FILM

ಸೀತಾರಾಮ ಸೀರಿಯಲ್ ನಿರ್ದೇಶಕರಿಗೆ ವೀಕ್ಷಕರಿಂದ ಡಿಮ್ಯಾಂಡ್; ಸಿಹಿಗೆ ಹಿಂಸೆ ಕೊಡಬೇಡಿ ಅಂತ ಹೇಳುತ್ತಿರೋದೇಕೆ?

Published

1 week ago

07/11/2024

ಸೀತಾರಾಮ ಧಾರಾವಾಹಿಯ ಮುಖ್ಯ ಆಕರ್ಷಣೆ ಸಿಹಿ ಪುಟಾಣಿ. ಸಿಹಿಗೋಸ್ಕರನೇ ಧಾರಾವಾಹಿ ನೋಡೋ ವೀಕ್ಷಕರೇ ಇದ್ದಾರೆ. ಸಿಹಿ ಇಲ್ಲ ಅಂದ್ರೇ ಸ್ಟೋರಿ ಸಪ್ಪೆ ಆಗುತ್ತೆ. ಸಿಹಿಗೆ ಗೋಳಾಡಿಸಿದ್ರೇ ಬಹುತೇಕ ಜನಕ್ಕೆ ಇಷ್ಟ ಆಗಲ್ಲ. ಸಿಹಿಯನ್ನು ಸಿಹಿಯಾಗೇ ತೋರಿಸಿ ಅನ್ನೋದು ವೀಕ್ಷಕರ ಡಿಮ್ಯಾಂಡ್.

ಸಿಹಿ ಬಗ್ಗೆ ಇಷ್ಟೆಲ್ಲಾ ಮತ್ನಾಡೋಕೆ ಕಾರಣ, ಬದಲಾದ ಸೀತಾರಾಮ ಕಥಾಹಂದರ. ಸಿಹಿಗೆ ಸೀತಾ ಬಾಡಿಗೆ ತಾಯಿ ಅನ್ನೋ ಸತ್ಯ ಈಗ ಗುಟ್ಟಾಗಿ ಉಳಿದಿಲ್ಲ. ಸ್ನೇಹಿತ ಶ್ಯಾಮ್ಗಾಗಿ ಹೋರಾಡುತ್ತಿದ್ದ ರಾಮ್ ಬದುಕಿನಲ್ಲಿ ಸವಿ ಕ್ಷಣಗಳನ್ನ ತುಂಬಿದ್ದ ಸಿಹಿನೇ ಶ್ಯಾಮ್ ಮಗಳು ಅನ್ನೋದು ಜಗಜಾಹಿರಾಗಿದೆ. ಸ್ನೇಹಕ್ಕಾಗಿ ಎಂಥಹ ತ್ಯಾಗಕ್ಕಾದ್ರೂ ಸಿದ್ಧ ಅಂತಿದ್ದ ರಾಮ-ಶ್ಯಾಮನ ನಡುವೇ ಬಿರುಕು ಮೂಡಿದೆ.

ಶ್ಯಾಮ್ಗೆ ಮಕ್ಕಳು ಅಂದ್ರೇ ಪ್ರಾಣ. ಆದ್ರೇ ಪತ್ನಿ ಶಾಲಿನಿಗೆ ಮಗು ಮಾಡಿಕೊಳ್ಳಲು ಇಷ್ಟವಿರಲ್ಲ. ಹೀಗಾಗಿ ಬಾಡಿಗೆ ತಾಯಿ ಮೊರೆ ಹೋಗ್ತಾರೆ. ಅನಾರೋಗ್ಯದಿಂದ ಬಳಲುತ್ತಿದ್ದ ಅಪ್ಪನನ್ನ ಉಳಿಸಿಕೊಳ್ಳೋಕೆ ಸೀತಾಗೆ ಹಣದ ಅವಶ್ಯಕತೆ ಇರುತ್ತೆ. ಬಾಡಿಗೆ ತಾಯಿ ಆದ್ರೇ ಪರಿಸ್ಥಿತಿಯನ್ನ ನಿಭಾಯಿಸ್ಬಹುದು ಅಂದುಕೊಂಡಿದ್ದ ಸೀತಾ ಬದುಕಲ್ಲಿ ಅಲ್ಲೋಲ ಕಲ್ಲೋಲ ನಡೆದು ಹೋಗುತ್ತೆ. ಸೀತಾ ತಾಯಿ ಆಗ್ತಿದ್ದಂಗೆ ಶ್ಯಾಮ್ ಶಾಲಿನಿ ನಾಪತ್ತೆ ಆಗ್ತಾರೆ. ಇನ್ಫ್ಯಾಕ್ಟ್ ಶಾಲಿನಿಗೆ ಮಗು ಸಾಕೋಕೆ ಇಷ್ಟ ಇರಲ್ಲ. ಹೀಗಾಗಿ ಶ್ಯಾಮ್ಗೆ ಮಗು ಸತ್ತು ಹೋಗಿದೆ ಅಂತ ಸುಳ್ಳು ಹೇಳುತ್ತಾಳೆ. ಎಂಟು ವರ್ಷಗಳ ಬಳಿಕ ಸೀತಾ ಬದುಕಿಗೆ ಮತ್ತೇ ಶ್ಯಾಮ್ ಶಾಲಿನಿ ಎಂಟ್ರಿ ಆಗ್ತಾರೆ. ಸೀತಾ ಪರಿಸ್ಥಿತಿಯ ಲಾಭ ಪಡೆಯೋಕೆ ಭಾರ್ಗವಿ, ಚಾಂದಿನಿ, ರುದ್ರಪ್ರತಾಪ್ ರಣ ಹದ್ದುಗಳ ಥರ ಸೀತಾ-ಸಿಹಿ ಸುತ್ತಾ ಸುತ್ತುತ್ತಿದ್ದಾರೆ.

ಆದರೆ ಆದ್ಯಾಕೋ ವೀಕ್ಷಕರಿಗೆ ಈ ಟ್ರ್ಯಾಕ್ ಇಷ್ಟ ಅದಂತೆ ಭಾಸವಾಗ್ತಿಲ್ಲ. ಟಾಪ್ 5ನಲ್ಲಿ ಇರುತ್ತಿದ್ದ ಸೀತಾರಾಮ ಟಿಆರ್ಪಿಯಲ್ಲಿ ಕುಸಿತ ಕಂಡಿದ್ದು, ಟಾಪ್ 10ರಲ್ಲೂ ಸ್ಥಾನ ಪಡೆಯುವಲ್ಲಿ ವಿಫಲ ವಾಗಿದೆ. ಸೋಷಿಯಲ್ ಮೀಡಿಯಾದಲ್ಲಿ ಸೀತಾರಾಮ ಪ್ರೋಮೋ ರಿಲೀಸ್ ಆದ್ರೇ ಸಾಕು ಸಾಲು ಸಾಲು ಕಾಮೆಂಟ್ಗಳು. ಸಿಹಿಗೆ ಈ ರೀತಿ ಹಿಂಸೆ ಕೊಡಬೇಡಿ. ಸ್ಟೋರಿಲಿ ಸ್ವಲ್ಪ ಬದಲಾವಣೆ ತಗೊಂಡು ಬನ್ನಿ ಅಂತಿದ್ದಾರೆ ಅಭಿಮಾನಿಗಳು.

ಈ ನಡುವೆ ಸಿಹಿಗೆ ಆ್ಯಕ್ಸಿಡೆಂಡ್ ಆಗಿ ಸಾವನ್ನಪ್ಪುವ ಪ್ರೋಮೋ ಒಂದು ರಿಲೀಸ್ ಆಗಿತ್ತು. ಇದಕ್ಕೂ ವೀಕ್ಷಕರು ಸಿಹಿ ಧಾರಾವಾಹಿಯಲ್ಲಿ ಇರ್ಲೇಬೇಕು. ಈ ರೀತಿಯಾಗಿ ಕತೆ ತೋರಿಸ್ಬೇಡಿ ಅಂತ ಹೇಳುತ್ತಿದ್ದಾರೆ. ಸದ್ಯ ರಾಮ-ಸೀತಾ ಕಾನೂನು ಹೋರಾಟಕ್ಕೆ ಮುಂದಾಗಿದ್ದು, ಸಿಹಿಯನ್ನ ಉಳಿಸಿಕೊಳ್ಳೋಕೆ ಸಕಲ ಪ್ರಯತ್ನ ಮಾಡ್ತಿದ್ದಾರೆ. ಒಟ್ಟಿನಲ್ಲಿ ವೀಕ್ಷಕರ ಮನಸ್ಸಲ್ಲಿ ಶ್ಯಾಮ್ ಶಾಲಿನಿ ಟ್ರ್ಯಾಕ್ ದುಗುಡ ಉಂಟು ಮಾಡಿರೋದಂತು ಸತ್ಯ.

Up Next

ಹೆರಿಗೆಯಾದ ಕೆಲವೇ ಗಂಟೆಯಲ್ಲಿ ಫೇಸ್ ಬುಕ್ ಮೂಲಕ ಮಗು ಮಾರಾಟ ಮಾಡಿದ ಮಹಿಳೆ!

Don't Miss

ಮಗುವನ್ನು ಕಾರಲ್ಲೇ ಮರೆತ ಯೋಧ ; 3 ವರ್ಷದ ಕಂದಮ್ಮ ಉ*ಸಿರುಗಟ್ಟಿ ಸಾ*ವು

Click to comment

FILM

ಅಭಿಷೇಕ್‌-ಅವಿವಾ ಪುತ್ರನಿಗೆ ಅಂಬರೀಷ್‌ ಹೆಸರು

Published

2 days ago

13/11/2024

NEWS DESK2

ಕನ್ನಡ ಚಿತ್ರರಂಗ ಹಿರಿಯ ನಟ ರೆಬೆಲ್ ಸ್ಟಾರ್ ಅಂಬರೀಶ್ ಅವರ ಪುತ್ರ ಜ್ಯೂನಿಯರ್ ರೆಬಲ್ ಸ್ಟಾರ್ ಅಭಿಷೇಕ್ ಅಂಬರೀಶ್ ಮತ್ತು ಅವಿವಾ ಬಿದ್ದಪ್ಪ ದಂಪತಿ ತಮ್ಮ ಚೊಚ್ಚಲ ಮಗುವನ್ನು ಸ್ವಾಗತಿಸಿದ್ದಾರೆ. ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ನಿನ್ನೆ (ನವೆಂಬರ್‌ 12) ಅವಿವಾ ಬಿದ್ದಪ್ಪ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.

ಸದ್ಯ ಅವಿವಾ ಮತ್ತು ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ಆಗಸ್ಟ್‌ ತಿಂಗಳಿನಲ್ಲಿ ಅಭಿಷೇಕ್ ಮತ್ತು ಅವಿವಾ ಬಿದ್ದಪ್ಪ ದಂಪತಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎನ್ನುವ ಸಿಹಿ ಸುದ್ದಿ ಹೊರಬಿದಿತ್ತು. ಅದರ ಬೆನ್ನಲ್ಲೇ ಸೆಪ್ಟೆಂಬರ್‌ 18, 2024ರಂದು ಅವಿವಾ ಸೀಮಂತ ಕಾರ್ಯಕ್ರಮ ಅದ್ಧೂರಿಯಾಗಿ ನಡೆದಿತ್ತು. ಅವಿವಾ ಸೀಮಂತದಲ್ಲಿ ಅನೇಕ ಸಿನಿಮಾ ತಾರೆಯರು ಭಾಗಿಯಾಗಿದ್ದು, ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದ್ದವು.

ಸೀಮಂತ ಕಾರ್ಯಕ್ರಮದ ಅವಿವಾ ಫೋಟೋ ನೋಡಿದ ಅಭಿಮಾನಿಗಳು ಗಂಡು ಮಗುವೇ ಜನಿಸುವುದು ಎಂದು ಗೆಸ್‌ ಮಾಡಿದ್ದರು. ಅವಿವಾ ಬಿದ್ದಪ್ಪ ಸಾಮಾಜಿಕ ಜಾಲತಾಣದಲ್ಲಿಗಳಲ್ಲಿ ಫೋಟೋಗಳನ್ನು ಪೋಸ್ಟ್‌ ಮಾಡಿದಾಗಲೂ ಕೂಡ ಅನೇಕರು ಗಂಡು ಮಗು, ಅಂಬರೀಷ್‌ ಮತ್ತೆ ಹುಟ್ಟಿ ಬರುತ್ತಿದ್ದಾರೆ ಎನ್ನುವ ಕಮೆಂಟ್‌ಗಳನ್ನು ಮಾಡುತ್ತಿದ್ದರು.

ಇದೀಗ ಎಲ್ಲರ ನಿರೀಕ್ಷೆಗಳು ಸರಿಯಾಗಿದ್ದು ಅಭಿಷೇಕ್ ಮತ್ತು ಅವಿವಾ ಬಿದ್ದಪ್ಪ ದಂಪತಿಗೆ ಗಂಡು ಮಗುವಾಗಿದೆ. ಹೀಗಾಗಿ ಅಭಿಷೇಕ್ ಮತ್ತು ಅವಿವಾ ಬಿದ್ದಪ್ಪ ಅವರ ಮಗನಾಗಿ ಅಂಬರೀಷ್‌ ಅವರೇ ಮತ್ತೆ ಹುಟ್ಟಿ ಬಂದಿದ್ದಾರೆ ಎನ್ನುವ ಮಾತುಗಳು ಎಲ್ಲರ ಬಾಯಲ್ಲಿ ಇದೆ. ಜೊತೆಗೆ ಇನ್ನೊಂದು ವಿಶೇಷವಾದ ವಿಚಾರ ಎಲ್ಲೆಡೆ ಹರಿದಾಡುತ್ತಿದೆ. ಅಭಿಷೇಕ್ ಮತ್ತು ಅವಿವಾ ಬಿದ್ದಪ್ಪ ಅವರ ಮಗನಿಗೆ ಏನು ಹೆಸರಿಡಬಹುದು ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿದ್ದರೆ. ಮುದ್ದಾದ ಮೊಗ್ಗಗನಿಗೆ ತಾತನ ಹೆಸರೇ ಇಡುತ್ತಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ.

ಅಂದರೆ ಅಭಿಷೇಕ್ ಮತ್ತು ಅವಿವಾ ಬಿದ್ದಪ್ಪ ಮಗನಿಗೆ ಅಂಬರೀಷ್‌ ಅವರ ಹೆಸರೇ ಇಡಲಾಗುತ್ತದೆ. ಹಳೆಯ ಸಂಪ್ರದಾಯದಂತೆ ತಾತನ ಹೆಸರನ್ನೇ ಮೊಮ್ಮಗನಿಗೆ ಇಡುವ ಪದ್ಧತಿಯನ್ನು ಸುಮಲತಾ ಹಾಗೂ ಅಭಿಷೇಕ್‌ ಮುಂದುವರಿಸುತ್ತಾರೆ ಎನ್ನುವ ಗಾಳಿ ಸುದ್ದಿ ಹರಿದಾಡುತ್ತಿದೆ. ಆದರೆ ಕೆಲವರು ಹೊಸ ಹೆಸರಿಟ್ಟು ಸರ್‌ ನೇಮ್‌ ಅಂಬರೀಷ್‌ ಎಂದು ಇಡುವ ಸಾಧ್ಯತೆ ಎಂದು ಸಹ ಹೇಳುತ್ತಿದ್ದಾರೆ.

ಖ್ಯಾತ ಫ್ಯಾಷನ್ ಡಿಸೈನರ್ ಪ್ರಸಾದ್ ಬಿದ್ದಪ್ಪ ಪುತ್ರಿ ಅವಿವಾ ಮತ್ತು ಅಭಿಷೇಕ್ ಅಂಬರೀಶ್ ಹಲವು ವರ್ಷಗಳಿಂದ ಪ್ರೀತಿಸುತ್ತಿದ್ದು, ಜೂನ್ 5, 2023ರಂದು ಪೋಷಕರ ಒಪ್ಪಿಗೆ ಪಡೆದು ಎಲ್ಲರ ಸಮ್ಮುಖದಲ್ಲಿ ಅದ್ಧೂರಿಯಾಗಿ ವಿವಾಹವಾಗಿದ್ದರು.

FILM

ನಟ ಶಾರುಖ್ ಖಾನ್ಗೆ ಜೀವ ಬೆದರಿಕೆಯೊಡ್ಡಿದ್ದಾತ ಅರೆಸ್ಟ್; ಬಂಧಿತ ವಕೀಲ ಹೇಳೋದೇ ಬೇರೆ!

Published

3 days ago

12/11/2024

NEWS DESK4

ಮಂಗಳೂರು/ಮುಂಬೈ : ಬಾಲಿವುಡ್ ನಟ ಶಾರುಖ್ ಖಾನ್ಗೆ ಕೊ*ಲೆ ಬೆ*ದರಿಕೆ ಹಾಕಿದ್ದ ವ್ಯಕ್ತಿಯನ್ನು ಛತ್ತೀಸ್ಗಢದಲ್ಲಿ ಬಂಧಿಸಲಾಗಿದೆ. ವಕೀಲ ಫೈಜಾನ್ ಖಾನ್ ಬಂಧಿತ ಆರೋಪಿ. ಛತ್ತೀಸ್‌ಗಢದ ರಾಯ್‌ಪುರದ ಆತನ ನಿವಾಸದಲ್ಲಿ ಬಾಂದ್ರಾ ಪೊಲೀಸರು ಬಂಧಿಸಿದ್ದಾರೆ.

50 ಲಕ್ಷ ರೂ. ನೀಡುವಂತೆ ಬೆ*ದರಿಕೆ:

ನವೆಂಬರ್ 7 ರಂದು ವ್ಯಕ್ತಿಯೊಬ್ಬ ಬಾಲಿವುಡ್ ನಟ ಶಾರುಖ್ ಖಾನ್‌ಗೆ ಜೀ*ವ ಬೆ*ದರಿಕೆ ಹಾಕಿದ್ದಲ್ಲದೇ, 50 ಲಕ್ಷ ರೂ. ನೀಡುವಂತೆ ಬೇಡಿಕೆಯೊಡ್ಡಿದ್ದ. ಈ ಸಂಬಂಧ ಮುಂಬಯಿಯ ಬಾಂದ್ರಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಬಳಿಕ ಪೊಲೀಸರು ಫೋನ್ ಟ್ರ್ಯಾಕ್ ಮಾಡಿದಾಗ, ಆರೋಪಿ ಛತ್ತೀಸ್‌ಗಢ ರಾಜ್ಯದ ರಾಯ್‌ಪುರದಿಂದ ಕರೆ ಮಾಡಿರುವುದು ತಿಳಿದು ಬಂದಿತ್ತು. ಇದೀಗ ಆರೋಪಿ ವಕೀಲ ಫೈಜಲ್ ಖಾನ್‌ನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿರುವ ಪೊಲೀಸರು, ರಾಯ್‌ಪುರದಲ್ಲಿ ಬಂಧಿಸಿದ್ದಾರೆ. ಐಪಿಸಿ ಸೆಕ್ಷನ್‌ 308(4), 351(3)(4) ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.

ನನ್ನ ವಿರುದ್ಧ ಪಿತೂರಿ ಎಂದ ವಕೀಲ :

ಬೆ*ದರಿಕೆ ಪ್ರಕರಣಕ್ಕೆ ಸಂಬಂಧಿಸಿ ಫೈಜಲ್ ಖಾನ್‌ನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೇನೋ ಸರಿ. ಆದರೆ, ಈ ಕೇಸ್ ಕುರಿತು ಸವಾಲು ಎದುರಾಗಿದೆ. ಅದಕ್ಕೆ ಕಾರಣ ವಕೀಲ ನೀಡಿರುವ ಹೇಳಿಕೆ.
ಇದನ್ನೂ ಓದಿ : Watch Video: ದೇವಸ್ಥಾನದಲ್ಲೇ ಹೃದಯಾಘಾ*ತದಿಂದ ಕುಸಿದು ಬಿದ್ದು ವ್ಯಕ್ತಿ ಸಾ*ವು

ನವೆಂಬರ್ 2ರಂದು ತನ್ನ ಮೊಬೈಲ್ ಕಳೆದು ಹೋಗಿದ್ದು, ಈಗಾಗಲೇ ದೂರು ದಾಖಲಿಸಿದ್ದೇನೆ. ಕಳೆದು ಹೋಗಿರುವ ತನ್ನ ಫೋನ್‌ನಿಂದ ಯಾರೋ ಕಿಡಿಗೇಡಿಗಳು ಶಾರುಖ್‌ ಖಾನ್‌ಗೆ ಬೆ*ದರಿಕೆ ಕರೆ ಮಾಡಿದ್ದಾರೆ. ಇದು ನನ್ನ ವಿರುದ್ಧ ನಡೆದಿರುವ ಪಿತೂರಿಯಾಗಿದೆ ಎಂದು ಫೈಜಲ್ ಖಾನ್ ಪೊಲೀಸರಿಗೆ ತಿಳಿಸಿದ್ದಾನೆ.

FILM

ಅಂಬಿ ಮನೆಗೆ ಜ್ಯೂನಿಯರ್ ಅಭಿ ಎಂಟ್ರಿ; ಗಂಡು ಮಗುವಿಗೆ ಜನ್ಮವಿತ್ತ ಅವಿವಾ

Published

3 days ago

12/11/2024

Nammakudlanews Desk5

ಕನ್ನಡ ಚಿತ್ರರಂಗದ ರೆಬೆಲ್‌ ಸ್ಟಾರ್‌ ಅಂಬರೀಶ್‌ ಪುತ್ರ ಜ್ಯೂನಿಯರ್‌ ರೆಬಲ್‌ ಸ್ಟಾರ್‌ ಅಭಿಷೇಕ್‌ ಮತ್ತು ಅವಿವಾ ಬಿದ್ದಪ್ಪ ಇಂದು (ನ.12) ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.

ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಅವಿವಾ ಬೆಳಗ್ಗೆ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಮೊಮ್ಮಗನನ್ನು ಹಿಡಿದು ಮಾಜಿ ಸಂಸದೆ ಸುಮಲತಾ ಖುಷಿ ಪಟ್ಟಿದ್ದಾರೆ.

ಹಲವು ವರ್ಷಗಳಿಂದ ಪ್ರೀತಿಯಲ್ಲಿ ಇದ್ದ ಅಭಿಷೇಕ್‌ ಅಂಬರೀಶ್‌, ಅವಿವಾ ಬಿದ್ದಪ್ಪ ಜೂನ್‌ 5,2023 ರಂದು ಅದ್ದೂರಿಯಾಗಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಬಳಿಕ ಸೆ.18, 2024 ರಂದು ಅವೀವಾ ಸೀಮಂತ ಅದ್ದೂರಿಯಾಗಿ ನಡೆದಿತ್ತು.

ಅವಿವಾ ಬಿದ್ದಪ್ಪ ಫ್ಯಾಷನ್‌ ಲೋಕದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ. ಸ್ವಿಮ್‌ ಸೂಟ್‌ ಬ್ರ್ಯಾಂಡ್‌ನ್ನು ಲಾಂಚ್‌ ಮಾಡಿದ್ದಾರೆ. ಈಗ ಗಂಡು ಮಗುವಿನ ಆಗಮನದಿಂದ ಅಂಬಿ ಕುಟುಂಬ ಸಂತೋಷದಲ್ಲಿದೆ.