ಗುಜರಾತ್: ಈ ದೇವಸ್ಥಾನ ದಿನದಲ್ಲಿ ಎರಡು ಬಾರಿ ಕಣ್ಮರೆಯಾಗುತ್ತೆ. ಭಕ್ತಾಧಿಗಳು ದೇವರ ದರ್ಶನಕ್ಕಾಗಿ ಕೆಲವೊಮ್ಮೆ ಗಂಟೆಗಟ್ಟಲು ಕಾದು ಕುಳಿತಿರ್ತಾರೆ. ಹಾಗಾದ್ರೆ ಈ ದೇವಸ್ಥಾನ ಯಾವುದು? ಏನಿದರ ವಿಶೇಷ.

ಗುಜರಾತ್‌ನ  ಜಂಬೂಸರ್‌ನ ಕವಿ ಕಾಂಬೋಯಿ ಗ್ರಾಮದಲ್ಲಿರುವ ಶ್ರೀ ಸ್ತಂಭೇಶ್ವರ ಮಹಾದೇವ ದೇವಾಲಯ ದಿನಕ್ಕೆ ಎರಡು ಬಾರಿ ಮಾತ್ರ ಗೋಚರಿಸುತ್ತದೆ. ಇದು ಮಹಾದೇವನಿಗೆ ಅರ್ಪಿತವಾದ ದೇವಾಲಯವಾಗಿದ್ದು, ಇಲ್ಲಿ ಶಿವನ ಮೂರ್ತಿಯ ಜೊತೆ ಶಿವಲಿಂಗವನ್ನು ಸ್ಥಾಪನೆ ಮಾಡಲಾಗಿದೆ. ಸ್ತಂಭಗಳ ಮೇಲೆ ಶಿವನಿರುವುದರಿಂದ ಈ ದೇವಾಲಯವನ್ನು ಸ್ತಂಭೇಶ್ವರ ದೇವಾಲಯ ಎಂದು ಕರೆಯುತ್ತಾರೆ. ಸಮುದ್ರದ ಉಬ್ಬರ ಹೆಚ್ಚಾದಾಗ ದೇವಾಲಯ ನೀರಿನಲ್ಲಿ ಮುಳುಗಿ ಕಣ್ಮರೆಯಾಗುತ್ತದೆ. ಇದನ್ನು ಕಣ್ಮರೆಯಾಗುವ ಶಿವನ ದೇವಾಲಯ ಅಂತಾನೂ ಕರೀತಾರೆ.

ದೇವಾಲಯಕ್ಕೆ ಸಮುದ್ರದಿಂದ ಅಭಿಷೇಕ

ಈ ದೇವಾಲಯವು ಸುಮಾರು 150 ವರ್ಷಗಳಷ್ಟು ಹಳೆಯದ್ದಾಗಿದ್ದು ಈ ದೇವಾಲಯವು ದಿನಕ್ಕೆ ಎರಡು ಬಾರಿ ಮಾತ್ರ ಗೋಚರಿಸುತ್ತದೆ ಎಂದು ಹೇಳಲಾಗುತ್ತದೆ. ಈ ದೇವಾಲಯವನ್ನು ಸಮುದ್ರದ ಮಧ್ಯದಲ್ಲಿ ನಿರ್ಮಿಸಲಾಗಿದೆ. ಆದ್ದರಿಂದ ಸಮುದ್ರದ ನೀರಿನ ಮಟ್ಟ ಹೆಚ್ಚಾದಾಗಲೆಲ್ಲಾ ಈ ದೇವಾಲಯವು ಗೋಚರಿಸುವುದಿಲ್ಲ. ಅದೇ ಸಮಯದಲ್ಲಿ, ನೀರಿನ ಮಟ್ಟ ಕಡಿಮೆಯಾದಾಗ, ದೇವಾಲಯವು ಗೋಚರಿಸುತ್ತದೆ ಎಂದು ಹೇಳಲಾಗಿದೆ. ಈ ವೇಳೆ ಶಿವನಿಗೆ ಅಭಿಷೇಕವನ್ನು ಸ್ವತಃ ಸಮುದ್ರವೇ ಮಾಡುತ್ತದೆ. ಈ ದೇವಾಲಯವು ಅರಬ್ಬಿ ಸಮುದ್ರ ಹಾಗೂ ಕ್ಯಾಂಬೆ ಕೊಲ್ಲಿಯ ನಡುವೆ ಇದೆ. ತೀರದಿಂದ ಕೆಲವೇ ಮೀಟರ್ ದೂರದಲ್ಲಿದೆ. ದೇವಾಲಯದ ವಾಸ್ತುಶೈಲಿಯಿಂದಲ್ಲದೇ ಇದ್ದರೂ, ಅದರ ವಿಶಿಷ್ಟ ಸ್ಥಳದಿಂದಾಗಿ ಭಾರತದ ಪ್ರಮುಖ ಧಾರ್ಮಿಕ ಸ್ಥಳಗಳಲ್ಲಿ ಒಂದಾಗಿದೆ.

ದೇವಾಲಯದ ಹಿನ್ನೆಲೆ ಏನು?

ದೇವಾಲಯದ ಸುತ್ತಲಿನ ದಂತಕಥೆಗಳು ತಾರಕಾಸುರನ ಕಥೆಯನ್ನು ವಿವರಿಸುತ್ತದೆ.  ಶಿವನ ಭಕ್ತನಾಗಿದ್ದ ತಾರಕಾಸುರನ ರಾಕ್ಷಸ ಸ್ವಭಾವದ ಹೊರತಾಗಿಯೂ, ಅವನ ಅಚಲವಾದ ಭಕ್ತಿಯನ್ನು ಭಗವಾನ್ ಶಿವ ಮೆಚ್ಚುತ್ತಾರೆ. ಶಿವ ದೇವರಲ್ಲಿ ರಾಕ್ಷಸ ವರವನ್ನು ಕೇಳಿದಾಗ, ಶಿವನು ತನ್ನ ಆರು ದಿನದ ಮಗನಿಂದ ಮಾತ್ರ ನಿನ್ನ ಜೀವವನ್ನು ಕೊನೆಗೊಳಿಸಲು ಸಾದ್ಯ ಎಂದು ವರ ನೀಡ್ತಾರೆ. ಭಗವಾನ್ ಶಿವನ ಮೂರನೇ ಕಣ್ಣಿನ ಜ್ವಾಲೆಯಿಂದ ಭಗವಾನ್ ಕಾರ್ತಿಕೇಯನ ಸೃಷ್ಟಿಯಾಗುತ್ತದೆ. ಕಾರ್ತಿಕೇಯ ತಾರಕಾಸುರನ ವಧಿಸುವ ವೇಳೆ ರಾಕ್ಷಸನ ಭಕ್ತಿಗೆ ಪ್ರೇರೇಪಿತನಾಗುತ್ತಾನಂತೆ. ಹಾಗಾಗಿ ಶಿವನ ಅಪ್ಪಟ ಭಕ್ತನನ್ನು ವಧಿಸಿದ್ದಕ್ಕಾಗಿ ಪಶ್ಚಾತ್ತಾಪ ಪಟ್ಟು ಶಿವನ ಧ್ಯಾನವನ್ನು ಮಾಡ್ತಾರೆ. ಬಳಿಕ ಇದೇ ಸ್ಥಳದಲ್ಲಿ ಶಿವಲಿಂಗವನ್ನು ಸ್ಥಾಪನೆ ಮಾಡ್ತಾರೆ ಎಂಬ ಪುರಾಣ ಕಥೆಯಿದೆ.

READ MORE..; ಅರ್ಚಕರಿಂದಲೇ ಭಕ್ತರ ಮೇಲೆ ಮಾರಣಾಂತಿಕ ಹಲ್ಲೆ..!! ವಿಡಿಯೋ ವೈರಲ್

ಸ್ತಂಭೇಶ್ವರ ದೇವಸ್ಥಾನದ ವಿಶೇಷತೆಯೇನು?

ಶಿವನ ಅನುಮತಿಯಿದ್ದರೆ ಮಾತ್ರ ಈ ದೇವಲಯವನ್ನು ನೋಡಲು ಸಾಧ್ಯ. ಇಲ್ಲಿಗೆ ಬಂದವರು ತಮ್ಮ ಪಾಪ ವಿಮೋಚನೆಯನ್ನು ಮಾಡಿಕೊಳ್ಳುತ್ತಾರೆ ಎಂಬ ನಂಬಿಕೆ ಇದೆ. ಇಲ್ಲಿಗೆ ಬಂದರೆ ತಮಗೆ ಮೋಕ್ಷ ಕೂಡಾ ಲಭಿಸುತ್ತೆ ಎಂದು ಹೇಳುತ್ತಾರೆ. ಆದರೆ ಈ ದೇವಾಲಯಕ್ಕೆ ಪ್ರವಾಸಿಗರು ಮಧ್ಯಾಹ್ನ 2ರಿಂದ 3 ಗಂಟೆವಯರೆಗೆ ಮಾತ್ರ ಭೇಟಿ ಕೊಡಬಹುದಾಗಿದೆ. ಉಳಿದ ಸಮಯ ಸಮುದ್ರದ ಉಬ್ಬರ ಹೆಚ್ಚಿರುವುದರಿಂದ ಪ್ರವಾಸಿಗರಿಗೆ ದೇವಾಲಯದ ಒಳಗೆ ಪ್ರವೇಶ ನೀಡಲಾಗುವುದಿಲ್ಲ.

ಬೆಂಗಳೂರು: ನಾಗಿಣಿ, ಬಿಗ್ ಬಾಸ್ ಕನ್ನಡ 10 ಶೋಗಳ ಮೂಲಕ ಮನೆ ಮಾತಾದ ನಟಿ ನಮ್ರತಾ ಗೌಡ ತಮ್ಮ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಿಕೊಂಡಿದ್ದಾರೆ. ತಮ್ಮ ಆತ್ಮೀಯ ಸ್ನೇಹಿತರಿಗೆ ನಟಿ ಬರ್ತ್‌ಡೇ ಪಾರ್ಟಿ ಕೊಟ್ಟಿದ್ದಾರೆ. ನಮ್ರತಾ ಹುಟ್ಟುಹಬ್ಬದ ಸೆಲೆಬ್ರೇಶನ್‌ನಲ್ಲಿ ಬಿಗ್ ಬಾಸ್ ಮನೆ ಮಂದಿ ಭಾಗಿಯಾಗುವ ಮೂಲಕ ಸಂಭ್ರಮ ಡಬಲ್ ಮಾಡಿದ್ದಾರೆ.

ಈ ಬಾರಿ ಅವರ ಜೊತೆ ‘ಬಿಗ್ ಬಾಸ್ ಕನ್ನಡ ಸೀಸನ್ 10’ ಸ್ಪರ್ಧಿಗಳು ಇದ್ದಿದ್ದು ವಿಶೇಷವಾಗಿತ್ತು. ನಮ್ರತಾ ಅವರ ಮನೆಯನ್ನು ಬಿಳಿ, ಬ್ಲ್ಯಾಕ್ ಥೀಮ್‌ನಲ್ಲಿ ಡೆಕೋರೇಟ್ ಮಾಡಲಾಗಿತ್ತು. ಎರಡು ಬಾರಿ ಡ್ರೆಸ್‌ ಚೇಂಜ್ ಮಾಡಿಕೊಂಡಿದ್ದ ನಮ್ರತಾ ಗೌಡ ಅವರು ಸ್ಪೆಷಲ್ ಗೆಟಪ್‌ನಲ್ಲಿ ಮಿಂಚಿ ತಮ್ಮ ಜನ್ಮದಿನವನ್ನು ಆಚರಿಸಿಕೊಂಡಿದ್ದಾರೆ.

ಬರ್ತ್‌ಡೇ ಸೆಲೆಬ್ರೇಶನ್‌ನಲ್ಲಿ ವಿನಯ್ ಗೌಡ, ಕಾರ್ತಿಕ್ ಮಹೇಶ್, ಅಕ್ಷತಾ ವಿನಯ್, ಮೈಕಲ್ ಅಜಯ್, ಇಶಾನಿ, ತನಿಷಾ ಕುಪ್ಪಂಡ, ನಿರಂಜನ್ ದೇಶಪಾಂಡೆ, ಯಶಸ್ವಿನಿ ದೇಶಪಾಂಡೆ, ಕಿಶನ್ ಬಿಳಗಲಿ, ಕವಿತಾ ಗೌಡ, ಅನುಪಮಾ ಗೌಡ, ನೇಹಾ ಗೌಡ ಭಾಗಿಯಾಗಿ ನಮ್ರತಾಗೆ ಶುಭಕೋರಿದ್ದಾರೆ.
ಅಂದಹಾಗೆ, ನಮ್ರತಾ ಮನೆಗೆ ಹೊಸ ಅತಿಥಿಯನ್ನು ಬರಮಾಡಿಕೊಂಡಿದ್ದಾರೆ. ಹುಟ್ಟುಹಬ್ಬದ ಸಂಭ್ರಮದ ಬೆನ್ನಲ್ಲೇ MG ಮೋಟರ್ ಇಂಡಿಯಾ ಕಂಪನಿಯ ಎಲೆಕ್ಟ್ರಿಕಲ್ ಕಾರನ್ನು ನಟಿ ಖರೀದಿಸಿದ್ದಾರೆ. ಈ ಕಾರಿನ ಬೆಲೆ 6ರಿಂದ 9 ಲಕ್ಷ ರೂ.ವರೆಗೂ ಇದೆ ಎನ್ನಲಾಗಿದೆ. ಸದ್ಯ ನಮ್ರತಾ ಸಕ್ಸಸ್ ಮತ್ತು ಖುಷಿ ನೋಡಿ ಅಭಿಮಾನಿಗಳು ಶುಭಕೋರುತ್ತಿದ್ದಾರೆ.

ನಮ್ರತಾ ಗೌಡ ಅವರು ‘ಬಿಗ್ ಬಾಸ್’ ಶೋ ನಂತರದಲ್ಲಿ ಏನು ಮಾಡಲಿದ್ದಾರೆ ಎಂಬ ಕುತೂಹಲ ಹೆಚ್ಚಾಗಿದೆ. ಸದ್ಯ ಅವರು ಒಂದಿಲ್ಲೊಂದು ಕಾರ್ಯಕ್ರಮಗಳಲ್ಲಿ ಬ್ಯುಸಿಯಾಗಿದ್ದಾರೆ.

ನ್ಯೂಯಾರ್ಕ್: ಜನರಿಗೆ ಹೋಟೆಲ್, ರೆಸ್ಟೋರೆಂಟ್‌ಗಳಲ್ಲಿ ವೆರೈಟಿ ಫುಡ್ ತಿನ್ನೊದು ಎಂದ್ರೆ ತುಂಬಾ ಇಷ್ಟ. ಆದರೆ ಈಗ ಎಲ್ಲಾ ರೀತಿಯ ಆಹಾರಗಳ ಹಣ ಜಾಸ್ತಿ ಆಗಿದೆ. ರುಚಿಗೆ ತಕ್ಕಂತೆ ಹಣ ಕೂಡ ಕೊಡಬೇಕು. ಅಮೆರಿಕಾದ ನ್ಯೂಯಾರ್ಕ್‌ ವ್ಯಕ್ತಿಯೊಬ್ಬ ಹೆಚ್ಚು ಹಣ ಕೊಟ್ಟು ರೆಸ್ಟೋರೆಂಟ್ ಹೋಟೆಲ್‌ ಫುಡ್ ತಿನ್ನುವುದಕ್ಕೆ ಒಳ್ಳೆಯ ಉಪಾಯ ಮಾಡಿಕೊಂಡಿದ್ದಾನೆ. ಈತನ ಉಪಾಯದಿಂದ ನಯಾಪೈಸೆಯೂ ಹಣವಿಲ್ಲದೇ ದಿನವೂ ರುಚಿರುಚಿಯಾದ ಆಹಾರ ತಿನ್ನುವ ಜೊತೆಗೆ ಲಕ್ಷ ಲಕ್ಷ ಹಣ ಉಳಿಸಿದ್ದಾನೆ.

ಫ್ರೀ ಊಟ ತಿಂಡಿ ಮಾಡಲು ಐಡಿಯಾ!

ನ್ಯೂಯಾರ್ಕ್ ನ ಪಶ್ಚಿಮ ಭಾಗದ ನಿವಾಸಿಯಾಗಿರುವ ಹಾನಿ ಮಹಮೌದ್, ವೆರೈಟಿ ತಿನಿಸುಗಳನ್ನು ಹೊರಗಡೆ ಹೋಗಿ ತಿನ್ನುವುದಕ್ಕೆ ಇಷ್ಟಪಡುತ್ತಿದ್ದರು. 10 ಡಾಲರ್ ನಲ್ಲಿ ಒಳ್ಳೆಯ ಊಟವನ್ನು ಸವಿಯುವುದು ಹಾನಿ ಮಹಮೌದ್ ಗೆ ಕಷ್ಟಕರವಾಯಿತು. ಆಗ ಹೆಚ್ಚು ಹಣ ಖರ್ಚು ಮಾಡದೆ ಕಡಿಮೆ ಹಣದಲ್ಲಿ ರುಚಿಯಾದ ಆಹಾರ ಸೇವಿಸುವುದು ಹೇಗೆ ಎಂದು ಆಲೋಚಿಸಿದರು. ಆಗ ರೆಸ್ಟೋರೆಂಟ್ ಗಳಲ್ಲಿ ಉಳಿದ ಆಹಾರವನ್ನು ತಿನ್ನಲು ಮುಂದಾದನು. ರೆಸ್ಟೋರೆಂಟ್ ಗಳಲ್ಲಿ ಗ್ರಾಹಕರು ತಿಂದು ಬಿಟ್ಟೋಗಿರುವ ವೆರೈಟಿ ಆಹಾರವನ್ನು ಹಣ ನೀಡದೆ ಹಾನಿ ಮಹಮೌದ್ ತಿನ್ನಲು ಪ್ರಾರಂಭಿಸಿದರು.

ಈತನಿಗೆ ಸಹಾಯ ಮಾಡಿದ್ದು ಆ್ಯಪ್!

32 ವರ್ಷದ ಹಾನಿ ಮಹಮೌದ್ ಸಾರ್ವಜನಿಕರಿಗೆ ಉಪಯೋಗವಾಗುವ ಟೂಗುಡ್ ಟು ಗೋ (TooGoodToGo) ಆ್ಯಪ್ ಅನ್ನು ಬಳಸಲು ಶುರು ಮಾಡಿಕೊಂಡರು. ಈ ಆ್ಯಪ್ ಡೆನ್ಮಾರ್ಕ್ ನದ್ದಾಗಿದ್ದು, ಇದು ವ್ಯರ್ಥವಾದ ಆಹಾರ ಇರುವ ಸ್ಥಳಗಳನ್ನು ಸೂಚಿಸುತ್ತದೆ. ಇದು ರೆಸ್ಟೋರೆಂಟ್, ಶಾಪ್ ಗಳಲ್ಲಿ ಉಳಿದಿರುವ ಆಹಾರದ ಬಗ್ಗೆ ಮಾಹಿತಿ ನೀಡುತ್ತದೆ. ಇದು ಆಹಾರ ಹಾಳಾಗದಂತೆ ಮತ್ತೊಬ್ಬರ ಹಸಿವು ನೀಗಿಸುವಲ್ಲಿ ಸಹಾಯ ಮಾಡುತ್ತದೆ.

1.41 ಲಕ್ಷ ಮೌಲ್ಯದ ಆಹಾರ ಫ್ರೀ!

ಹಾನಿ ಮಹಮೌದ್ ಈ ರೀತಿ ಬಿಟ್ಟೋದ ಆಹಾರವನ್ನು ಸೇವಿಸಿ ಎರಡು ವರ್ಷಗಳಲ್ಲಿ ಸುಮಾರು 1700 ಡಾಲರ್ ಅಂದರೆ 1,41,846 ರೂಪಾಯಿ ಉಳಿಸಿದ್ದಾರೆ. ಹಾನಿ ಮಹಮೌದ್ ಮಾಡಿರುವ ಈ ಉಪಾಯದಿಂದ ಹಣ ಉಳಿಸುವ ಜೊತೆಗೆ ವೆರೈಟಿ ವೆರೈಟಿ ಆಹಾರ ಸಹ ಸವಿಯುತ್ತಿದ್ದಾರೆ.

ನಗರದಲ್ಲಿ ಎಷ್ಟೇ ಹುಡುಕಿದರೂ ಕಡಿಮೆ ಬೆಲೆಯಲ್ಲಿ ಆಹಾರ ಸಿಗುವ ರೆಸ್ಟೋರೆಂಟ್ ಗಳು ಸಿಗುವುದಿಲ್ಲ. ಮಹಮೌದ್ ಈ ರೀತಿಯಾದ ಆಹಾರ ಸೇವನೆಯಿಂದ ಎರಡು ವರ್ಷಗಳಲ್ಲಿ ಸುಮಾರು ಒಂದೂವರೆ ಲಕ್ಷ ರೂಪಾಯಿಯನ್ನು ಉಳಿತಾಯ ಮಾಡಿದ್ದಾರೆ. ಈ ಆ್ಯಪ್ ಆಹಾರ ವ್ಯರ್ಥವಾಗುವುದನ್ನು ತಡೆಗಟ್ಟುವುದರ ಜೊತೆಗೆ ಹಣವಿಲ್ಲದೆ ಪರದಾಡುವ ಜನರಿಗೆ ಹೊಟ್ಟೆ ತುಂಬಿಸುತ್ತದೆ.