ಅಬುಧಾಬಿಯ ಹಿಂದೂ ದೇವಸ್ಥಾನ ನಿರ್ಮಾಣ ವೀಕ್ಷಿಸಿದ ಜೈಶಂಕರ್: “ಈ ದೇಗುಲ ಶಾಂತಿ -ಸಾಮರಸ್ಯದ ಸಂಕೇತ”

ಅಬುಧಾಬಿ: ಗಲ್ಫ್‌ ರಾಷ್ಟ್ರದಲ್ಲಿ ಮೊದಲ ಹಿಂದೂ ದೇವಾಲಯ ಯುಎಇಯ ಅಬುಧಾಬಿಯಲ್ಲಿ ನಿರ್ಮಾಣಗೊಳ್ಳುತ್ತಿದ್ದು, ಈ ಜಾಗಕ್ಕೆ ಕೇಂದ್ರ ವಿದೇಶಾಂಗ ಸಚಿವ ಎಸ್​​​. ಜೈಶಂಕರ್​ ಭೇಟಿ ನೀಡಿದ್ದಾರೆ.

ಅಬು ಧಾಬಿಯಲ್ಲಿ ಸಿದ್ಧಗೊಳ್ಳುತ್ತಿರುವ ದೇಗುಲ ಶಾಂತಿ, ಸಹಿಷ್ಣುತೆ ಮತ್ತು ಸಾಮರಸ್ಯದ ಸಂಕೇತ ಎಂದ ಜೈಶಂಕರ್​​ ಬಣ್ಣಿಸಿದರು.

ಮೂರು ದಿನಗಳ ಗಲ್ಫ್​ ಪ್ರವಾಸದಲ್ಲಿರುವ ಜೈಶಂಕರ್,​​​​ ಗಣೇಶ ಚತುರ್ಥಿಯ ದಿನ ಇಲ್ಲಿಗೆ ಭೇಟಿ ನೀಡಿದ್ದೇನೆ. ಕಾಮಗಾರಿಯಲ್ಲಿ ತ್ವರಿತ ಪ್ರಗತಿ ನೋಡಲು ಸಂತೋಷವಾಗ್ತಿದೆ.

ಇಲ್ಲಿನ ಹಿಂದೂ ಸಮುದಾಯ ಹಾಗೂ ಭಕ್ತರನ್ನು ಭೇಟಿ ಮಾಡಿದ್ದೇನೆ ಎಂದಿದ್ದಾರೆ. ಈ ಸಂದರ್ಭದಲ್ಲಿ ಸಚಿವ ಶೇಖ್​​ ನಹ್ಯಾನ್ ಬಿನ್​ ಮುಬಾರಕ್​​ ಅವರನ್ನು ಭೇಟಿ ಮಾಡಿರುವ ಸಚಿವರು, ಕೆಲಹೊತ್ತು ಮಾತುಕತೆ ನಡೆಸಿದರು.

ಅಬು ಧಾಬಿಯಲ್ಲಿ 55,000 ಚದರ ಮೀಟರ್​ ಜಾಗದಲ್ಲಿ ದೇವಾಲಯ ತಲೆ ಎತ್ತುತ್ತಿದೆ. ಇದರಲ್ಲಿ ಭಾರತೀಯ ಕುಶಲಕರ್ಮಿಗಳು ಕೆಲಸ ಮಾಡ್ತಿದ್ದಾರೆ. ಇದು ಮಧ್ಯಪ್ರಾಚ್ಯದ ಮೊದಲ ಹಿಂದೂ ದೇವಾಲಯವೆಂಬ ಹೆಗ್ಗಳಿಕೆ ಹೊಂದಿದೆ.