Monday, January 24, 2022

ಬೈಂದೂರು: ಮಹಿಳೆ ಹಾಗೂ ಗಂಡನ ಪಾಲಿಗೆ ರಾಕ್ಷಸನಾದ ಮೈದುನ

ಬೈಂದೂರು: ಮಹಿಳೆ ಹಾಗೂ ಆಕೆಯ ಗಂಡನಿಗೆ ತನ್ನ ಮೈದುನನೇ ತಂಡದೊಂದಿಗೆ ದಾಳಿ ನಡೆಸಿ ತಲವಾರಿನಿಂದ ಕೊಲೆಗೆ ಯತ್ನಿಸಿದ ಘಟನೆ ಬೈಂದೂರಿನ ನಾವುಂದ ಗ್ರಾಮದ, ಚಾತನಕೆರೆ ಎಂಬಲ್ಲಿ ನಿನ್ನೆ ನಡೆದಿದೆ.

ಘಟನೆ ವಿವರ

ಸಬೀನಾ ಅವರ ಗಂಡನ ಅಕ್ಕನ ಮಗನಾದ ಸಿಯಾಬ್‌ ಎಂಬಾತ ತನ್ನ ಸ್ನೇಹಿತರ ಜೊತೆ ಸೇರಿ ಮನೆಯಲ್ಲಿಯೇ ಮದ್ಯಪಾನ ಮಾಡಿ ಗಲಾಟೆ ಮಾಡುತ್ತಿದ್ದನು. ಈ ಬಗ್ಗೆ ಆಕೆಯ ಗಂಡ ಹಾಗೂ ಸಬೀನಾ ಸಿಯಾಬ್‌ಗೆ ಬುದ್ದಿ ಹೇಳುತ್ತಿದ್ದರು.

ಈ ವೇಳೆ ಮಧ್ಯೆ ಬಂದ ಅತ್ತೆ ಖತೀಜಾ ಅವರು ಸಿಯಾಬ್‌ನನ್ನು ಬೆಂಬಲಿಸಿ ಮಾತನಾಡುತ್ತಿದ್ದರು. ಅದರಂತೆ ನಿನ್ನೆ ಬೆಳಿಗ್ಗೆ 9 ಗಂಟೆಗೆ ಸಬೀನಾ ಮನೆಯಲ್ಲಿರು ವೇಳೆ ಆರೋಪಿ ಸಿಯಾಬ್‌ ಆರೋಪಿತ ಇಸಾಕ್ ಇತರ ಮೂವರು ಆರೋಪಿಗಳೊಂದಿಗೆ ತಲವಾರು ಹಿಡಿದುಕೊಂಡು ಬಂದಿದ್ದು,

ನಮಗೆ ಮನೆಯಲ್ಲಿ ಬಯ್ಯುತ್ತಿಯಾ ನಾನು ಸಿಗರೇಟು ಸೇದುತ್ತೇನೆ ಏನು ಬೇಕಾದರೂ ಮಾಡುತ್ತೇನೆ ಅದನ್ನು ಕೇಳಲು ನೀನು ಯಾರು ಎಂಬುದಾಗಿ ಬೆದರಿಸಿದ್ದಾನೆ.
ನಂತರ ಕೋಪದಿಂದ ಸಬೀನಾ ಅವರಿಗೆ ಹೊಡೆಯಲು ಬಂದಿದ್ದ, ತಕ್ಷಣ ಅವರಿಂದ ತಪ್ಪಿಸಿಕೊಂಡು ಸಬೀನಾ ಗಂಡನಿಗೆ ಮೊಬೈಲ್ ಕರೆ ಮಾಡಿ ಸ್ಥಳಕ್ಕೆ ಕರೆದಿದ್ದಾರೆ.

ಸುದ್ದಿ ತಿಳಿದ ಗಂಡ ಮನೆಗೆ ಬಂದಾಗ ಬೋಸುಡಿ ಮಗನೆ ಬಂದೆಯಾ ಬಾ ಮನೆಯಲ್ಲಿ ಭಾರಿ ಮಾತನಾಡುತ್ತಿಯಾ ನಿನ್ನನ್ನು ಕೊಂದೆ ಬಿಡುತ್ತೇನೆ ಎಂದು ಸಿಯಾಬ್‌ ತಾನು ತಂದಿದ್ದ ತಲವಾರಿನಿಂದ ಬೀಸಿದ್ದು, ಈ ವೇಳೆ ತಪ್ಪಿಸಲು ಹೋಗಿ ಕೆಳಕ್ಕೆ ಬಿದ್ದಿದ್ದಾರೆ.

ತಕ್ಷಣ ಆರೋಪಿ ಮತ್ತು ತಂಡ ಅವರ ಮೇಲೆ ಹಲ್ಲೆ ನಡೆಸಿದೆ. ನಂತರ ಸಿಯಾಬ್‌ ಸಬೀನಾ ಬಾನು ಅವರ ಕುತ್ತಿಗೆಯಲ್ಲಿದ್ದ ಚಿನ್ನದ ಸರವನ್ನು ಕಿತ್ತುಕೊಳ್ಳಲು ಯತ್ನಿಸಿದ್ದಾನೆ. ಇಷ್ಟೆಲ್ಲಾ ಘಟನೆ ನಡೆಯುವ ವೇಳೆ ಅತ್ತೆ ಖತೀಜಾರವರು ಸಬೀನಾ ಹಾಗೂ ಗಂಡನನ್ನು ಕೊಂದು ಹಾಕುವಂತೆ ಉತ್ತೇಜನ ನೀಡಿದ್ದಾರೆ.

ಈ ವೇಳೆ ಬೊಬ್ಬೆ ಕೇಳಿದ ಸ್ಥಳೀಯರು ಬಂದಾಗ ಆರೋಪಿ ತನ್ನ ತಂಡದೊಂದಿಗೆ ಸ್ಥಳದಿಂದ ಪರಾರಿಯಾಗಿದ್ದಾನೆ.
ಈ ಬಗ್ಗೆ ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Hot Topics

ಮಂಗಳೂರು: ಮಾಲೀಕನ ಎದುರೇ ಸ್ಕೂಟರ್‌ ಕದ್ದೊಯ್ದ ಕಳ್ಳ

ಮಂಗಳೂರು: ಮಾಲೀಕನ ಎದುರಿನಲ್ಲಿಯೇ ಕಳ್ಳನೊಬ್ಬ ಸ್ಕೂಟರ್‌ ಕಳವು ಮಾಡಿದ ಘಟನೆ ನಗರದಲ್ಲಿ ನಡೆದಿದೆ.ರಿನ್ಸ್‌ ಮೋನ್‌ ಕ್ಸೇವಿಯರ್‌ ಅವರು ಜ.7ರಂದು ಬೆಳಗ್ಗೆ 11.30ರ ವೇಳೆಗೆ ಪಾರ್ಸಲ್‌ ಬಸ್‌ಗೆ ನೀಡಲು ಜ್ಯೋತಿ ವೃತ್ತದ ಬಳಿ ಸ್ಕೂಟರ್‌...

ಮೂಡುಬಿದಿರೆ: ಕಾರು ಢಿಕ್ಕಿ- ಪಾದಾಚಾರಿ ಸ್ಥಳದಲ್ಲೇ ಮೃತ್ಯು

ಮೂಡುಬಿದಿರೆ: ಇಲ್ಲಿನ ಕಲ್ಲಮುಂಡ್ಕೂರು ಪೇಟೆಯ ರಸ್ತೆಯಲ್ಲಿ ಪಾದಾಚಾರಿಯೋರ್ವರು ಹೋಗುತ್ತಿದ್ದಾಗ ರಿಡ್ಸ್ ಕಾರೊಂದು ಢಿಕ್ಕಿ ಹೊಡೆದ ಪರಿಣಾಮವಾಗಿ ಪಾದಾಚಾರಿ ಮೃತಪಟ್ಟ ಘಟನೆ ನಿನ್ನೆ ರಾತ್ರಿ ವೇಳೆ ನಡೆದಿದೆ.ಸಂಪಿಗೆಯ ಇಡ್ಡಬೆಟ್ಟು ನಿವಾಸಿ 53 ವರ್ಷದ ಹರೀಶ್...

ಕುಂಪಲ: ಪ್ರಯಾಣಿಕರನ್ನು ಇಳಿಸುವ ವೇಳೆ ಖಾಸಗಿ ಸಿಟಿ ಬಸ್‌ಗಳ ಢಿಕ್ಕಿ

ಮಂಗಳೂರು: ಬಸ್ಸು ತಂಗುದಾಣದಲ್ಲಿ ಪ್ರಯಾಣಿಕರನ್ನು ಇಳಿಸುವ ಸಂದರ್ಭ ಬಸ್‌ಗೆ ಮತ್ತೊಂದು ಬಸ್‌ ಢಿಕ್ಕಿ ಹೊಡೆದ ಘಟನೆ ಉಳ್ಳಾಲ ಕುಂಪಲದ ಬೈಪಾಸ್ ಬಸ್ಸು ತಂಗುದಾಣದಲ್ಲಿ ಇಂದು ನಡೆದಿದೆ.ಕುಂಪಲದಿಂದ ಮಂಗಳೂರು ಕಡೆಗೆ ಸಾಗುವ ಖಾಸಗಿ ಸಿಟಿ...