ಮಂಗಳೂರು/ರಷ್ಯಾ : ಆಗೊಮ್ಮೆ ಈಗೊಮ್ಮೆ ಕ್ಷುದ್ರಗ್ರಹಗಳು ಭೂಮಿಗೆ ಅಪ್ಪಳಿಸುವ ಘಟನೆಗಳು ನಡೆಯುತ್ತಿರುತ್ತವೆ. 2024 ರಲ್ಲಿ ಈಗಾಗಲೇ ಮೂರು ಕ್ಷುದ್ರಗ್ರಹಗಳು ಈ ರೀತಿ ಭೂಮಿಗೆ ಬಂದು ಅಪ್ಪಳಿಸಿವೆ.  ಇದೀಗ ರಷ್ಯಾದ ಅರಣ್ಯ ಪ್ರದೇಶಕ್ಕೆ ಕ್ಷುದ್ರಗ್ರಹ COWEPC5, ಕೇವಲ 70 ಸೆಂ ವ್ಯಾಸದಲ್ಲಿ, ರಷ್ಯಾದ ಯತ್ಸ್ಯ ಎಂಬ ಪ್ರದೇಶದ ಮೇಲೆ ಬಿದ್ದಿದೆ. ಈ ದೃಶ್ಯ ಕ್ಯಾಮರಾ ಕಣ್ಣಿನಲ್ಲಿ ಸೆರೆಯಾಗಿದೆ.

ಯಾಕುಟಿಯಾದ ಆಕಾಶದಲ್ಲಿ ಕ್ಷುದ್ರಗ್ರಹವು ಬೃಹತ್ ಬೆಂಕಿಯ ಉಂಡೆಯಂತೆ ಕಾಣಿಸಿಕೊಂಡಿತು. ಇದು ಭೂಮಿಗೆ ಅಪ್ಪಳಿಸುವ ಕೇವಲ ಹನ್ನೆರಡು ಘಂಟೆಗಳ ಮೊದಲು ವಿಜ್ಞಾನಿಗಳು ಇದರ ದಿಕ್ಕು ಬದಲಾಯಿಸಿದ್ದಾರೆ. ಹೀಗಾಗಿ ಇದು ರಷ್ಯಾದ ಯತ್ಸ್ಯ ಎಂಬ ಪ್ರದೇಶದಲ್ಲಿನ ಅರಣ್ಯ ಪ್ರದೇಶಕ್ಕೆ ಬಿದ್ದಿದೆ.

ಇದನ್ನೂ ಓದಿ : ಮಂಗಳೂರು ವಿಮಾನ ನಿಲ್ದಾಣಕ್ಕೆ ಮತ್ತೆ ಬಾಂಬ್ ಬೆದರಿಕೆ !!

ಬೆಂ*ಕಿ ಉಂಡೆಯಂತೆ ವೇಗವಾಗಿ ಬಂದ ಈ ಕ್ಷುದ್ರಗ್ರಹ ಬೇರೆ ಬೇರೆ ಕಡೆಗಳಲ್ಲಿ ಕ್ಯಾಮರಾ ಕಣ್ಣಿನಲ್ಲಿ ಕಾಣಿಸಿಕೊಂಡಿದೆ. ನಿನ್ನೆ ಅಪ್ಪಳಿಸಿದ ಕ್ಷುದ್ರಗ್ರಹವು ಈ ಹಿಂದೆ ಪತ್ತೆಯಾದ 2022 WJ, 2023 CX1 ಮತ್ತು 2024 BX1 ಅನ್ನು ಹೋಲುತ್ತದೆ ಎಂದು ಸಂಶೋಧಕರು ಸ್ಪಷ್ಟಪಡಿಸಿದ್ದಾರೆ . ಇವೆಲ್ಲವೂ ವಾತಾವರಣಕ್ಕೆ ಪ್ರವೇಶಿಸಿದ ತಕ್ಷಣ ದೊಡ್ಡ ಬೆಳಕನ್ನು ಉತ್ಪಾದಿಸುತ್ತವೆ. ನಾಸಾ ಮತ್ತು ಯೂರೋಪಿಯನ್ ಬಾಹ್ಯಾಕಾಶ ಸಂಸ್ಥೆಯು ಈ ಕ್ಷುದ್ರಗ್ರಹವನ್ನು ಗುರುತಿಸಿ ಅದರ ಪಥ ಬದಲಾಯಿಸಿ ಬಹುದೊಡ್ಡ ಅಪಾಯವನ್ನು ತಪ್ಪಿಸಿದೆ.

https://nammakudlanews.com/wp-content/uploads/2024/12/astriod.mp4?_=1

ಮಂಗಳೂರು/ಗ್ವಾಲಿಯರ್ : ಹಲವಾರು ಸರಬರಾಜು ಸೇರಿದಂತೆ ವಿವಿಧ ಕಾರ್ಯಗಳಿಗೆ ಡ್ರೋನ್ ಬಳಕೆ ಇಂದು ಸಾಮಾನ್ಯವಾಗಿದೆ. ಆದರೆ, ಗ್ವಾಲಿಯರ್ ವಿದ್ಯಾರ್ಥಿಯೊಬ್ಬ ಆವಿಷ್ಕರಿಸಿರುವ ಡ್ರೋನ್ ಎಲ್ಲರ ಗಮನ ಸೆಳೆಯುತ್ತಿದೆ. ಈ ಡ್ರೋನ್ ಕೇವಲ ವಸ್ತು ಸಾಗಣೆಯ ಡ್ರೋಣ್ ಅಲ್ಲ, ಮನುಷ್ಯರನ್ನೇ ಸಾಗಿಸುವ ಡ್ರೋನ್ ಆಗಿದೆ. ಚೀನಾ ದೇಶದ ಡ್ರೋನ್ ತಂತ್ರಜ್ಞಾನದಿಂದ ಪ್ರೇರಣೆಗೊಂಡ ವಿದ್ಯಾರ್ಥಿ ಇದನ್ನು ನಿರ್ಮಾಣ ಮಾಡಿದ್ದಾನೆ. ಸುಮಾರು 80 ಕೆ.ಜಿ ತೂಕ ಹೊಂದಿರುವ ಜನರು ಕೂಡ ಈ ಡ್ರೋನ್ ಮೂಲಕ ಹಾರಾಟ ನಡೆಸಬಹುದಾಗಿದೆ.

ಮೆಧಾಂಶ್ ತ್ರಿವೇದಿ ಎಂಬ ವಿದ್ಯಾರ್ಥಿ ಸಿಂದಿಯಾ ಶಾಲೆಯಲ್ಲಿ 12ನೇ ತರಗತಿ ವಿದ್ಯಾಭ್ಯಾಸ ಮಾಡುತ್ತಿದ್ದು, 3.5 ಲಕ್ಷ ವೆಚ್ಚದಲ್ಲಿ ಈ ಡ್ರೋನ್ ತಯಾರಿಸಿದ್ದಾನೆ. ಇದಕ್ಕಾಗಿ ಮೂರು ತಿಂಗಳ ಕಾಲ ಶ್ರಮವಹಿಸಿ ‘ಎಂಎಲ್ಡಿಟಿ 01’ ಎಂದು ಹೆಸರಿಟ್ಟಿದ್ದಾನೆ. ‘ಚೀನಾದ ಡ್ರೋನ್ಗಳನ್ನು ನೋಡಿದ ಬಳಿಕ ಅವುಗಳಿಂದ ನಾನು ಪ್ರೇರೆಪಿತನಾದೆ. ಹಲವು ತಂತ್ರಜ್ಞಾನ ಸೇರಿದಂತೆ ಡ್ರೋನ್ ಅಭಿವೃದ್ಧಿಯಲ್ಲಿ ನನಗೆ ನನ್ನ ಶಿಕ್ಷಕರಾದ ಮನೋಜ್ ಮಿಶ್ರಾ ಪ್ರೋತ್ಸಾಹ ನೀಡಿದರು’ ಎಂದು ಮೇದಾಂಶ್ ಹೇಳಿಕೊಂಡಿದ್ದಾರೆ.

ಮನುಷ್ಯರನ್ನೇ ಹೊತ್ತೊಯ್ಯುವ ‘ಎಂಎಲ್ಡಿಟಿ 01’ :

ಎಂಎಲ್ಡಿಟಿ 01 ಡ್ರೋನ್ 45 ಹಾರ್ಸ್ಪವರ್ನಲ್ಲಿ ಗಂಟೆಗೆ 60 ಕಿ.ಮೀ ವೇಗದಲ್ಲಿ 6 ನಿಮಿಷಗಳ ಕಾಲ ನಿರಂತರವಾಗಿ ಹಾರಾಡಬಲ್ಲದು. 80 ಕೆಜಿ ತೂಕದವರೆಗಿನ ವ್ಯಕ್ತಿಗಳು ಇದರಲ್ಲಿ ಹಾರಾಟ ನಡೆಸಬಹುದು. ಈ ಡ್ರೋನ್ 1.8 ಮಿ ಅಗಲವಿದ್ದು, ಇದರ ಸುರಕ್ಷತಾ ದೃಷ್ಟಿಯಿಂದ ಕೇವಲ 10 ಮೀಟರ್ ಎತ್ತರದವರೆಗೆ ಮಾತ್ರ ಹಾರಾಟ ನಡೆಸುವಂತೆ ಅಭಿವೃದ್ಧಿ ಪಡಿಸಲಾಗಿದೆ. ಕೃಷಿ ಡ್ರೋನ್‌ಗೆ ಬಳಕೆ ಮಾಡುವ ನಾಲ್ಕು ಮೋಟರ್ ಅನ್ನು ಇದಕ್ಕೆ ಬಳಕೆ ಮಾಡಲಾಗಿದೆ.

ಕೇಂದ್ರ ಸಚಿವರು, ಇಸ್ರೋ ಮುಖ್ಯಸ್ಥರಿಂದಲೂ ಮೆಚ್ಚುಗೆ:

ಸಿಂದಿಯಾ ಶಾಲಾ ಸಂಸ್ಥಾಪನಾ ದಿನದಂದು ಈ ಡ್ರೋನ್ ಪ್ರದರ್ಶನ ಮಾಡಲಾಗಿತ್ತು. ಇದರ ಕೆಲಸ ಕಂಡ ಶಾಲಾ ಸಂಸ್ಥಾಪಕರಾದ ಜ್ಯೋತಿರಾಧಿತ್ಯ ಸಿಂದಿಯಾ ಮತ್ತು ಇಸ್ರೋ ಮುಖ್ಯಸ್ಥ ಎಸ್ ಸೋಮನಾಥ್ ಮೆಧಾಂಶ್ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಡ್ರೋನ್ಅನ್ನು ಹೈಬ್ರೀಡ್ ಮೋಡ್‌ನಲ್ಲಿ ಚಾಲನೆ ಮಾಡಲು ನಿಧಿಗಾಗಿ ವ್ಯವಸ್ಥೆ ಮಾಡುಲಾಗಿದೆ.  ಭವಿಷ್ಯದಲ್ಲಿ ಸಾಮಾನ್ಯ ಜನರಿಗೆ ಸರಕು ಸೇರಿದಂತೆ ಜನರ ಸಾರಿಗೆಗೆ ಪ್ರಯೋಜನಕಾರಿ ಡ್ರೋನ್ ಬಳಕೆ ಅಬಿವೃದ್ಧಿ ಮಾಡುವ ಇಚ್ಛೆಯನ್ನು ಗೊಂದಿರುವ ಮೆಧಾಂಶ್, ಏರ್ ಟಾಕ್ಸಿ ಮತ್ತು ಜನರಿಗೆ ಅಗ್ಗದ ದರದ ಹೆಲಿಕಾಪ್ಟರ್ ಸೇವೆ ಒದಗಿಸುವ ಹಂಬಲ ಹೊಂದಿರುವುದಾಗಿ ತಿಳಿಸಿದರು. ಮೆಧಾಂಶ್ ಅವಿಷ್ಕಾರಕ್ಕೆ ಆತನ ಶಿಕ್ಷಕ ವರ್ಗ ಕೂಡ ಸಂತಸ ವ್ಯಕ್ತಪಡಿಸಿ, ಪ್ರಶಂಸೆ ವ್ಯಕ್ತಪಡಿಸಿದೆ. “ಆತ ಹೊಸತನದ ಆವಿಷ್ಕರಿಸುವ ವಿದ್ಯಾರ್ಥಿಯಾಗಿದ್ದು, 7ನೇ ತರಗತಿಯಿಂದಲೂ ತನ್ನ ಕ್ರಿಯಾತ್ಮಕತೆಯಿಂದ ಗಮನ ಸೆಳೆದಿದ್ದಾನೆ. ಏನನ್ನಾದರೂ ವಿಭಿನ್ನವಾಗಿ ಮಾಡಬೇಕು ಎಂಬ ಹಂಬಲ ಅವನಲ್ಲಿದ್ದು, ಹೊಸ ಆವಿಷ್ಕಾರದ ಬಗ್ಗೆ ಆತ ಸದಾ ಮಾಹಿತಿ ಪಡೆಯುತ್ತಾನೆ. ಇದರಿಂದ ನಮಗೂ ಕೂಡ ಗರ್ವ ಉಂಟಾಗುತ್ತದೆ” ಎಂದು ಶಿಕ್ಷಕ ಮನೋಜ್ ಮಿಶ್ರಾ ತಿಳಿಸಿದ್ದಾರೆ.

ಮಂಗಳೂರು/ಉತ್ತರಪ್ರದೇಶ: ಮದುವೆ ಎನ್ನುವುದು ಜನುಮ-ಜನುಮದ ಅನುಬಂಧ ಎಂದು ಹೇಳುತ್ತಾರೆ. ಆದರೆ ಉತ್ತರಪ್ರದೇಶದ ಮೀರತ್ ನಲ್ಲಿ 25 ವರ್ಷದ ಶಿಕ್ಷಕಿಯೊಬ್ಬರು 16 ವರ್ಷದ ಅಪ್ರಾಪ್ತ ಬಾಲಕನೊಂದಿಗೆ ಮದುವೆಯಾಗಿರುವ ಘಟನೆ ಸ್ಥಳೀಯರ ಆಕ್ರೋಶಕ್ಕೆ ಕಾರಣವಾಗಿದೆ.

ಶಿಕ್ಷಕಿ ಪೋಷಕರಿಗೂ ತಿಳಿಸದೇ ಬಾಲಕನನ್ನು ಕರೆದುಕೊಂಡು ಹೋಗಿದ್ದಾಳೆ. ಇದರಿಂದ ಪೋಷಕರು ಪೊಲೀಸ್ ಠಾಣೆಯಲ್ಲಿ ಶಿಕ್ಷಕಿ ವಿರುದ್ದ ದೂರು ದಾಖಲಿಸಿದ್ದಾರೆ. ಸದ್ಯ ಈ ಘಟನೆ ಸೋಶಿಯಲ್ ಮೀಡಿಯಾಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.

ಶಿಕ್ಷಕಿ ಉತ್ತರಾಖಂಡದ ರಾಜಧಾನಿ ಡೆಹ್ರಾಡೂನ್ ನ ಸ್ಥಳೀಯ ಶಾಲೆಯೊಂದರಲ್ಲಿ ಶಿಕ್ಷಕಿಯಾಗಿ ಕೆಲಸ ಮಾಡುತಿದ್ದ 25 ವರ್ಷದ ಯುವತಿ ಕೆಲವು ದಿನಗಳ ಹಿಂದೆ ಮೀರತ್ ನ 16 ವರ್ಷದ ಬಾಲಕನನ್ನು ಸಾಮಾಜಿಕ ಮಾಧ್ಯಮದ ಮೂಲಕ ಪರಿಚಯಿಸಿಕೊಂಡಿದ್ದಾಳೆ.

ಇದನ್ನೂ ಓದಿ: ಪಂಜಾಬ್ ಮಾಜಿ ಡಿಸಿಎಂ ಮೇಲೆ ಗುಂ*ಡಿನ ದಾ*ಳಿ

ಬಳಿಕ ಇವರಿಬ್ಬರ ಪರಿಚಯ ಪ್ರೀತಿಯಾಗಿ ತಿರುಗಿದೆ. ಇತ್ತೀಚೆಗೆ ಶಿಕ್ಷಕಿ ಕಾರಿನಲ್ಲಿ ಮೀರತ್‌ಗೆ ಹೋಗಿ, ಬಾಲಕನ್ನು ಕಾರಿನಲ್ಲಿ ಗಾಜಿಯಾಬಾದ್‌ಗೆ ಕರೆದುಕೊಂಡು ಹೋಗಿದ್ದರು. ಗಾಜಿಯಾಬಾದ್‌ನಲ್ಲಿಯೇ ಬಾಲಕ ಮೇಜರ್ ಎಂಬಂತೆ ನಕಲಿ ದಾಖಲೆ ಸೃಷ್ಟಿಸಿ ಮದುವೆ ನೋಂದಣಿ ಮಾಡಿಸಿಕೊಂಡಿದ್ದಾಳೆ. ತಮ್ಮ ಮಗನ ಮದುವೆಯ ಬಗ್ಗೆ ತಿಳಿದ ಹುಡುಗನ ಪೋಷಕರು ಆಘಾತಕ್ಕೊಳಗಾಗಿ ಕೂಡಲೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಶಿಕ್ಷಕಿ ತಮ್ಮ ಮಗನಿಗೆ ಹೆದರಿಸಿ ಮದುವೆಯಾಗಿದ್ದಾರೆ ಮತ್ತು ತಮ್ಮ ಮಗ ಅಪ್ರಾಪ್ತನಾಗಿದ್ದರೂ ಮೇಜರ್ ಎಂದು ಸುಳ್ಳು ದಾಖಲೆಗಳನ್ನು ಸೃಷ್ಟಿಸಿದ್ದಾರೆ ಎಂದು ಪೋಷಕರು ಆರೋಪಿಸಿದ್ದಾರೆ.

ಪೋಷಕರ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಒಂದು ವೇಳೆ ಬಾಲಕನ ಒಪ್ಪಿಗೆಯೊಂದಿಗೆ ಈ ಮದುವೆ ನಡೆದಿದ್ದರೂ ಕೂಡ, ಅದಕ್ಕೆ ಕಾನೂನು ಮಾನ್ಯತೆ ಇಲ್ಲ. ಭಾರತೀಯ ಕಾನೂನಿನ ಪ್ರಕಾರ 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ವ್ಯಕ್ತಿಯೊಂದಿಗೆ ಮದುವೆಯನ್ನು ಕಾನೂನುಬಾಹಿರವೆಂದು ಪರಿಗಣಿಸಲಾಗಿದೆ.