ಬಂಟ್ವಾಳ : ಭಾರತೀಯ ಆಯುರ್ವೇದ ವೈದ್ಯ ಪದ್ದತಿಯಲ್ಲಿ ಅನೇಕ ರೀತಿಯ ಸಾಧನೆ ಮಾಡಿರುವ ಸಾಧಕ ನಾಟಿ ವೈದ್ಯರಾಗಿರುವ ಮಾಥು ಕುಟ್ಟಿ ವೈದ್ಯರ್ ಅವರು ದಕ್ಷಿಣ ಕನ್ನಡದ ಬಂಟ್ವಾಳ ಚವರ್ಕಾಡು ಅಡ್ಯನಡ್ಕದಂತಹ ಕುಗ್ರಾಮದಲ್ಲಿ ಸಸ್ಯಶಾಸ್ತ್ರೀಯ ಉದ್ಯಾನವನ್ನು ನಿರ್ಮಾಣ ಮಾಡಿದ್ದು ಇದರ ಲೋಕಾರ್ಪಣಾ ಕಾರ್ಯ ಮಂಗಳವಾರ ನಡೆಯಿತು.

ಕೇಂದ್ರ ಕೃಷಿ ಮತ್ತು ರೈತರ ಕಲ್ಯಾಣ ಖಾತೆ ರಾಜ್ಯ ಸಚಿವರಾದ ಶೋಭಾ ಕರಂದ್ಲಾಜೆ ಅವರು ಲೋಕಾರ್ಣೆಗೊಳಿಸಿದರು. ಬಳಿಕ ತುಳುವಿನಲ್ಲೇ ಮಾತು ಆರಂಭಿಸಿದ ಶೋಭಾ ಅವರು ಆಯುರ್ವೇದದ ಶಕ್ತಿ ವಿಶ್ವದ ಮಹಾನ್ ಶಕ್ತಿಯಾಗಿದೆ.

ಇದನ್ನು ಕೊರೊನಾ ಸಂದರ್ಭದಲ್ಲಿ ವಿಶ್ವದ ಮುಂದೆ ಸಾಬೀತು ಮಾಡಿದೆ. ಹಿತ್ತಲ ಗಿಡ ಮದ್ದಲ್ಲ ಎಂಬ ಬದಲಿಗೆ ಹಿತ್ತಲ ಗಿಡ ಮದ್ದು ಎಂಬುದು ಜನಸಾಮಾನ್ಯರು ತಿಳಿಯಬೇಕಿದೆ.

ನಮ್ಮ ದೇಶದ ತೆಂಗಿನಕಾಯಿಯ ಹಾಲು, ತಾಯಿಯ ಹಾಲಿನಷ್ಟೇ ಪವಿತ್ರವಾಗಿದೆ ಅನ್ನುವುದನ್ನು ವಿದೇಶಿಗರೇ ಅರಿತಿದ್ದಾರೆ ಎಂದ ಅವರು ದಿ ಈಡನ್ ಬೊಟಾನಿಕಲ್ ಗಾರ್ಡನ್ ಅರ್ಥ ಪೂರ್ಣಹಾಗೂ ಮಹತ್ವಪೂರ್ಣ ಮಾನ್ಯತೆಯನ್ನು ಪಡೆದಿದೆ.

ಕೇಂದ್ರ ಸರಕಾರವೂ ಇದಕ್ಕೆ ಪೂರಕವಾಗಿ ಸ್ಪಂದಿಸಲಿದೆ ಎನ್ನುವ ಭರವಸೆಯನ್ನು ನೀಡಿದರು.

ಸಮಾರಂಭದಲ್ಲಿ ಆಶೀರ್ವಚನ ನೀಡಿದ ಶ್ರೀಧಾಮ ಮಾಣಿಲದ ಪರಮಪೂಜ್ಯ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಪ್ರಕೃತಿಯನ್ನು ವಿಕೃತಿಗೊಳಿಸುವ ಪ್ರಸ್ತುತ ಕಾಲಘಟ್ಟದಲ್ಲಿ ಇಂದಿನ ಅವಶ್ಯಕತೆಗಳಿಗೆ ಪೂರಕವಾಗಿ ವೈದ್ಯ ರತ್ನಮ್ ಮಾಥು ಕುಟ್ಟಿ ಅವರ ““ ದಿ ಈಡನ್ ಬೊಟಾನಿಕಲ್ ಗಾರ್ಡನ್ “ ಮೂಲಕ ಸಸ್ಯಸಂಜೀವಿನಿಯಾಗಲಿದ್ದು ಮುಂದಿನ ಪೀಳಿಗೆಗೆ ಮಹತ್ತರ ಕೊಡುಗೆಯಾಗಲಿ ಎಂದು ಹಾರೈಸಿದರು.

ಸಮಾರಂಭದಲ್ಲಿ ಅತಿಥಿಯಾಗಿದ್ದ ಪೆರ್ಲ ಸೈಂಟ್ ಜ್ಯೂಡ್ ಚರ್ಚ್ ನ ರೆ.ಫಾ. ಜೊಸೆ ಚೆಂಬಾಟಿಕಲ್ ಆಶೀರ್ವಚನದ ನುಡಿಗಳನ್ನಾಡಿದರು.

ಮತ್ತೋರ್ವ ಅಥಿತಿ ಕೆಎಫ್ ಡಿಸಿ ನಿರ್ದೇಶಕಿ, ಗೀತಾಂಜಲಿ ಎಂ ಸುವರ್ಣ ಮಾತನಾಡಿ, ಮಾಥುಕಟ್ಟಿಯವರ ಈ ಗಾರ್ಡನ್ ಜಗದ್ವಖ್ಯಾತಿಗೊಳಿಸಲಿ ಅಂತ ಹಾರೈಸಿದರು.

ಸಮಾರಂಭದಲ್ಲಿ ನಾಟಿವೈದ್ಯ ವೈದ್ಯರತ್ನಮ್ ಮಾಥುಕುಟ್ಟಿ ವೈದ್ಯರ್ ಅವರಿಗೆ ಹಿತೈಷಿಗಳು, ಸಾರ್ವಜನಿಕರಿಂದ ಸನ್ಮಾನ ಕಾರ್ಯಕ್ರಮ ನಡೆಯಿತು.

ಸೋಷ್ಯೋ ಲೀಗಲ್ ಆ್ಯಕ್ಟಿವಿಸ್ಟ್ ಮರ್ಸಿ ಮ್ಯಾಥ್ಯೂ ಅಲಿಯಾಸ್ ದಯಾಬಾಯ್, ಎಣ್ಮಕಜೆ ಗ್ರಾ.ಪಂ.ಸದಸ್ಯ ಮಹೇಶ್ ಭಟ್, ಕೃಷಿ ಇಲಾಖೆಯ ಉಪನಿರ್ದೇಸಕಿ ಭಾರತಿ, ಸಹಾಯಕ ನಿರ್ದೇಸಕ ನಂದನ್ ಶೆಣೈ, ಉಡುಪಿ ಕೃಷಿ ಇಲಾಖೆಯ ಉಪನಿರ್ದೇಶಕ ಸೂರ್ಯಕಾಮತ್ ಬಿರಾದಾರ್, ಸಹಾಯಕ ನಿರ್ದೇಶಕ ಮೋಹನ್ ರಾಜ್, ಎ.ಡಿ.ಆಯುರ್ ಆಂಕೋಲಾಜಿ ಫೆಲೋ ಡಾ.ಲಿಮಾ ಮ್ಯಾಥ್ಯೂ ಈ ಸಂದರ್ಭದಲ್ಲಿ ಉಪಸ್ಥಿರಿದ್ದರು, ಕಾಪು ಬಿಜೆಪಿ ರೈತ ಮೋರ್ಚಾದ ಕಮಲಾಕ್ಷ ಸುವರ್ಣ ಕಟಪಾಡಿ ಸ್ವಾಗತಿಸಿ, ವಂದಿಸಿದರು.

ದಿ ಈಡನ್ ಬೊಟಾನಿಕಲ್ ಗಾರ್ಡನ್ ನ ವೈಶಿಷ್ಟ್ಯ :

ಅಡ್ಯನಡ್ಕದ ಸುಂದರ ಮತ್ತು ಶಾಂತ ಪರಿಸರಲ್ಲಿರುವ ದಿ ಈಡನ್ ಬೊಟಾನಿಕಲ್ ಗಾರ್ಡನ್ ಆರು ಎಕರೆ ಪ್ರದೇಶದಲ್ಲಿ ಹರಡಿದ್ದು, ಕ್ಯಾನ್ಸರ್, ಕಿಡ್ನಿ, ಹೃದಯ ಸಮಸ್ಯೆ, ಹೆಪಟೈಟಿಸ್ ಬಿ , ಪಕ್ಷವಾತ ಸೇರಿ ಎಲ್ಲಾ ಮಾರಕರೋಗಗಳನ್ನು ನಿವಾರಿಸುವ ಔಷಧೀಯ ಗುಣಗಳುಳ್ಳ ಅಪರೂಪದ 3000 ಸಾವಿರಕ್ಕೂ ಅಧಿಕ ಸಸ್ಯಶಾಸ್ತ್ರೀಯಗಳು ಈ ಉದ್ಯಾನವನದಲ್ಲಿವೆ.