ಮಂಗಳೂರು: “ಮುಸ್ಲಿಂ ಧರ್ಮಗುರುವೊಬ್ಬರು ಸಮಾರಂಭದಲ್ಲಿ ಆಹಾರಕ್ಕೆ ಉಗುಳುತ್ತಿದ್ದಾರೆ” ಎಂಬ ಶೀರ್ಷಿಕೆಯೊಂದಿಗೆ ವೀಡಿಯೋವೊಂದು ಸಾಮಾಜಿಕ ತಾಣದಲ್ಲಿ ಹರಿದಾಡುತ್ತಿದೆ.

 ಇದನ್ನು ಸಾವಿರಾರು ಮಂದಿ ಷೇರ್‌ ಮಾಡಿದ್ದಾರೆ ಹಾಗೂ ಈ ಪೋಸ್ಟ್‌ಗೆ ವಿವಿಧ ರೀತಿಯ ಪರ-ವಿರೋಧ ಕಮೆಂಟ್‌ಗಳು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಈಡು ಮಾಡಿತ್ತು.

ಆದರೆ ಅದು ಉಗುಳುವುದಲ್ಲ ಬದಲಾಗಿ ಊದುವುದು ಎಂದು ಹಲವರು ಸ್ಪಷ್ಟಪಡಿಸಿದ್ದು, ಈ ಬಗ್ಗೆ ಆಲ್ಟ್‌ ನ್ಯೂಸ್‌ ವರದಿ ಮಾಡಿದೆ.

https://www.altnews.in/fact-check-does-this-video-show-a-maulana-spitting-on-food/

ಕೂರಾ ತಂಙಳ್‌ ರವರ ತಂದೆ ಸೈಯದ್‌ ಅಬ್ದುರ್ರಹ್ಮಾನ್‌ ಅಲ್‌ ಬುಖಾರಿ ತಂಙಳ್‌ ರವರ ಉರೂಸ್‌ ನಡೆದ ಸಂದರ್ಭದಲ್ಲಿ ಸಾಮೂಹಿಕ ಅನ್ನ ಸಂತರ್ಪಣೆ ಕಾರ್ಯಕ್ರಮವಿತ್ತು. ಆಹಾರ ವಿತರಣೆಗೂ ಮುಂಚೆ ಕುರ್‌ ಆನ್‌ ಸೂಕ್ತಗಳನ್ನು ಓದಿ ಊದುವುದು ರೂಢಿ.

ಮಧ್ಯಾಹ್ನ ಮತ್ತು ರಾತ್ರಿ ಅನ್ನ ಸಂತರ್ಪಣೆ ನಡೆದಿದ್ದು, ಈ ವೇಳೆ ತಂಙಳ್‌ ಸೂಕ್ತಗಳನ್ನು ಓದಿ ಊದಿದ್ದರೆ ವಿನಃ ಉಗುಳಿದ್ದಲ್ಲ” ಎಂದು ಅವರ ಸಹಾಯಕ ಹನೀಫ್‌ ಹಾಜಿ ಉಳ್ಳಾಲ ಹೇಳಿಕೆ ನೀಡಿದ್ದಾಗಿ ವರದಿ ಉಲ್ಲೇಖಿಸಿದೆ.

ಹಝ್ರತ್‌ ನಿಝಾಮುದ್ದೀನ್‌ ಔಲಿಯಾ ದರ್ಗಾದ ಪೀರ್ಝಾದಾ ಅಲ್ತಮಶ್‌ “ಅವರು ಊದುತ್ತಿದ್ದಾರೆಯೇ ಹೊರತು ಉಗುಳುತ್ತಿಲ್ಲ. ಇಂತಹಾ ಸಂಪ್ರದಾಯವನ್ನು ಪಾಲಿಸುವ ಹಲವು ಸಮುದಾಯಗಳಿವೆ.

ಇದು ಬರ್ಕತ್‌ (ಅನುಗ್ರಹ)ಕ್ಕಾಗಿ ನಡೆಸುವ ಒಂದು ಧಾರ್ಮಿಕ ರೂಢಿ ಮಾತ್ರ. ನಮ್ಮ ದರ್ಗಾದಲ್ಲಿ ಈ ಸಂಪ್ರದಾಯವಿಲ್ಲ ಆದರೆ ಹಲವೆಡೆ ಇದನ್ನು ಪಾಲಿಸಲಾಗುತ್ತದೆ ಎಂದು ಹೇಳಿದ್ದಾರೆ.

ಈ ಬಗ್ಗೆ ಬ್ಯಾರಿ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷ ರಹೀಂ ಉಚ್ಚಿಲ್‌ ಸಹ ಸ್ಪಷ್ಟನೆ ನೀಡಿ ಫೇಸ್‌ಬುಕ್‌ನಲ್ಲಿ ಬರೆದಿದ್ದಾರೆ.
“ಸಯ್ಯಿದ್ ಕೂರ ತಂಙಳ್ ರವರು ಖುರ್‌ಆನ್ ಓದಿ ಮಂತ್ರಿಸಿ ಊದುವ ವಿಡಿಯೋ ವನ್ನು ಕೆಲವರು ಭಕ್ಷಣಕ್ಕೆ ಉಗುಳುವುದೆಂದು ಅಪಪ್ರಚಾರ ಪಡಿಸುತ್ತಿದ್ದಾರೆ.

ಸಾಧಾರಣ ಧಾರ್ಮಿಕ ಕಾರ್ಯಕ್ರಮ ಗಳಲ್ಲಿ ಮಾಡುವ ಆಹಾರ ಪದಾರ್ಥಗಳಿಗೆ ಖುರ್‌ಆನ್ ಮಂತ್ರಿಸಿ ಊದುವ ವಾಡಿಕೆ ಮುಸ್ಲಿಮರ ನಡುವೆ ಇದೆ. ಪ್ರತಿಯೊಂದು ಧರ್ಮದಲ್ಲಿಯೂ ಅವರ ನಂಬಿಕೆ ಪ್ರಕಾರ ಇಂತಹ ಹಲವಾರು ಆಚಾರಗಳು ನಡೆಯುತ್ತವೆ.

ಅದರ ಬಗ್ಗೆ ತಿಳಿಯದೆ ಅಪಪ್ರಚಾರ ನಡೆಸುವುದು ಸರಿಯಲ್ಲ” ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ.

Need your valuable inputs, @zoo_bear. Can you please verify & fact check this video clip for our viewers?!

Is that man actually spitting in the food that is ready to be served?? Why??

And please don't ignore my request like you did the last time. Thanks in advance!! :)) pic.twitter.com/j0HEOB5H62

— Priti Gandhi – प्रीति गांधी (@MrsGandhi) November 7, 2021