಕರ ಆಗ್ರಹಿಸಿದ್ದಾರೆ.

ಬೃಹತ್ ಉದ್ಯಮಗಳು ಜೊತೆಗೆ ಮಲ್ಲಿಗೆ ಕೃಷಿಗೆ ಆದ್ಯತೆ ನೀಡುತ್ತಿರುವ ಈ ಊರಿನ ಗ್ರಾಮಸ್ಥರು ಇನ್ನೂ ಮುಂದಿನ ದಿನಗಳಲ್ಲಿ ವಾರದ ಸಂತೆಯಲ್ಲಿ ತರಕಾರಿಗಳನ್ನು ಯಾವುದೇ ಸಮಸ್ಯೆಗಳು ಇಲ್ಲದೆ ಖರೀದಿ ಮಾಡುವಂತಾಗಬೇಕು ಎಂದು ಸ್ಥಳಿಯರು ಹೇಳಿದ್ದಾರೆ.

ಇಲ್ಲಿನ ಸಮಸ್ಯೆಗಳನ್ನು ಬಗೆಹರಿಸಲು ಸಂಬಂಧಪಟ್ಟ ಅಧಿಕಾರಿಗಳು ಮುಂದಾಗಬೇಕಾಗಿದೆ ಎಂದು ಗ್ರಾಮಸ್ಥರ ಒತ್ತಾಯ.