Hair care: ಕೂದಲು ಉದುರುವ ಸಮಸ್ಯೆಯಿಂದ ಬಹಳಷ್ಟು ಜನರು ಬಳಲುತ್ತಿದ್ದಾರೆ. ಇಂದಿನ ಆಧುನಿಕ ಜೀವನಶೈಲಿ ಮತ್ತು ಆಹಾರ ಪದ್ಧತಿಯಿಂದಾಗಿ ಎಲ್ಲಾ ವಯಸ್ಸಿನವರಲ್ಲಿ ಕೂದಲಿನ ಸಮಸ್ಯೆ ಸಾಮಾನ್ಯವಾಗಿದೆ. ಮನೆ ಸಲಹೆಗಳನ್ನು ಪಾಲಿಸಿದರೆ ಕೂದಲು ಉದುರುವುದೇ ಇಲ್ಲ ಎನ್ನುತ್ತಾರೆ ತಜ್ಞರು.

ಉದ್ದ ಮತ್ತು ಆರೋಗ್ಯಕರ ಕೂದಲು ಬೆಳೆಯಲು, ಸ್ನಾನ ಮಾಡುವಾಗ ಕೆಲವು ಅಂಶಗಳ ಬಗ್ಗೆ ಎಚ್ಚರಿಕೆ ವಹಿಸಬೇಕು ಎಂದು ತಜ್ಞರು ಹೇಳುತ್ತಾರೆ. ಪ್ರತಿದಿನ ಸ್ನಾನ ಮಾಡುವುದರಿಂದ ಕೂದಲು ಒಣಗಬಹುದು. ಇದರಿಂದ ನೆತ್ತಿಯಲ್ಲಿರುವ ನೈಸರ್ಗಿಕ ಎಣ್ಣೆ ನಾಶವಾಗಿ ಕೂದಲು ಹೆಚ್ಚು ಉದುರುತ್ತದೆ. ಇದನ್ನು ತಡೆಯಲು ವಾರಕ್ಕೆ 2-3 ಬಾರಿ ತಲೆ ಸ್ನಾನ ಮಾಡಿದರೆ ಸಾಕು.

ತುಂಬಾ ಬಿಸಿ ನೀರಿನಿಂದ ಸ್ನಾನ ಮಾಡಬೇಡಿ. ಇದು ಕೂದಲು ಉದುರುವಿಕೆಗೆ ಕಾರಣವಾಗಬಹುದು. ನೀವು ಸ್ನಾನ ಮಾಡುವಾಗ ನಿಮ್ಮ ಕೂದಲನ್ನು ಚೆನ್ನಾಗಿ ತೊಳೆಯದಿದ್ದರೆ, ಶಾಂಪೂದಲ್ಲಿನ ರಾಸಾಯನಿಕಗಳು ಉಳಿದು ನಿಮ್ಮ ಕೂದಲಿಗೆ ಹಾನಿಯನ್ನುಂಟು ಮಾಡುತ್ತವೆ. ಕೂದಲು ಉದುರುವಿಕೆಗೆ ಇದು ಪ್ರಮುಖ ಕಾರಣವೂ ಆಗಿರಬಹುದು.

ಎಣ್ಣೆ ಹಚ್ಚದೆ ಕೂದಲು ತೊಳೆಯುವುದು ಕೂಡ ಕೂದಲು ಉದುರುವಿಕೆಗೆ ಕಾರಣವಾಗಬಹುದು. ಇದನ್ನು ತಡೆಗಟ್ಟಲು, ಸ್ನಾನ ಮಾಡುವ ಮೊದಲು ನಿಮ್ಮ ಕೂದಲಿಗೆ ಎಣ್ಣೆಯನ್ನು ಹಚ್ಚುವುದು ಉತ್ತಮ.

ವಾರಕ್ಕೊಮ್ಮೆಯಾದರೂ ಕೂದಲಿಗೆ ಚೆನ್ನಾಗಿ ಎಣ್ಣೆ ಹಚ್ಚಿ. ಲಘುವಾಗಿ ಮಸಾಜ್ ಮಾಡಿ ಸ್ನಾನ ಮಾಡಬೇಕು. ಇದು ಕೂದಲು ಕಿರುಚೀಲಗಳನ್ನು ಬಲಪಡಿಸುತ್ತದೆ. ಸ್ನಾನ ಮಾಡುವ ಮೊದಲು ತಾಜಾ ಅಲೋವೆರಾ ಜೆಲ್ ಅನ್ನು ಕೂದಲಿನ ತುದಿಗೆ ಹಚ್ಚಿ. ಸ್ವಲ್ಪ ಸಮಯ ಬಿಟ್ಟು ಕೂದಲನ್ನು ತೊಳೆಯಿರಿ. ಇದು ಕೂದಲಿನ ಎಲ್ಲಾ ಸಮಸ್ಯೆಗಳನ್ನು ಪರಿಹರಿಸುತ್ತದೆ.

ನವದೆಹಲಿ: ಮಾನವರು ಆಧುನಿಕವಾಗಿ ಎಷ್ಟೇ ಮುಂದುವರಿದರೂ ಇಂದಿಗೂ ಕೆಲವೊಂದು ನಂಬಿಕೆಗಳ ಹಿಂದೆ ಬಿದ್ದಿದ್ದಾರೆ. ಈ ನಂಬಿಕೆಗಳು ಕೇಳಲು ಒಂದು ರೀತಿ ವಿಚಿತ್ರ ಎನಿಸಿದರೂ ಸಹ ಅದರ ಹಿಂದಿನ ಕಾರಣ ತಿಳಿದರೆ ನಿಜಕ್ಕೂ ನಮ್ಮನ್ನು ಅಚ್ಚರಿಗೆ ದೂಡುತ್ತದೆ. ಅಂಥ ಒಂದು ಅಚ್ಚರಿಯ ನಂಬಿಕೆಯನ್ನು ನಾವಿಂದು ನಿಮಗೆ ಪರಿಚಯಿಸುತ್ತೇವೆ.

ದೇಶದಲ್ಲಾಗಿರಲಿ ಅಥವಾ ವಿದೇಶಗಳಲ್ಲಾಗಿರಲಿ ಕೆಲವೆಡೆ ಹೋಟೆಲ್‌ಗಳಲ್ಲಿ 13ನೇ ನಂಬರ್‌ನ ಮಹಡಿಯಾಗಲಿ ಅಥವಾ ರೂಮ್ ಆಗಲಿ ಇರುವುದಿಲ್ಲ. 15 ರಿಂದ 20 ಅಂತಸ್ತು ಕಟ್ಟಡಗಳಿದ್ದರೂ ಅಲ್ಲಿ 13ನೇ ನಂಬರ್ ಅನ್ನು ನಮೂದಿಸುವುದಿಲ್ಲ. 11, 12ರ ಬಳಿಕ 13ರ ಬದಲಾಗಿ 14 ಎಂದು ಹೋಟೆಲ್ ರೂಮ್‌ಗಳಲ್ಲಿ ಅಥವಾ ಮಹಡಿಗಳಲ್ಲಿ ನಮೂದಿಸಿರುತ್ತಾರೆ.

ಅನೇಕ ವಿಮಾನಯಾನ ಸಂಸ್ಥೆಗಳು ಮತ್ತು ಇತರ ವ್ಯವಹಾರಗಳು ಕೂಡ 13 ನಂಬರ್ ಬಳಸುವುದನ್ನು ತಪ್ಪಿಸುತ್ತವೆ. ಅನೇಕ ಗಗನಚುಂಬಿ ಕಟ್ಟಡಗಳು 13ನೇ ಮಹಡಿಯನ್ನು ಹೊಂದಿರುವುದಿಲ್ಲ. ಆಸ್ಪತ್ರೆಗಳು ಮತ್ತು ವಿಮಾನ ನಿಲ್ದಾಣಗಳಲ್ಲಿ ಸಾಧ್ಯವಿರುವಲ್ಲೆಲ್ಲಾ 13 ಸಂಖ್ಯೆಯನ್ನು ತಪ್ಪಿಸಲಾಗುತ್ತದೆ. ಏಕೆ ಹೀಗೆ ಎಂಬ ಪ್ರಶ್ನೆ ನಿಮಗೆ ಮೂಡಬಹುದು ಅದರ ಹಿಂದಿನ ಅಚ್ಚರಿಯ ಕಾರಣ ಹೀಗಿದೆ.

13ನೇ ನಂಬರ್ ಬಳಸದೇ ಇರುವುದಕ್ಕೆ ಟ್ರೆಸ್ಕೈಡೆಕಾಫೋಬಿಯಾ ಎಂದು ಕರೆಯುತ್ತಾರೆ. ಇದರ ಅರ್ಥ 13ನೇ ನಂಬರ್ ಮೇಲಿನ ಭಯ ಎಂಬುದಾಗಿದೆ. ಅಂದರೆ, 13ನೇ ನಂಬರ್ ದುರಾದೃಷ್ಟ ಅಥವಾ ಸಾವಿನ ಸಂಖ್ಯೆ ಎಂಬ ನಂಬಿಕೆ ಜನರಲ್ಲಿದೆ.

ಕಾರಣವೇನು?

13ನೇ ನಂಬರ್ ಸಾವಿನ ನಂಬರ್. ಹೀಗಾಗಿ ಕಟ್ಟಡದ 13ನೇ ಮಹಡಿಯನ್ನು ಅನೇಕ ಹೋಟೆಲ್‌ಗಳಲ್ಲಿ ಸ್ಕಿಪ್ ಮಾಡುವ ಮೂಲಕ ಭಯವನ್ನು ಹೋಗಲಾಡಿಸುವ ಪ್ರಯತ್ನ ಮಾಡಲಾಗುತ್ತದೆ. ವಾಸ್ತವವಾಗಿ, ಇದು ಒಬ್ಬರ ಆರೋಗ್ಯದ ಮೇಲೆಯೂ ನಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದು ಹಲವಾರು ಅಧ್ಯಯನಗಳು ಕಂಡುಕೊಂಡಿವೆ.

ಸಮೀಕ್ಷೆಯೊಂದರ ಪ್ರಕಾರ 13ಕ್ಕೂ ಹೆಚ್ಚಿನ ಮಹಡಿಗಳಿರುವ 629 ಕಟ್ಟಡಗಳಲ್ಲಿ ಕೇವಲ 55 ಮಾತ್ರ ಕಟ್ಟಡಗಳಲ್ಲಿ ಮಾತ್ರ 13ನೇ ಮಹಡಿ ಎಂದು ನಮೂದಿಸಲಾಗಿದೆ. ಆದರೆ, ಬಹುತೇಕ ಕಟ್ಟಡಗಳಲ್ಲಿ 13ನೇ ನಂಬರ್ ಇಲ್ಲ. ಭಾರತದಲ್ಲಿಯೂ ಕೆಲವು ಕಟ್ಟಡಗಳು ಮತ್ತು ಹೋಟೆಲ್‌ಗಳಲ್ಲಿ ಕೊಠಡಿ ಸಂಖ್ಯೆ 13 ಕಂಡುಬಂದಿಲ್ಲ. ಅದೇ ರೀತಿ, ಜಪಾನ್‌ನಲ್ಲಿ 9, ಇಟಲಿಯಲ್ಲಿ 17 ಮತ್ತು ಚೀನಾದಲ್ಲಿ 4 ಅನ್ನು ದುರದೃಷ್ಟಕರವೆಂದು ಪರಿಗಣಿಸಲಾಗುತ್ತದೆ.

ಮಂಗಳೂರು: ಭಾರತದಲ್ಲಿ ಬಹುತೇಕ ಎಲ್ಲಾ ಕ್ಷೇತ್ರದಲ್ಲಿ ಕೆಲಸ ಮಾಡುವ ಉದ್ಯೋಗಿಗಳು ಪಿಎಫ್ ಖಾತೆಯನ್ನು ಹೊಂದಿದ್ದಾರೆ. ತಮ್ಮ ವೇತನದ ಶೇ 12 ರಷ್ಟು ಹಣವನ್ನು ಈ ಪಿಎಫ್‌ ಖಾತೆಗೆ ಜಮೆ ಮಾಡಲಾಗುತ್ತದೆ ಮತ್ತು ಅಷ್ಟೇ ಮೊತ್ತವನ್ನು ಉದ್ಯೋಗ ನೀಡಿದ ಸಂಸ್ಥೆ ಕೂಡಾ ಆ ಖಾತೆಗೆ ಜಮೆ ಮಾಡುತ್ತದೆ. ಆದ್ರೆ ಈ ಪಿಎಫ್ ಖಾತೆಯಿಂದ ಹಣ ಹಿಂಪಡೆಯಲು ಸಾಕಷ್ಟು ಕಸರತ್ತು ಮಾಡಬೇಕಾಗುತ್ತದೆ. ಹೀಗಾಗಿ ಕೇಂದ್ರ ಸರ್ಕಾರ EPFO 3.O ನಿಯಮ ಜಾರಿಗೆ ಮುಂದಾಗಿದೆ.

ATM ಮೂಲಕ EPFO ಹಣವನ್ನು ಹಿಂಪಡೆಯಬಹುದು..!
ಭಾರತದಲ್ಲಿ ಪಿಎಫ್ ಖಾತೆಗಳನ್ನು EPFO ಅಂದರೆ ಉದ್ಯೋಗದಾತರ ಭವಿಷ್ಯ ನಿಧಿ ಸಂಸ್ಥೆ ನಿರ್ವಹಿಸುತ್ತದೆ. ಇತ್ತೀಚೆಗೆ ಭಾರತ ಸರ್ಕಾರ EPFO 3.O ನಿಯಮವನ್ನು ಘೋಷಣೆ ಮಾಡಿದೆ. ಇದರ ಪ್ರಕಾರ ಪಿಎಫ್ ಹಿಂಪಡೆಯುವ ವಿಧಾನಗಳಲ್ಲಿ ಬದಲಾವಣೆ ಆಗಲಿದೆ. ಈ ನಿಯಮ ಜಾರಿಯಾದ ಬಳಿಕ ATM ನಲ್ಲೂ ಪಿಫ್ ಖಾತೆಯಲ್ಲಿ ಇರುವ ಹಣವನ್ನು ಪಡೆಯಲು ಸಾಧ್ಯವಾಗಲಿದೆ. ಈಗಿರುವ ಆನ್ಲೈನ್ ಪ್ರಕ್ರಿಯೆಯಲ್ಲಿ ದಾಖಲೆಗಳನ್ನು ಅಪ್ಲೋಡ್ ಮಾಡಿದ ಬಳಿಕ ಕೆಲ ಸಮಯ ಕಾದರೆ ಪಿಎಫ್ ಹಣ ನಮ್ಮ ಖಾತೆಗೆ ಜಮೆ ಆಗುತ್ತದೆ. ಆದ್ರೆ EPFO 3.O ನಿಯಮದಡಿಯಲ್ಲಿ ಪಿಎಫ್‌ ಖಾತೆ ಹೊಂದಿದವರಿಗೆ ATM ಕಾರ್ಡ್‌ ರೀತಿಯ ಕಾರ್ಡ್ ನೀಡಲಾಗುತ್ತದೆ. ಇದರಿಂದ ಪಿಎಫ್ ಖಾತೆ ಹೊಂದಿದವರು ಯಾವುದೇ ಎಟಿಎಂನಿಂದ ತಮ್ಮ ಪಿಎಫ್ ಖಾತೆಯ ಹಣವನ್ನು ಹಿಂಪಡೆಯಬಹುದಾಗಿದೆ. ಈ ಯೋಜನೆ ಈಗಾಗಲೇ ದೆಹಲಿಯ ಎಎಪಿ ಸರ್ಕಾರ ಜಾರಿಗೆ ತಂದಿದೆ.

ಮುಂದಿನ ವರ್ಷದಿಂದ ಈ ಸೌಲಭ್ಯ ದೇಶದಲ್ಲಿ ಆರಂಭ ಸಾಧ್ಯತೆ :
ಭಾರತ ಸರ್ಕಾರವು ಶೀಘ್ರದಲ್ಲೇ ಈ EPFO 3.O ನಿಯಮ ಜಾರಿಗೆ ತರಲು ಯೋಜನೆ ರೂಪಿಸಿದೆ. 2025ರ ಜೂನ್ ವೇಳೆಗೆ ಇದು ಜಾರಿಯಾಗುವ ಸಾಧ್ಯತೆ ಇದೆ. ಈ ನಿಯಮ ಜಾರಿಯಾದಲ್ಲಿ ಕೋಟ್ಯಾಂತರ ಪಿಎಫ್ ಖಾತೆದಾರರಿಗೆ ಅನುಕೂಲ ಆಗಲಿದ್ದು, ಆನ್ಲೈನ್ ಜಂಟಾಟ ಮತ್ತು ಹಣ ಬರುವಲ್ಲಿಯ ವಿಳಂಬದಿಂದ ಮುಕ್ತಿ ಸಿಗಲಿದೆ. ಈ ಹೊಸ ನಿಯಮದಲ್ಲಿ ಕೆಲವೊಂದು ನಿಬಂಧನೆಗಳಿದ್ದು, ಈ ನಿಬಂಧನೆಗೆ ಒಳಪಟ್ಟು ಪಿಎಫ್‌ ಖಾತೆಯಿಂದ ATM ಮೂಲಕ ಹಣ ಪಡೆಯಬಹುದಾಗಿದೆ ಎಂದು ಮಾಹಿತಿ ಇದೆ. ಯಾವುದಕ್ಕೂ ಸರ್ಕಾರ ಅಧಿಕೃತವಾಗಿ EPFO 3.O ನಿಯಮ ಘೋಷಣೆ ಮಾಡಿದ ಬಳಿಕ ಇದರ ನೀತಿ ನಿಯಮಗಳು ಏನೆಂದು ಗೊತ್ತಾಗಬಹುದು.