Saturday, October 1, 2022

43ವರ್ಷಗಳಲ್ಲಿ 53 ಮದುವೆಯಾದ ಸಾಧಕ-ಮನಃಶಾಂತಿಗಾಗಿ ಈತನಿಗೆ ಇದೇ ಮಾರ್ಗವಂತೆ

ರಿಯಾದ್‌: ವ್ಯಕ್ತಿಯೋರ್ವ ಮಾನಸಿಕ ಸ್ಥಿರತೆಗಾಗಿ 43 ವರ್ಷಗಳಲ್ಲಿ ಬರೋಬ್ಬರಿ 53 ಮದುವೆಯಾದ ಘಟನೆ ಸೌದಿ ಅರೇಬಿಯಾದ ರಿಯಾದ್‌ನಲ್ಲಿ ನಡೆದಿದೆ.

ಅಂತಹ ವಿಶೇಷ ವ್ಯಕ್ತಿ ಸೌದಿ ಮೂಲದ ವ್ಯಕ್ತಿ ಅಬು ಅಬ್ದುಲ್ಲಾ (63).

ʼಶತಮಾನದ ಬಹುಪತ್ನಿತ್ವವಾದಿʼ ಎಂಬ ಅಡ್ಡ ಹೆಸರನ್ನು ಅವರು ಹೊಂದಿದ್ದಾರೆ ಎಂದು ವರದಿಯೊಂದು ತಿಳಿಸಿದೆ.

ಸ್ವತಃ ಅಬು ಅಬ್ದುಲ್ಲಾ ಅವರೇ ಸ್ಥಳೀಯ ಮಾಧ್ಯಮವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಈ ವಿಷಯವನ್ನು ತಿಳಿಸಿದ್ದಾರೆ. ನಾನು 20 ವರ್ಷದವನಿದ್ದಾಗ ಮೊದಲ ಮದುವೆಯಾದೆ.

ನನ್ನ ಹೆಂಡತಿ ನನಗಿಂತ 6 ವರ್ಷ ದೊಡ್ಡವಳಾಗಿದ್ದಳು. ಆ ಸಮಯದಲ್ಲಿ ನಾನು ಮದುವೆಯಾಗಿ ಮಕ್ಕಳೊಂದಿಗೆ ಖುಷಿಯಾಗಿದ್ದೆ.

ಆಗ ನನಗೆ ಇನ್ನೊಂದು ಮದುವೆಯಾಗುವ ಯೋಚನೆ ಇರಲಿಲ್ಲ. ಆದರೆ ಸಮಸ್ಯೆಗಳು ಕಾಣಿಸಿಕೊಂಡಾಗ, 23 ನೇ ವಯಸ್ಸಿನಲ್ಲಿ 2ನೇ ಮದುವೆಯಾಗಲು ನಿರ್ಧರಿಸಿ ಈ ವಿಷಯವನ್ನು ಮೊದಲ ಪತ್ನಿಗೆ ಹೇಳಿದೆ.

ಬಳಿಕ ಎರಡನೇ ಪತ್ನಿ ಜತೆಗೂ ಜಗಳವಾಗಿ ಮೂರನೇ ಮದುವೆ, ನಂತರ ನಾಲ್ಕನೇ ಮದುವೆಯಾದೆ. ಮೊದಲ ಇಬ್ಬರಿಗೆ ವಿಚ್ಚೇದನವನ್ನು ಕೊಟ್ಟೇ ನಾನು ಬೇರೆ ಮದುವೆಯಾಗಿದ್ದೆ.

ಓರ್ವ ಮಡದಿ ನನ್ನ ಜತೆ ಕೇವಲ ಒಂದು ರಾತ್ರಿ ಮಾತ್ರ ಇದ್ದು, ಇದು ತನ್ನ ವೈವಾಹಿಕ ಬದುಕಿನ ಅತ್ಯಂತ ಕನಿಷ್ಠ ಅವಧಿ ಎಂದವರು ವಿವರಿಸಿದ್ದಾರೆ.ನಾನು 43 ವರ್ಷದಲ್ಲಿ 53 ಮಹಿಳೆಯರನ್ನು ಮದುವೆಯಾಗಿದ್ದೇನೆ. ಎಲ್ಲಾ ಗಂಡಸರು ಒಂದು ಮದುವೆಯಾಗಿ ಖುಷಿಯಾಗಿ ಇರಲು ಬಯಸುತ್ತಾರೆ.

ನಾನು ಇಷ್ಟು ಮದುವೆಯಾದದ್ದು ವೈಯಕ್ತಿಕ ಸಂತೋಷಕ್ಕಾಗಿ ಅಲ್ಲ; ಬದಲಾಗಿ ಸಮಾಧಾನ ಮತ್ತು ಸ್ಥಿರತೆಗಾಗಿ ಎಂದು ಅಬು ಅಬ್ದುಲ್ಲಾ ತಿಳಿಸಿದ್ದಾರೆ.ಅವರು ಮದುವೆಯಾದ ಬಹುತೇಕ ಮಹಿಳೆಯರು ಸೌದಿ ಮೂಲದವರೇ ಆಗಿದ್ದಾರೆ.

ಪ್ರವಾಸದ ವೇಳೆ ವೀದೇಶಿ ಮಹಿಳೆಯೊಬ್ಬರನ್ನು ಮದುವೆಯಾಗಿದ್ದರು. ನೆಮ್ಮದಿ ಹಾಗೂ ಮಾನಸಿಕ ಶಾಂತಿ ಹುಡುಕಲು ಅವರು ಇಷ್ಟು ಮದುವೆ ಆಗಿದ್ದಾರೆ ಎಂದು ಗಲ್ಫ್‌ ನ್ಯೂಸ್‌ ವರದಿ ತಿಳಿಸಿದೆ.

ಈಗ ನಾನು ಇನ್ನೋರ್ವ ಮಹಿಳೆಯನ್ನು ಮದುವೆಯಾಗಿದ್ದು, ಮತ್ತೊಬ್ಬ ಮಹಿಳೆಯನ್ನು ಮದುವೆಯಾಗುವ ಯೋಚನೆ ಸದ್ಯಕ್ಕಿಲ್ಲ ಎಂದು ಅಬ್ದುಲ್ಲಾ ತಿಳಿಸಿದ್ದಾರೆ.

LEAVE A REPLY

Please enter your comment!
Please enter your name here

Hot Topics

ಮಂಗಳೂರು: ನೂತನ ಮೇಯರ್ ಪ್ರಥಮ ಸಭೆ-ತ್ಯಾಜ್ಯ ವಿಲೇವಾರಿ ಗುತ್ತಿಗೆ ಮತ್ತು LED ಲೈಟ್‌ ಬಗ್ಗೆ ಗಂಭೀರ ಚರ್ಚೆ

ಮಂಗಳೂರು: ಮಂಗಳೂರು ಮಹಾನಗರ ಪಾಲಿಕೆಯ ಮಾಸಿಕ ಸಭೆ ಇಂದು ಲಾಲ್‌ಬಾಗ್‌ನಲ್ಲಿರುವ ಪಾಲಿಕೆ ಕಚೇರಿಯ ಸಭಾಂಗಣದಲ್ಲಿ ನಡೆಯಿತು. ಮೇಯರ್‌ ಜಯಾನಂದ ಅಂಚನ್‌ ಆಧ್ಯಕ್ಷತೆಯ ಈ ಪ್ರಥಮ ಸಭೆಯಲ್ಲಿ ನಗರದ ತ್ಯಾಜ್ಯ ವಿಲೆವಾರಿ ಗುತ್ತಿಗೆ ಮತ್ತು...

ಗಂಗೊಳ್ಳಿ ಮೀನುಗಾರಿಕಾ ಜೆಟ್ಟಿ ಕುಸಿತ ಪ್ರದೇಶಕ್ಕೆ ಸಚಿವ ಅಂಗಾರ ಭೇಟಿ

ಬೈಂದೂರು: ಉಡುಪಿ ಜಿಲ್ಲೆ ಗಂಗೊಳ್ಳಿ ಮೀನುಗಾರಿಕಾ ಬಂದರಿನ ನಿರ್ಮಾಣ ಹಂತದ ಜೆಟ್ಟಿ ಕುಸಿತವಾದ ಪ್ರದೇಶಕ್ಕೆ ಮೀನುಗಾರಿಕಾ ಸಚಿವ ಎಸ್. ಅಂಗಾರ ಅವರು ಭೇಟಿ ನೀಡಿ ಪರಿಶೀಲಿಸಿದರು.ನಂತರ ಮಾತನಾಡಿದ ಅವರು 'ಜೆಟ್ಟಿಯ 150 ಮೀಟರಿಗೂ...

ಲಂಚ ಸ್ವೀಕರಿಸುತ್ತಿದ್ದ ವೇಳೆ ಲೋಕಾಯುಕ್ತ ಅಧಿಕಾರಿಗಳ ಬಲೆಗೆ ರೆಡ್‌ಹ್ಯಾಂಡ್‌ ಆಗಿ ಸಿಕ್ಕಿಬಿದ್ದ ಮಂಗಳೂರು ತಹಶೀಲ್ದಾರ್ ಸಹಾಯಕ ಶಿವಾನಂದ..!

ಮಂಗಳೂರು: ತಹಶೀಲ್ದಾರ್‌ ಅವರ ಸಹಾಯಕ ಅಧಿಕಾರಿಯೊಬ್ಬರು ಲಂಚ ಸ್ವೀಕರಿಸುತ್ತಿದ್ದ ವೇಳೆ ಲೋಕಾಯುಕ್ತ ಅಧಿಕಾರಿಗಳ ಬಲೆಗೆ ರೆಡ್‌ಹ್ಯಾಂಡ್ ಆಗಿ ಸಿಕ್ಕಿ ಬಿದ್ದ ಘಟನೆ ಮಂಗಳೂರಿನಲ್ಲಿ ಇಂದು ಮಧ್ಯಾಹ್ನ ನಡೆದಿದೆ.ಮಂಗಳೂರು ಮಿನಿ ವಿಧಾನಸೌಧದಲ್ಲಿರುವ ತಾಲೂಕು ಕಚೇರಿಯಲ್ಲಿ...