Thursday, April 22, 2021

ಕುಸಿಯುವ ಭೀತಿಯಲ್ಲಿದೆ ಉಡುಪಿ ರಾಷ್ಟ್ರೀಯ ಹೆದ್ದಾರಿ 66ರ ಮೇಲ್ಸೇತುವೆ..!

ಉಡುಪಿ: ನಗರದ ಮಧ್ಯಭಾಗದಲ್ಲಿ ಹಾದು ಹೋಗುವ ರಾಷ್ಟ್ರೀಯ ಹೆದ್ದಾರಿ 66ರ ಮೇಲ್ಸೇತುವೆ ಇದು. ಈ ಮೇಲ್ಸೇತುವೆ ಇದೀಗ  ಅಪಾಯವನ್ನೇ ಎದುರು ನೋಡುತ್ತಿದೆ. ಈ ಮೇಲ್ಸೇತುವೆಯ ಅಡಿಭಾಗದಲ್ಲಿರುವ  ಕೊಳಚೆ ನೀರಿನ ಪೈಪ್  ಒಡೆದು ಹೋಗಿರುವ ಕಾರಣ  ಮೇಲ್ಸೇತುವೆ ಕುಸಿಯುವ ಹಂತದಲ್ಲಿದೆ. ಮೂರು ತಿಂಗಳ ಹಿಂದೆ ರಾತ್ರಿ ಇದ್ದಕ್ಕಿದ್ದ ಹಾಗೆ ಈ ಮೇಲ್ಸೇತುವೆಯ ಅಡಿಯಿಂದ ಭಾರಿ ಪ್ರಮಾಣದ ಮಣ್ಣು ಮತ್ತು ಕೊಳಚೆ ನೀರು ರಸ್ತೆಗೆ ಕೊಚ್ಚಿಕೊಂಡು ಬಂದಿತ್ತು. ಆ ಕೂಡಲೇ ಉಡುಪಿ ನಗರದ ಕೊಳಚೆ ನೀರು ಸಂಸ್ಕರಣ ಘಟಕಕ್ಕೆ ನೀರು ಪಂಪ್ ಮಾಡುವುದನ್ನು ನಿಲ್ಲಿಸಲಾಯಿತು. ಇದರಿಂದಾಗಿ ಸದ್ಯಕ್ಕೆ ಈ ಸೇತುವೆ ಉಳಿದಿದೆಯಾದರೂ ಕೊಳಚೆ ಶುದ್ಧೀಕರಣ ಘಟಕವನ್ನು ಆರಂಭಿಸಿದರೆ ಒಂದು ಗಂಟೆಯೊಳಗೆ ಈ ಸೇತುವೆ  ಕುಸಿದು ಹೋಗೋದು ಗ್ಯಾರಂಟಿ.

ಕೊಳಚೆ ಶುದ್ಧೀಕರಣದ ಪೈಪನ್ನು ಬದಲಾಯಿಸದೆ ಅದರ ಮೇಲೆ ಸೇತುವೆ ಕಟ್ಟಿ ಹೋದವರು ನವಯುಗ ಕಂಪನಿಯ  ಮನೆಹಾಳು  ಇಂಜಿನಿಯರ್ ಗಳು.

ಇವರು ಮಾಡಿರುವ ಎಡವಟ್ಟಿಗೆ ಇದೀಗ  ಇಡೀ ಉಡುಪಿಯ ಜನತೆ ಬೆಲೆ ತೆರುತ್ತಿದೆ. ಹೌದು ಶುದ್ಧೀಕರಣ ಘಟಕ ಕಾರ್ಯ ನಿಲ್ಲಿಸಿ ಮೂರು ತಿಂಗಳುಗಳೇ ಕಳೆದಿವೆ.

ಉಡುಪಿಯ ತ್ಯಾಜ್ಯ ನೀರು ಜನರ ಮಲಮೂತ್ರಗಳನ್ನು ಶುದ್ಧೀಕರಣ ಮಾಡದೆ ನೇರವಾಗಿ  ಇಂದ್ರಾಣಿ ನದಿಗೆ  ಹರಿಯ ಬಿಡಲಾಗುತ್ತಿದೆ.      ಈ ಬಗ್ಗೆ  ಜನತೆ ಅಧಿಕಾರಿಗಳಿಗೆ ಮುತ್ತಿಗೆ ಹಾಕಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆಉಡುಪಿಯ ರಾಷ್ಟ್ರೀಯ ಹೆದ್ದಾರಿಯ ಮೇಲ್ಸೇತುವೆ ಕುಸಿಯುವ ಹಂತದಲ್ಲಿದ್ದರೂ ದುರಸ್ತಿ ಮಾಡದೆ  ಕಾಲ ಹರಣ ಮಾಡುತ್ತಿರುವ ಅಧಿಕಾರಿಗಳು ಜನರ ಜೀವದ ಜೊತೆ ಚೆಲ್ಲಾಟವಾಡುತ್ತಿದ್ದಾರೆ.

ಈ ಬಗ್ಗೆ ಪ್ರಶ್ನಿಸಿದಾಗ ನಮ್ಮಲ್ಲಿ ಪೈಪ್ ನ ಕೊರತೆಯಿದೆ ಎಂದು ಅಧಿಕಾರಿಗಳು ಮೊಂಡುವಾದ ಮಾಡುತ್ತಿದ್ದಾರೆ. ಇಂದ್ರಾಣಿಯ ನದಿ ನೀರಿನಲ್ಲಿ ಸಲ್ಫರ್ ಅಂಶ ಹೆಚ್ಚಾಗುತ್ತಿದ್ದು, ಸ್ಥಳೀಯ ನಿವಾಸಿಗಳಲ್ಲಿ ಕ್ಯಾನ್ಸರ್ ಮೊದಲಾದ ಭಯಾನಕ ರೋಗಗಳು ಕಾಣಿಸಿಕೊಂಡಿವೆ.

ಅಧಿಕಾರಿಗಳ ಬೇಜವಾಬ್ದಾರಿತನದಿಂದ ತೀವ್ರ ಆಕ್ರೋಶಗೊಂಡಿರುವ ಇಂದ್ರಾಣಿ ನದಿ ತೀರದ ನಿವಾಸಿಗಳು ಶುದ್ಧೀಕರಣ ಘಟಕಕ್ಕೆ ಮುತ್ತಿಗೆ ಹಾಕಿ ಬಲವಂತದಿಂದ ಘಟಕವನ್ನು ಆರಂಭಿಸುತ್ತೇವೆ.ಒಂದು ವೇಳೆ ಸೇತುವೆ ಕುಸಿದು ಹೋದರೆ ಅದಕ್ಕೆ ನಗರ ಸಭೆಯೆ  ಉತ್ತರಿಸಲಿ. ಯಾವುದೇ ಕಾರಣಕ್ಕೂ ನದಿಗೆ ಕೊಳಚೆ ನೀರನ್ನು ಬಿಡಲು ನಾವು ಅವಕಾಶ ಕೊಡುವುದಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಉಡುಪಿ ನಗರಸಭೆ ಅತಂತ್ರ ಸ್ಥಿತಿಯಲ್ಲಿದೆ. ಇಲ್ಲಿ ನಗರದ ಕೊಳಚೆ ನೀರು ಶುದ್ಧೀಕರಣ ಘಟಕದ ಕೆಲಸ ಆರಂಭಿಸದೆ ಹೋದ್ರೆ, ಜನರು ರೋಗರುಜಿನಗಳಿಂದ ಸಾಯೋದು ಗ್ಯಾರಂಟಿ.

Hot Topics

ಕಾಪುವಿನಲ್ಲಿ ಕಾರು ಅಪಘಾತ ಗಂಭೀರವಾಗಿ ಗಾಯಗೊಂಡಿದ್ದ ಯುವತಿ ಸಾವು..!

ಕಾಪುವಿನಲ್ಲಿ ಕಾರು ಅಪಘಾತ ಗಂಭೀರವಾಗಿ ಗಾಯಗೊಂಡಿದ್ದ ಯುವತಿ ಸಾವು..! ಉಡುಪಿ : ಉಡುಪಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭಾರಿ ಮಳೆಯ ನಡುವೆ ಭೀಕರ ರಸ್ತೆ ಅಪಘಾತ ಸಂಭವಿಸಿದೆ. ಚಾಲಕನ ನಿಯಂತ್ರಣ ತಪ್ಪಿದ ಕಾರೊಂದು ಕಾಪು ಬಳಿ...

ಮಗು ಸೇರಿದಂತೆ ದಂಪತಿ ಸಾಮೂಹಿಕ ಆತ್ಮಹತ್ಯೆ ಹಳೆಯಂಗಡಿಯಲ್ಲಿ ಹೃದಯ ವಿದ್ರಾವಕ ಘಟನೆ..!

ಮಗು ಸೇರಿದಂತೆ ದಂಪತಿ ಸಾಮೂಹಿಕ ಆತ್ಮಹತ್ಯೆ ಹಳೆಯಂಗಡಿಯಲ್ಲಿ ಹೃದಯ ವಿದ್ರಾವಕ ಘಟನೆ..! ಮಂಗಳೂರು:  ಎಂಟು ವರ್ಷದ ಮಗು ಸೇರಿದಂತೆ ದಂಪತಿ ಸಾಮೂಹಿಕ ಆತ್ಮಹತ್ಯೆ ಮಾಡಿರುವ ದಾರುಣ ಘಟನೆ ಹಳೆಯಂಗಡಿ ಬಳಿಯ ಕಲ್ಲಾಪು ರೈಲ್ವೇ ಗೇಟ್...

ಫೋನಿನಲ್ಲಿ ಮಾತಾಡುತ್ತಿದ್ದ ಯುವಕ ಮೃತ್ಯು ಕೂಪಕ್ಕೆ: ವಿಟ್ಲದಲ್ಲಿ ಹೃದಯ ವಿದ್ರಾವಕ ಘಟನೆ..! 

ಫೋನಿನಲ್ಲಿ ಮಾತಾಡುತ್ತಿದ್ದ ಯುವಕ ಮೃತ್ಯು ಕೂಪಕ್ಕೆ ವಿಟ್ಲದಲ್ಲಿ ಹೃದಯ ವಿದ್ರಾವಕ ಘಟನೆ..!  ಮಂಗಳೂರು: ಟೆರೇಸ್ ನಲ್ಲಿ ಫೋನ್ ನಲ್ಲಿ ಮಾತನಾಡುತ್ತಿದ್ದ ವೇಳೆ ಆಯತಪ್ಪಿ ಕೆಳಗೆ ಬಿದ್ದು ಯುವಕ ಸಾವನ್ನಪ್ಪಿರುವ ಘಟನೆ ವಿಟ್ಲದ ಕೇಪು ಎಂಬಲ್ಲಿ...